【鳩故】無啦啦有三條女同左我一齊住

「嘩食左成日...飽啦...」

我地成班食到夜晚，已經飽到食唔到落去

除左阿純，仲津津有味咁食扒



「阿純，你仲食到？！」刀仔問


「嗯...我未飽...」

阿純又好似果次響泰國餐廳咁食到成口都係

「由細到大呢，我都好大食架...」


「但係阿純你又唔肥喎...」tyson道


嘉桓同chantal都露出羨慕既眼光

「食極都唔肥真係好呀...」



我地食剩果啲野，基本上都由阿純包底


今日都算玩得開心既，又有得響舊同學面前出一口氣

又有得睇到椰奶著泳衣

「嘩，乜咁撚難架...」

黎到week 6，各科都開始要交功課同mid term

而我，亦都響暗hall個common area度同數學惡鬥緊


以前中學既我都係靠考試前先溫，我都唔例外

首當其衝既，就係科所有人都要讀既數學


「屌....乜野dydx呀..」

雖然我中學有修m2，但其實我都係拎得個3

「唉，如果有椰奶響度就好啦」


最衰椰奶去左返工，唔係既話我都起碼可以問佢

之前既功課都係要問椰奶先識做



「你搵我個妹呀？」

「嘩！！！」


marie突然響我身後，嚇到我成個跳起


「sorry呀..係咪嚇親你呀？」

marie除低耳筒：「行過見你做到好苦惱咁，所以過黎睇下咩事姐...唔好意思呀...」


「唔..唔係...」


「不過最衰我讀理科啦，唔係我都起碼可以幫下你」

我再問

「marie你...果陣係讀咩架？」



marie坐到我身邊

「中學果陣就讀文科加econ，大學就讀bba，不過讀讀下都無乜興趣lu」


同椰奶之前講既一樣...



「之後...就響暗hall呢度做啦？」


「嗯！果陣本身我都住左兩年架啦」


佢話讀到year3就無乜興趣，即係佢差唔多由year1開始住


我試下再問得深入啲

「咁...點解果陣唔住舊hall既？」



「我...都有住過...」

講到呢度，marie收起臉上輕鬆既表情


唔通...真係有啲唔開心既經歷？



「唔好講呢啲啦，不如一齊聽下歌？」

marie已經拉開左話題：「不過我鐘意親既都係啲日本歌手或者日本band，唔識你啱唔啱呢，嘻..」


「...嗯...好呀...」


marie拎出macbook，用itunes播歌



我一直邊聽邊做數，而marie就響我隔黎用macbook睇下漫畫

https://www.youtube.com/watch?v=-JE55OiCe3Y



「呢首歌幾好聽喎...」


「咦識野喎新地...」

marie停下手：「呢隊樂隊叫[Alexandros]，係我啱啱入大學果陣開始鐘意架」


「佢地黎左三次香港，我...三次都有睇！」



「咁...你都真係好鐘意...」

我無乜鐘意歌手或者樂隊既概念，av女優就有追開


「嗯，今年佢地聖誕有live，我都諗住去日本睇呀...」

marie呢份工咁高人工，我諗要去日本都唔難既...



不過，marie鐘意呢隊alex乜鬼野既事，阿豪同otto又知唔知呢？

以後每集之後閒話幾句算

由廢鳩俠追到依家既讀者應該都知我鐘意聽日本band

marie原型，日本女演員飯豐萬理江真係[Alexandros]既fans


https://www.youtube.com/watch?v=xfG6L9I7N8I

Push

寫多啲娜奶件泳衣呀嘛

推

推

我將椰奶同智詩重疊咗

上次二揀一 今次就三揀一

小孩子才做選擇

+1

唉仆街啦 咁就live咗

岩岩睇 個故有無甜

未響日本睇過佢地live
但香港三次睇哂

頭兩次都encore ot到十點幾

今日先開始留意呢個post好撚吸引，樓主幾時再有更新

樓主我屌你老母

正常就星期一至五夜晚10點半後出文嘅

但好似話今個星期六會加班

g chi

期待

「嗱，你拆開黎d佢咪得囉天才」


「嘩，原來咁易架咋...」


第二日問返椰奶，我下晝戟左好耐既問題即刻響幾分鐘解決




「嘩你真係飛翼高達0識架喎，上堂咪講過囉」

椰奶得勢不饒人：「我無上堂都識啦！」


「唉知啦知啦，唔該哂囉...」


「新地咪算係咁囉」

tyson飲緊果啲大隻奶粉：「果陣year1我直頭無上過堂，全部科都碌過既」


「下...tyson你讀law架喎...」


「無關係架，讀law都唔一定係果啲書蟲姐！」

tyson飲左一啖：「何況，又唔係我想讀law既」


「吓...？」

我同椰奶同時望過去


「做咩呀？好出奇咩？幾年前果個網絡歌手香蕉奶夠讀law啦，咪又係轉行唱歌！」

tyson平淡道：「我老豆同阿哥都律師，咁佢地自然想我做律師架啦」


「果陣我無乜目標，咪求其揀city law囉，又夠分入到...」

「不過依家唔同啦...我搵到我既人生目標」

tyson嘆左口氣：「不過果陣同屋企人講完之後都比佢地屌左好耐架啦，咁我咪搬出黎住算囉！」


「咁你目標係咩呀...」


「我知！健身教練丫嘛！」

睇住電視既愛雯村插嘴：「你講左九千幾次啦！」


「喂，不如唔好咁快爆！比下啲神秘感佢地丫嘛！」

tyson笑道：「不過都真係既，我依家係以健身教練為目標」

「不過我自己都覺得，點都要讀埋個degree佢既..」


原來tyson都有自己既夢想

呢方面我真係拍唔上佢



椰奶索一索個鼻：「咦，做咩咁香既...」


「食得啦！！」

chantal同阿純一齊捧住個蛋糕出黎，放響飯枱上


個蛋糕應該係啱啱焗起，所以仲感受到佢既熱力

外表呈現金黃色，睇到都好彈下


「嘩好似好正咁喎！」

愛雯村問：「點解你地兩個又會識整既？」


「今朝響youtube上面見到，我又見廚房個焗爐無人用，所以特登買料返黎整架...」

阿純答：「你地可唔可以幫我試下味呀？」