「嘩食左成日...飽啦...」
我地成班食到夜晚,已經飽到食唔到落去
除左阿純,仲津津有味咁食扒
「阿純,你仲食到?!」刀仔問
「嗯...我未飽...」
阿純又好似果次響泰國餐廳咁食到成口都係
「由細到大呢,我都好大食架...」
「但係阿純你又唔肥喎...」tyson道
嘉桓同chantal都露出羨慕既眼光
「食極都唔肥真係好呀...」
我地食剩果啲野,基本上都由阿純包底
今日都算玩得開心既,又有得響舊同學面前出一口氣
又有得睇到椰奶著泳衣