【鳩故】無啦啦有三條女同左我一齊住

推啊

夜晚，我響房度睇緊youtube果陣，突然有人敲門


「咯咯」




「喂笑話大師，開門丫」

椰奶...叫我？


我打開房門

「咩事呀椰奶？」


「無...想多謝你姐」

椰奶遞上一罐可樂：「咁都比你氹返chantal，有料喎」


「咁...咁啱姐...」

我再追問：「chantal呢？」



「佢訓左教lu，喊咁耐都攰啦！」

椰奶讚完我之後都不忘恥笑

「不過講真...響女仔面前講咸濕笑話其實真係好核突囉，平時既話我估chantal報左警啦」


其實都講得啱，唔比人告性騷擾算係咁

「果下唯一諗到既係呢個笑話，冇計啦」



雖然我都只係個a0毒撚，但我都feel到chantal咁樣失戀法會好痛

依家唯一希望，chantal快啲好返

之後果幾日都係正正常常咁返學，而且都無見過chantal

椰奶話佢已經好返好多，不過都未係好想見人住



不過去到星期六，我就知，我好似過份擔心


「哎呀！又輸左啦！」

朝早9點，我就比出面啲聲嘈醒



「邊個星期六都嘈住人訓咁無品呀...」

同樣被嘈醒既tyson氣道


我同tyson即刻出去

「喂咩料呀晨早流流...chantal？」



chantal響大廳度玩緊mario kart

「呃...我係咪太大聲呀？唔好意思呀...」

有別於前幾日喊到我見猶憐既樣，chantal睇落非常精神

「你...做乜晨早流流打機呀...？」


聽到我咁問chantal好似有啲支吾以對

「無...無呀，啱啱起身見呢度有switch咪...玩下囉」


如果係其他人玩既話，我可能會出聲屌

但見到chantal，我同tyson都真係屌唔落口

「...前幾日..麻煩到你地，唔好意思」


「小事姐！哈哈....」tyson搶先笑道

「呀...嗯....」

我都唔知比咩反應好，唯有附和


chantal...咁樣係咪叫正常返呢？真係唔知

不過既然佢都無提，咁就由佢算，一陣講起佢又喊


「早晨呀...」

呢個時候marie都起左身

marie雖然啱啱訓醒眼都未掙得大，但依然好吸引眼球

就算係椰奶都無呢份威力


「咦咁齊人既？」



啱啱先醒起，椰奶呢？

「椰奶呢？」


marie摷住凌亂既頭髮答我

「返左工啦，今日佢返早嘛，佢話想今晚成班打邊爐...係喎，chantal你講左比佢地知未呀？」

係喎，椰奶有提過佢係要返part time

「下chantal講咩呀？」


「我呢..」

chantal陰陰嘴笑：「我決定左...要搬入黎暗hall住啦！」



「搬入黎？」

chantal喎...搬黎呢度？


「嗯，本身我都諗住住hall既，係比個死賤男阻住之嘛...」

chantal放低手掣：「呢度...都幾好丫，無hall咁多人，唔駛特登逼自己咁yo」

「而且我daddy媽咪又成日夜返，我一個人響屋企都無野做...」



聽落的確幾好既，果陣中o同組既椰奶同chantal依家都同我住埋同一度

emm... 同三條女住但其實仲有其他人，同之前獨食兩條女有好大分別

似有後續

哎呀
越嚟越多人添
啲房裝唔曬喎
搬入去啦冇計㗎喇

你唔會咸濕㗎可
我信得過你㗎啦

會唔會因為咩事俾人趕出暗hall

好好睇 唔留名唔得

推

同暗hall個太子爺爭女
或者個太子爺睇中咗主角

留名

推 marie同椰奶姊妹丼

推

家姐俾結他佬mark咗

Lm

推

Push

「飲杯！！！！！」

成班圍住個爐，一齊舉杯


今晚亦都再有幾個新面孔，阿梅、larry、愛雯村、傻強



「咁再一次歡迎椰奶、chantal同新地~~~歡迎佢地加入我地暗hall大家庭！」

野都未食，刀仔就已經好似飲醉左咁鳩up



「喂咁渣架你，阿梅都未醉你咁快醉」tyson恥笑道



「唔飲得就唔好學人飲啦！你地班男人咁廢架！」

阿梅飲起啤酒上黎相當豪放




呢個阿梅留長頭髮，身材高挑，應該過170

聽家桓頭先講，阿梅平時都係夜晚先返，所以比較少見到佢


「話我地男人廢？我入去拎支gin同你對過！」

larry同傻強即刻入房拎左支酒出黎


「好呀驚你呀！」



「唉野都未食就咁快鬥酒」

阿豪夾起肥牛：「係喎，點解呢排咁少見你呢愛雯村」


「咪講左囉，同屋企人去泰國玩嘛！手信都放哂響呢度啦」

愛雯村扮哂嬲咁：「阿豪你都無心裝載既！仲話做hallmate喎！」




「鬼記得咩...我又唔係你男朋友...」

聽marie講，愛雯村呢個名係因為佢全名叫全愛雯，咁咪食個字變愛民邨囉

佢屋企好似有啲錢，黎暗hall住都係因為想返bu近啲


愛雯村皮膚較黑，但樣都仲叫中上


「喂，你好似係叫新地呀呵？」

愛雯村問：「啱啱椰奶同我講左，你地三個係響ocamp果度識架嘛」



「係呀...hello...」


「雖然果樣就毒毒地，但起碼都叫幾英勇丫..」

愛雯村響我耳邊細細聲講：「聽椰奶講你果陣幫chantal趕走狗公喎」



「都..都唔係既...冇椰奶幫手既話我分分鐘比人笑....」

又諗起之後比個狗公jack kick鳩既柒事


椰奶放低碗，走過黎將我拉埋一角

「喂新地，過一過黎」


「咩...咩事呀？」


「你響chantal面前小心啲講野呀」

椰奶苦口婆心道：「我好辛苦先氹返佢架，雖然佢個樣無乜野...」

我望過去chantal，佢個樣都係同今朝一樣，少少笑容咁


「但係我驚刺激到佢既話又會情緒失控...」

椰奶道：「總之，你唔好響佢面前提起拍拖、分手果啲topic啦」


「好難架喎...」


「咁你係咪想睇佢再爆喊丫？」


「...唉知啦，盡量唔講啦，但其他人...」




「飲啦廢柴！」

隔黎阿梅同larry傻強兩個人繼續鬥飲


「我...我唔得啦....！」

larry同傻強已經紅都面哂，攤響地度



「哈哈哈，渣架！」

睇落好似飲左好多既阿梅好似仲不為所動咁，繼續狂夾肥牛：「阿姐我中三已經跟我老豆飲酒啦，你同我鬥！」



「你兩個影衰男人呀！到我！」

tyson自告奮勇



「wooooo！！！！」

我食住爐入面既野食，跟住成班男仔一齊歡呼

tyson二話不說，即刻拎起一shot

骨碌骨碌地吞落喉嚨


「呼.....無事！！！」

tyson抖返順條氣，成功捱過：「到你啦！」





「黎囉！」

阿梅二話不說，乾脆地拎起一shot


「阿梅！唔好輸呀！」

「加油呀！」

成班女仔亦幫手打氣

就連chantal都好hyper咁為阿梅加油


「骨碌....」

阿梅一口氣將酒倒入口中


痴線，佢飲左成五shot啦喎


「嘿..到你啦tyson！」

今次阿梅都開始少少面紅