【鳩故】無啦啦有三條女同左我一齊住

沖完涼返到房，已經見到阿豪又拎起木結他

但唔同既係，今次佢直頭開埋金口

「沒有找到出口出去也好~終點一剎也未到~迷宮之中你必須跟我hold~~~~~」


老實講...好撚難聽

佢把聲一唱到啲高音少少既位就即刻走音，但佢仲要擺個好撚陶醉既樣出黎，令我都唔好意思打擾佢



「tyson，你唔沖涼既？」我問


「做下運動先啦」

tyson已經除哂上身既t恤，拎住啞鈴訓上張健身凳上：「你跟我操，包你下次reu打撚死ocamp果個死狗公」



「呃...下次先啦」

除左因為我今次搬入黎已經太攰之外，中學係毒撚既我運動仲係平平，所以真係對做運動有啲抗拒



「嗚啊呀....1....嗚...2」

tyson一邊舉鐵一邊大叫，令我感覺到少少gay味


但同樣，我都係唔好意思叫佢細聲啲


「即使有過無數次~~仍會~願意~~~~~↑」

另一邊，阿豪又繼續忘我高歌




咁我諗住佢地都係玩一陣既姐，咁我咪去刷牙先

「喂咁我訓先啦...聽日返8半」


「哦好呀你訓丫...早抖！」

tyson同阿豪講就講得好聽，但係響我拉埋簾之後


「是誰能讓我可~~~~在寬廣的未來~~~~~」

「嗚嗚呀...啊......」



佢地兩個，仲一路係咁嘈！



仆街，我終於明otto頭先既意思

真係...


訓唔撚到呀！！！！

「鈴鈴鈴鈴鈴.....」


「呵呀...」

成晚比佢地兩個嘈住都無覺好訓

「仆街訓得果4個鐘...」


睇住tyson同阿豪訓到死豬咁既樣，我都唔知好嬲定好笑


不過，如果我住到hall既話，其實都係晚晚無覺訓架啦


出到去，發現成個暗hall都無人

大概，個個都仲響房度訓緊教掛...


我準備拎埋杯入廁所刷牙之際，就見到椰奶啱啱好響女廁出黎


「...早晨」

講真，得我同佢兩個就有少少尷


「早晨，估唔到你都起到身喎...」

似乎已經刷好牙既椰奶，都打左個喊露：「尋晚臨訓都聽到你間房嘈到拆天..」


「頂你知就好啦..成晚訓得果四個鐘..」



「咁一陣出門口見啦，我食個包做早餐先」


咪住先...

佢...佢話一陣出門口見


即係話，同我一齊返學？


「睇黎，佢都當我係friend丫...」

我照住鏡一邊刷牙，一邊沾沾自喜

我嗱嗱聲刷牙換衫

「喂，得啦，返去囉」



「男人老狗刷個牙都慢吞吞咁！」

椰奶一路食住菠蘿包，一路鬧我：「依家八點一啦，遲到啦」


「車...都唔知你驚乜，大學上堂遲幾多都得啦」

聽啲師兄講，遲到走堂都係家常便飯


「你以為我係諗住爆四果啲人咩，第一堂點都要返去睇下assignment同final果啲比重架」

一路行，椰奶就一路話我：「新地你真係0識架喎」


「頂，我鬼知咩...淨係聽中學啲師兄講之咋...」

我轉問：「呢啲...都係你家姐同你講架？」


「嗯，佢以前已經成日同我講大學啲野架啦，佢果陣仲係響poly....」



我記得椰奶有提過，marie依家係響暗hall打工換宿

但到底係咩原因...


我再追問

「咁...佢依家係響暗hall呢度係....」



「喂有車啦！」

仆街，比架巴士阻住我繼續問關於marie既野


「...哦！」

不過，同女仔一齊跑住追車既感覺，又真係好夢幻

「喂，新地，呢邊呀！」

返到去lecture room，阿琨同肥成都已經一早到左



椰奶話過太close既話會好易比人知暗hall既野，所以都係分開坐

我把口話無所謂，但，其實我都好想同椰奶一齊坐既

「早晨呀，乜你地咁早既...」


阿琨笑住答，驚死我唔知咁

「我地響hall度約埋一齊返嘛..」


「點呀新地，今日返學搭車逼唔逼呀！」

肥成條撚樣仲咁撚柒串


「ok啦...」

我緊係無講自己去左暗hall住，廢事佢地又響度問問問



「其實我都真係唔明，點解新地住咁遠都無hall住」阿琨都為我抱不平


「睇樣既姐哈哈！」

肥成永遠都係把口唔收：「不過講起上黎，前日hall o勁多靚女呀，啲人話成德重女真係無錯架喎！」

我真係廢事再理佢地，反正都係講下響度hall度又見到啲咩女


而我睇住前面，同其他女同學聊緊計既椰奶

睇黎佢都有自己既圈子

暗hallmate會逐個逐個出場

今晚多咗文

好似到依家都仲係人物介紹咁，感覺係大長篇

今晚係咪完左架喇

個feel會長過廢鳩俠兩集加埋
長啲好呀

唔通因為太嘈所以搬去同椰奶同床 房

推

Lm

推

Push

推

推

推

Lm

推呀

推