[1月高質異世界番] 〈已整合〉〔集中動畫討論po〕無職轉生～到了異世界就拿出真本事～〈8〉

冷氣醫師 2021-04-21 20:24:23

魯迪烏斯 2021-04-21 21:15:30

成班友，見有扑嘢先訂

水聖級（5歲） 2021-04-21 21:54:47

我話哂5歲水聖級唔訂點對得住師傅

等燈(G爆) 2021-04-21 22:28:35

水聖級（5歲） 2021-04-22 00:40:29

嫌手機驚太廢唔想玩又或者想玩但唔識日文但又想知道新劇情嘅咁多位動畫漫畫小說黨們

今次我來講下個保羅少年篇

呢個算係一個小前傳睇咗可以更清楚保羅係一個點嘅人但唔睇都唔會對主線理解有咩影響所以看不看由你

有段時間冇追app台個po 唔知有冇人已經講咗

如果果邊都有講就當我長氣啦

頭盔：以下內容未必絕對正確有結合我個人對劇情嘅理解想知道完整劇情可以down 隻驚落來玩下

唔知大家記唔記得第三集盧迪同保羅有一次父子爭吵想教訓盧迪嘅保羅反而比盧迪反擊到體無完膚

保羅炒車之後諗翻起自己細個嘅時候都有類似嘅經驗先發現自己做咗「討厭」的老豆自始提醒自己唔可以重複犯錯最後低頭向盧迪道歉

唔太記得嘅可以去上個po揾翻第三集嘅劇情補充來睇

保羅少年篇——就係話你知究竟果段類似嘅經驗實際上係發生咩事 tldr可以只睇橙字

一切由保羅仲未夠5歲開始講起，果時保羅已經好咸濕，成日去摸女僕蘿友，一路到5歲生日，保羅都係忍唔到手去摸其他大小姐嘅蘿友

光明正大咁摸完條女蘿友仲好友善咁同人哋講「小姐，我見你下擺沾到泥土，容許我擅自幫你處理咗。」而被摸嘅女仔覺得：保羅=紳士

之後又過一段時間，保羅比屋企送去貴族學校讀書，但保羅當然走到嘅堂都走哂，剩係上佢鍾意嘅劍術堂（水神流），之後學業成績太差，比老豆教訓一餐

其實保羅唔係唔鍾意學習，而係好唔鍾意學校入面有欺壓下層嘅文化（上級貴族屈中級貴族、中級又屈下級）

討厭貴族文化嘅保羅自然令名聲變差，一般貴族認知保羅=野孩子

差唔多時期，保羅細佬——皮列蒙出世了
但保羅有啲呷醋，因為細佬分走咗呀媽對自己嘅關心。

到咗保羅10歲，諾托斯家又開舞會

同場嘅有菲利普嘅大哥——詹姆士同埋菲利普

保羅同詹姆士嘈交最後要菲利普平息兩邊怒火

而當年5歲就比保羅抽水摸蘿友果位大小姐再登場了

佢表示對保羅心存好感因為一旦比父母發現自己整污糟條裙就會好慘

10歲之後就係保羅食女之旅

喺學校見靚女就出手，由於保羅靚仔兼上級貴族，所以大部分女都唔介意比保羅搞。

直到一次，保羅竟然搞到另一個中級貴族嘅婚約者

人哋老豆嬲到登門申訴，同時，保羅喺校園不斷食女嘅事蹟即刻傳開，人人都當保羅係色魔。

保羅老豆都忍無可忍，禁止保羅返學並將佢鎖入反省室。

雖然被鎖入反省室，但保羅呀媽每日都會去見保羅，直到有日保羅發現呀媽冇再來探佢，保羅先知呀媽病倒了，於是保羅每晚都偷走出呀媽間房用初級治癒魔術，但都冇效。

有日保羅打聽到貧民街有醫生識得醫好呀媽呢種病，但出入貧民區有損貴族身份，所以屋企冇打算去貧民區揾醫生，但保羅覺得只要醫得好呀媽就乜都得，自此，保羅每日都去貧民街揾醫生，最後揾唔到醫生，但揾到妓女，有一次忍唔住同妓女搞到半夜，翻到屋企發現呀媽過咗身

唔知點解細佬同老豆都將呀媽身體變差嘅責任都怪落自己頭上，明明自己先係最落力揾方法醫好呀媽嘅人。保羅亦被勒令禁止參加呀媽嘅葬禮

自此保羅同自己老豆冇乜計傾，保羅亦經常偷偷出入貧民街揾自己嘅娛樂

後來保羅比老豆召見，以為終於可以好好同老豆坐低傾下，點知到見面保羅發現根本唔係呢回事，原來係自己細佬向老豆篤背脊話自己經常出入貧民街，所以老豆係來命令自己以後唔準踏出家門。

保羅好嬲，衝上前打傷自己細佬，但咁反而令老豆更嬲，大聲話要斷絕關係。保羅亦wfc 衝出家門，自此再冇翻過屋企。

橙字就係當時保羅所講嘅類似經歷如果自己好似當年自己老豆咁話要趕盧迪出門口，相信盧迪絕對有能力6歲就離家出走，然後踏上一條同自己差唔多嘅道路，但保羅唔希望盧迪會好似依家嘅自己咁，後悔冇好好同自己老豆相處過。

再頭盔，非日文高手