[1月高質異世界番] 〈已整合〉〔集中動畫討論po〕無職轉生～到了異世界就拿出真本事～〈8〉

小說討論請去隔離po

『劇透』《無職轉生》集中小說/漫畫討論 (6)
https://lih.kg/2453189


舊Posts：

第一季上半已完 出個QA比一啲啱開始追po/睇無職嘅巴打

Q：又話24集嘅點解11集就完一季
A：無職分上下半季放送，好似隔離re0同史萊姆咁，下半季7月上映。


Q：想J小說有乜途徑？
A：小說有分web版同文庫，web版的話紙言就有；文庫版可以買電子書 bookwalker, google book同kobo都買到，聽聞bw做最多優惠最平。
老翻不建議亦唔會介紹


Q：web同文庫有乜分別？
A：第一個分別在於讀落嘅觀感，文庫有潤色，整體更通順，而且web好多時由唔同人翻譯，所以譯名會有出入，讀落冇咁舒服；另外就係文庫有加插一啲新章節，作品完整度更高。最大分別係文庫先有第七卷，補充主角長達3年嘅空白時期。


Q：咁我讀web定文庫好
A：個人大推文庫


Q：想依家動畫進度接小說，由邊度睇起好？
A：目前進度係到小說第三卷第九話，如果係web就到28話。估計上半季會完哂第三卷，即係web 33話。


Q：直接動畫接小說會唔會漏好多野？
A：大體會漏咗呢個po 3-10集嘅劇情補充，比較可惜係會漏咗其他角色嘅視角，依家仲算作品嘅前段，所以不妨從頭開始睇。


Q：小說完結咗未？
A：web已完；日文文庫出到24卷，中文出到20卷。如無意外應該25卷完結。


Q：貓女勁定槍叔勁？
A：無解。平地貓女贏，森林槍叔贏。


Q：點解男主到水聖級仲係睇落好廢？
A：男主就係一隻缺乏機動力嘅APC，你想像下打LOL，你係火佬，但呢隻LOL可以傷害友軍，咁你仲敢唔敢亂扔大？

第十集劇情補充 無劇透安心食用

1. 一開場艾麗絲好型咁斬緊嘅魔物叫「帕克斯土狼」佢哋會係成群出沒 對一般冒險者好棘手

2. 咁關愛細路仔嘅瑞傑路德點會忍心比艾麗絲一個打一大堆土狼 原作其實係佢地三個一齊合作打呢一種土狼 然後艾麗絲斬得好興奮 瑞傑又Cover得非常好 結果完全冇盧迪出手嘅機會

3. 原本瑞傑路德唔想比盧迪佢哋參與戰鬥 覺得佢哋細路仔就應該被保護好 唔應該犯險 最後盧迪用學習點喺魔大陸為理由 成功說服到瑞傑路德

4. 洛琪希村落同城鎮其實有三日嘅路程 中間發生過唔少打鬥 覺得動畫打鬥唔夠喉嘅巴打們 小說web 24集滿足到你地嘅需求有艾麗絲單挑一隻魔物嘅情節喔

5. 問：魔大陸好少樹木 咁盧迪佢哋係點樣揾柴木來生火煮食呢
解：魔大陸雖然好少樹木 但取而代之有一種叫「魔木」嘅魔物 就係一啲植物/種子 吸收過多魔力之後演化而成嘅魔物 將佢哋打死就可以有柴生火

第九集開頭有對火堆來個特寫 見到瑞傑拎住果枝「柴」成隻鳳爪咁 其實果隻正正就係魔木隻手唔信嘅翻睇第九集

6. 終於到咗城門前 盧迪發現有好多守衛 先開始察覺「斯佩路德族」嘅惡名究竟惡劣到咩地步

7. 關於點帶瑞傑路德入城呢件事 小說同動畫嘅表現上有好大分別
動畫：染藍髮 戴頸鏈 直接入城
小說：去執咗個爛頭盔比瑞傑戴住 然後同城門守衛講：「我地同大佬一齊去探索迷宮，執到個頭盔以為係咩寶物來，點知個頭盔原來有詛咒 一戴咗就除唔翻落來，依家我大佬食唔到野 所以依家急住揾人解咒。」

就係咁就瞞過咗城門守衛 成功帶瑞傑入城

8. 承上點，帶咗瑞傑入城之後 為咗易容 盧迪買咗啲好似檸檬咁嘅果實 利用佢嘅酸性幫瑞傑個頭甩色 再上藍色染料
個人認為小說講得太多 動畫呢度改得唔錯

9. 入到冒險者公會 表現上小說幾乎一致補充一點 其他盧迪一直有留意住瑞傑嘅面色 因為佢知道拎人哋一族來開玩笑唔係一件好玩嘅事 好彩瑞傑最後都冇因而發難

10. 盧迪對冒險者公會櫃位姐姐嘅感言：「奧派真是神奇的東西，明明只是多了1.5倍的奶子，卻有了2倍的乳溝。」

11. 城鎮名為「利卡利特鎮」因為以前係魔界大帝「奇希利絲」嘅據點，所以又名「舊奇希利絲城」
係利用天然嘅環形山組成圍牆 好適合作為要塞來使用

12. 到咗夜晚 奇希利絲城嘅環形山邊會閃閃發光 變到好靚好浪漫 呢啲發光嘅石叫「魔照石」係奇希利絲當年落重本叫人收集翻來放喺山谷邊 推算當時係為咗曬命用 點知到後世發現作為夜間照明出奇地有用

13. 從瑞傑出手殺人 去到馬面對於死咗人嘅態度 就從側面描寫咗異世界 尤其係魔大陸嘅生死觀念極度淡薄
對於現代生活慣嘅盧迪來講係極大嘅衝擊同壓力 怕喺呢種觀念底下 到某日真係觸及到瑞傑嘅底線嘅時候自己都會小命不保



就咁多先動畫一定會有唔少改動刪減 想知道原劇情不如去睇下小說紙言有全集web版 想支持作品嘅買埋小說文庫就更好

睇完呢集小說黨哭了好多細節都還原咗

第11集劇情補充下一集就要等到7月了今集體感3分鐘由於最後一集 兼有唔少刪減 所以容許我寫長啲


1. 一開場洛琪希用全速向盧迪家鄉出發，用時半年，但去到發現熟悉嘅一切已經消失哂麥田 水車 房屋 全部都冇哂，取而代之嘅就係一堆臨時房屋，同一班已經覺得生無可戀嘅人

2. 仲記唔記得保羅被傳送前做緊咩呢佢啱啱翻到屋企，抱起比啊媽講鬼故嚇親嘅諾倫，然後兩父女就一齊被傳送走咗

3. 洛琪希身後果兩位人士就唔做介紹住，相信下半季會有正式介紹。其他有睇原作嘅大佬小心唔好劇透

4. 就咁睇盧迪佢哋嘅進展好快，其實已經係過咗一段幾長嘅時間，P hunter亦好老實咁不停幫盧迪佢哋做低級任務升級兼宣傳「Dead End 係好人」嘅訊息，而盧迪都做咗幾個討伐類任務。

5. 經過P hunter 嘅努力，盧迪佢哋已經到達D級，打算好好利用P hunter 到C級就各走各路，繼續歸鄉之旅。

6. 盧迪今次接嘅任務係「搜索/討伐未知魔物——B級」
愚連隊接到嘅係「收集未知魔物嘅蛋——D級」
豬頭人接到嘅係「討伐白牙大蛇——應該B級」

盧迪原本見撞任務，但後尾諗到就算真係撞任務都可以取巧拎報酬，加上覺得自己唔會搶輸，所以堅持做任

7. 盧迪所在嘅地方叫「石化森林」，距離奇希莉絲城大概一日內路程，地如其名，就好似一個被石化咗嘅森林咁，係一個好危險嘅地方，如果冇瑞傑路德幫手，只有盧迪同艾麗絲係唔夠做的

8. 盧迪同艾麗絲都唔夠做，更何況係果個愚連隊，結果如動畫所見。

9. 石化森林有好多高等魔物，基本上全部都係C級魔物起跳，盧迪佢哋打嘅兩隻「小怪」其實都有B級水準。

10. 就咁講高等魔物或者大家冇乜概念，比少少例子大家對比下就明。

唔知第八集大家仲記唔記得保羅出去森林打魔物，果種魔物大概單隻E級 群體D-C級，只會用蠻力進攻，冇技術冇策略，但就算打呢啲已經要出動到全村警衛；
而魯迪呢邊嘅B級怪 戰術上識得隱藏氣息去包圍獵物，技術上有啲甚至識水神流，仲要高輸出。
所以唔好以為B級咋嘛我一拳一個啦其實唔係

11. 盧迪今集犯下大錯，係因為佢仲抱住打機嘅心態去喺異世界生存，到睇住面前嘅人因為自己幼稚嘅諗法而死去，自己自私嘅企圖再被誤解成係尊重其他冒險者尊嚴，令盧迪內心好難受，但令盧迪最難受嘅係自己心底裡竟然有「好彩被誤解了」呢個諗法。

12. 睇動畫會覺得盧迪成日食花生睇戲，但原作中盧迪有積極參與戰鬥，只不過呢度嘅魔物高級到識得應對盧迪嘅魔術，令盧迪一時間唔知點打呢啲魔物。

13. 「赤牙大蛇」係「白牙大蛇」嘅升級版，A級魔物，與單體赤龍同級，冇瑞傑根本冇可能贏。

14. 盧迪對赤牙大蛇出果招技唔係火槍，亦唔係火箭，其實係「岩砲彈」，不過冇打中。除咗開頭呢炮之外，盧迪其實每次一有機會就開炮，但呢隻野實在太勁，唔係避開就係彈開，一直打唔到要害。

15. 赤色大蛇好聰明，知道盧迪呢個法師先係最大威脅嘅人，所以中途突然直入盧迪中路，差啲就得米了

16. 最後果炮係混合魔法「岩砲彈改x火球」，模仿現代炮彈嘅魔術，所以先會打中後再爆炸

17. 翻到城比馬面勒索前，其實係有同盧迪吹過水來，馬面得知豬頭人死咗之後明顯呆咗下，然後感嘆「這樣啊⋯⋯那傢伙死了⋯⋯」

18. 勒索劇情刪太多，想睇全貌嘅強推 web 32話，裡面有最足料嘅打鬥兼處理馬面勒索嘅劇情，話比你知，其實盧迪一直做嘅事雖然未必啱，但一定冇白費心機。

19. 盧迪真係有一刻想用大魔法殺哂全城嘅人，而且佢係有能力做到。真正神之怒

20. 最後一幕開始旅途，唔好怪呢度冇乜情節因為小說真係直跳下一個地點，動畫反而仲加多咗劇情

21. 最後有做魯迪偷睇艾莉絲沖涼
我記得小說入面魯迪除咗偷睇沖涼，仲有係洗衫個陣偷聞艾莉絲條底褲，俾人發現咗之後變咗艾莉絲負責洗衫，結果到艾莉絲偷聞魯迪條底褲
補充by一般男性巴


都係果句 刪減一定多 多到我補唔哂想睇足料版只可以睇小說 想睇但冇本錢上文庫嘅都可以睇web版架紙言就有

3-9集劇情補充請移玉步到上個po

[1月高質異世界番] 〈已整合〉〔集中動畫討論po〕無職轉生～到了異世界就拿出真本事～〈7〉
https://lih.kg/2437952
- 分享自 LIHKG 討論區

世界觀設定資料補充 由Suraci 巴提供

魔術
等級依序分為初級、中級、上級、聖級、王級、帝級、神級。種類包含攻擊魔術、治癒魔術、召喚魔術。
攻擊魔術到了一定的程度，可以擁有○聖級魔術師，或○帝級魔術師等頭銜。

例: 洛淇希初登場時，已水聖級魔術師身份作為家庭教師

劍術
這個世界中，主流的劍術流派有三個。等級分為七級；初級、中級、上級、聖級、王級、帝級、神級。
而流派頂點宗師的通稱則是在各流派的名字後面加上神。

故事世界中，因為魔法師大多數需要詠唱，近戰必死，所以魔法師不被劍士重視，在隊伍中只作為輔助各角為主。

LM

樓主轉左po頭

我想問下播到某啲位啲角色/建築會震係咪正常 差唔多每集都會

你用咩睇？

我想問係未完左？

唔係，myself同木棉花唔知點解會咁
試下用anime1.cc

viu 最新個集18:07-18:10震左下 用其他網都會咁

睇QA

個烏人細路死得好橙

動畫已經好人左啦
小説一分二

動畫都係 上半身飛左去樹到

大家都係一分二但小說係左右 動畫係上下

你咁講起
動畫好似少左庫爾特多謝艾莉絲錫佢隻手一幕？
少左都好
如果唔係會好似史萊姆咁膠化
呢啲咪cut得好囉

21. 補得好 小說對兩個人增進感情既描寫好重要

new po LM，點樣先可以撐到7月呀

LM