【古典文學】此情可待成追憶，只是當時已惘然——李商隱

戈登探長

259 回覆

188 Like 0 Dislike

李商隱 2017-05-31 13:48:32

hello 終於講返我

今次終於冇唱我叫雞啦

改返個標題係咪開心哂

睇多次先

好仔的肥假 2017-05-31 15:54:32

巴打將「白門」解作「簡陋嘅居所」。呢度可能暗用呂布響白門樓被曹操勒死既典故，如果係咁，都有一重唏噓人中呂布英年早逝既感覺——雖然我都唔肯定，因為呂布個形象喺李商隱既時代都可能係負面既.....

最尾一句「萬里雲羅一雁飛」，成個畫面出晒嚟，同杜甫既「萬古雲霄一羽毛」（又係三國！）都有得揮，不過李商隱就一定爆sad，唔似杜甫咁，憑住歌頌諸葛亮嚟自勉

唔講真唔知!

呢個巴打唔講真係唔會諗到
其實有另一種講法，話白門係情人相聚嘅地方
不過我覺得白門對應身世係最直接、必然嘅關係
其他講法加埋入去，相信會讀得更有層次

一雁飛萬里……
九成未飛到就瓜左啦

多謝探長讚賞。

繼續留名追po學嘢

戈登探長 2017-05-31 19:01:42

一即是全，全即是一
讀李商隱錦瑟

如果講起唐代詩人
李白、杜甫一定係熱門必讀

相對黎講李商隱嘅作品無咁易入口
雖然其文學成就極高，但大眾對佢認識好少
閱讀有時應該要有「難度」
因為困難，代表我地跳出自己熟稔嘅視野
亦都意味我地透過閱讀
開拓緊一個陌生而豐富嘅世界

今日我地讀李商隱嘅錦瑟
係不論何時何地，只要講起李商隱
都一定會提及嘅詩，公認係集其文學大成之作

最特別嘅地方係，李商隱晚年自編《玉溪生詩集》
將錦瑟一詩，放做第一首嘅「開卷」之作
可以話係代表詩人嘅一生，遠比其他詩作重要

正因為咁，李商隱錦瑟嘅閱讀
必須對佢嘅詩作大體有基礎嘅理解
愈讀得多佢嘅文句，愈能品味錦瑟美妙動人嘅地方

以下從我地之前咁多篇嘅閱讀，區分以下三個切入角度：

1.李商隱嘅人生不幸及沈淪下僚之飄泊

流鶯、賈生、暮秋獨遊曲江、野菊、宿晉昌亭聞驚禽、春雨
2.李商隱嘅歷史意識及其典故之運用

常娥、賈生、籌筆驛、青陵臺、無題(來是空言去絕蹤)、銀河吹笙
3.李商隱嘅愛情悲劇及其欲求超脫情困之掙扎

無題(鳳尾香羅薄幾重)、無題(重幃深下莫愁堂)、無題(相見難時別亦難)、
無題(昨夜星辰昨夜風)、無題(來是空言去絕蹤)、銀河吹笙

錦瑟
錦瑟無端五十弦，一弦一柱思華年。

錦瑟：花紋好靚嘅樂器
弦：弦線
柱：樂器嘅音柱
華年：美好嘅歲月

1.李商隱嘅人生不幸及沈淪下僚之飄泊

「錦瑟」係極美嘅樂器
李商隱由呢樣物件中思考、追憶自己嘅一生
人生是否有如音樂？
曲終係咪必定人散？
「無端」意指突然，不可預測

瑟本來只係得二十五條弦線
但線「無端」斷開了，變成「五十弦」
曲終人散，人生只有一次奏樂的演出

悵臥新春白袷衣，白門寥落意多違。

失羣掛木知何限，遠隔天涯共此心。

細路獨來當此夕，清尊相伴省他年。

人生走到尾聲，到最後或者得返回憶
「一弦一柱」，都係可以令人想到過去嘅歲月
因為過去，因為變成回憶

就算係再悲慘嘅現實，都透出一種時光嘅美
就算係無法預測嘅「無端」結束
依然都係淒美嘅「華年」

莊生曉夢迷蝴蝶，望帝春心托杜鵑。

莊生曉夢：莊子夢見自己成為蝴蝶，醒返係到諗，到底而家係我夢見自己係蝴蝶，定係蝴蝶先係我，夢見自己做緊莊子？
《莊子·齊物論》：「莊周夢為蝴蝶，栩栩然蝴蝶也。自喻適志歟，不知周也。偶然覺，則蘧蘧然周也。不知周之夢為蝴蝶歟？蝴蝶之夢為周歟？」
望帝：古代蜀王，死左之後變成杜鵑，其聲悲苦

2.李商隱嘅歷史意識及其典故之運用

又或者，與其話人生似曲
不如話人生似夢，真真假假又點樣分得清呢？
莊子呢位哲人都尚且「迷蝴蝶」
詩人又係咪迷商隱而不自知？

往事如夢，人生如夢，似乎一切都握唔緊
現實世界嘅成敗得失，係咪都係一樣呢？

可憐夜半虛前席，不問蒼生問鬼神！

管樂有才真不忝，關張無命欲何如？

「望帝」死後依然留戀人間
將佢嘅「春心」，熱烈嘅生命之火
化為杜鵑，生命係可以傳遞，可以生生不息
李商隱死去千年，但如今我地仲係到讀緊佢嘅詩作
詩人「托」詩歌之美，文學之永恆
仍然係歷史長河中講述自己嘅淒美情思
甚至化為詩文化中嘅歷史典範

戈登探長 2017-05-31 19:03:45

滄海月明珠有淚，藍田日暖玉生煙。

滄海月明珠有淚：傳說南海有人魚，流嘅眼淚會化成珍珠
藍田：著名產玉嘅地方，傳說玉伏於地，陽光猛烈果陣會係地下冒煙

3.李商隱嘅愛情悲劇及其欲求超脫情困之掙扎

人生嘅痛苦，人生嘅喜樂
已成過去，曾經流過嘅眼淚化成珍珠

每一粒嘅珍珠，都映照一個動人嘅故事
曾經流過嘅眼淚，所有發生嘅悲劇，都有佢嘅意義

春蠶到死絲方盡，蠟炬成灰淚始乾。

來是空言去絕蹤，月斜樓上五更鐘。

直道相思了無益，未妨惆悵是清狂。

當時，其實唔會知道呢種意義架

只係覺得人生係一個悲劇，好似咁愛情令人絕望
但所有發生嘅故事，都會深藏成為地下嘅玉
只要等時機黎到，陽光溫暖嘅日子來臨
煙嵐似水，迷離間化成人生最美嘅風景

此情可待成追憶，只是當時已惘然。

文學最高之境界：至情無文

當人類嘅感情去到極致，極其嚴肅面對自己最重要嘅情感
所能做嘅，就係用最簡單嘅字眼濃縮成最具分量嘅句子
往往都唔係咩華麗，多加修飾嘅詞彙
此一名句，流傳千古
樸素有力，動人心緒

此處有兩個解讀：
「可待」字，有豈待或等待之義
1.豈待(直述句)
呢種迷霧般嘅情感，唔止係今日先開始追憶
係當下發生果陣，已經令人感到惘然

此情可待成追憶？只是當時已惘然。
2.等待(疑問句)
呢種迷霧般嘅情感，係咪只能等待佢變成回憶，無法改變？
的確係咁，因為過去已成過去
曾經只是曾經
身在局中，惘然不知可以點樣做得更好

不論上面邊種解法都好

最重要係表達左李商隱對人生種種嘅「追憶」
而呢一種「追憶」，正正係因為當下嘅「惘然」
詩人追憶往事之惘然，惘然於往事之記憶
呢一首詩，亦都係全部嘅詩

李商隱呢一句嘅人生經驗，何嘗唔係我地嘅人生經驗？

錦瑟
錦瑟無端五十弦，一弦一柱思華年。
莊生曉夢迷蝴蝶，望帝春心托杜鵑。
滄海月明珠有淚，藍田日暖玉生煙。
此情可待成追憶，只是當時已惘然。

李商隱嘅錦瑟，係詩人最出名嘅作品

千百年來，係無數人口中誦讀過，係無數人心中憶記過
仕途不順，愛情失意，求仙失敗，種種人生嘅悲哀
李商隱不可改變嘅「惘然」，成就詩歌極為傑出嘅作品
一即是全，全即是一

錦瑟所包含李商隱嘅整全，不愧為詩集之首
詩歌所呈現李商隱嘅個體經驗，同時係我地嘅普遍感受
錦瑟之作，盡見李商隱文學之大成

肩系膊頭口系嘴 2017-05-31 22:08:42

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

戈登探長 2017-05-31 22:16:33

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

睇得出巴打應該係因為發生咩事有感而發
我都好明白外行人對中文系嘅誤解
其實呢樣嘢，大家都知啦，先會自嘲「字典系」
文科系，比人睇低，比人誤解係成日發生
對於呢種事，除左恰當嘅解釋，唯有一笑置之啦

月影成三人 2017-05-31 22:26:37

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

睇得出巴打應該係因為發生咩事有感而發
我都好明白外行人對中文系嘅誤解
其實呢樣嘢，大家都知啦，先會自嘲「字典系」
文科系，比人睇低，比人誤解係成日發生
對於呢種事，除左恰當嘅解釋，唯有一笑置之啦

巴打得閒吹幾句
印象中探長文學Post幾多中文系巴打

肩系膊頭口系嘴 2017-05-31 22:50:51

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

睇得出巴打應該係因為發生咩事有感而發
我都好明白外行人對中文系嘅誤解
其實呢樣嘢，大家都知啦，先會自嘲「字典系」
文科系，比人睇低，比人誤解係成日發生
對於呢種事，除左恰當嘅解釋，唯有一笑置之啦

巴打得閒吹幾句
印象中探長文學Post幾多中文系巴打

多謝你哋

容若 2017-06-01 10:16:44

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

睇得出巴打應該係因為發生咩事有感而發
我都好明白外行人對中文系嘅誤解
其實呢樣嘢，大家都知啦，先會自嘲「字典系」
文科系，比人睇低，比人誤解係成日發生
對於呢種事，除左恰當嘅解釋，唯有一笑置之啦

巴打得閒吹幾句
印象中探長文學Post幾多中文系巴打

多謝你哋

巴打唔好灰心呀!

呢到大把人陪你俾人笑

次次有人問著啲我唔識讀嘅字
我就會話我返去考證下再答你

咁先show到俾佢哋睇我哋讀中文嚴謹嘅治學態度㗎嘛

戈登探長 2017-06-01 14:50:12

點解讀中文永遠都有一種無形嘅枷鎖
https://lihkg.com/thread/265300/page/1?ref=ios
- 分享自 LIHKG 討論區

睇得出巴打應該係因為發生咩事有感而發
我都好明白外行人對中文系嘅誤解
其實呢樣嘢，大家都知啦，先會自嘲「字典系」
文科系，比人睇低，比人誤解係成日發生
對於呢種事，除左恰當嘅解釋，唯有一笑置之啦

巴打得閒吹幾句
印象中探長文學Post幾多中文系巴打

多謝你哋

巴打唔好灰心呀!

呢到大把人陪你俾人笑
次次有人問著啲我唔識讀嘅字
我就會話我返去考證下再答你
咁先show到俾佢哋睇我哋讀中文嚴謹嘅治學態度㗎嘛

其實讀中文好多時係多左研究嘅方法
即係就算唔識，用時間搵吓就會有答案
普通人點搵都搵唔到

戈登探長 2017-06-01 15:36:28

呢首真心每讀一次都好正!!!!!

神作
我自己每次讀都好有感觸

毒自上高登 2017-06-01 15:41:21

屌留名終於到正呀

戈登探長 2017-06-01 21:09:07

屌留名終於到正呀

終於符合標題啦

朴joy 2017-06-02 14:34:39

錦瑟真係睇親都有種戚戚然既感覺

戈登探長 2017-06-02 18:41:50

錦瑟真係睇親都有種戚戚然既感覺

偉大嘅文學，穿越千年都仍然能夠勾人魂魄

李商隱 2017-06-02 23:29:09

留名等睇新詩

戈登探長 2017-06-03 17:48:27

留名等睇新詩

有首幾值得分享

李商隱月
過水穿樓觸處明，藏人帶樹遠含清。
初生欲缺虛惆悵，未必圓時即有情。

戈登探長 2017-06-03 17:53:43

莊生曉夢迷蝴蝶，望帝春心托杜鵑
李商隱講後記

李商隱詩，我地講左十八篇，讀左十六首詩

要係五百幾首詩入面，挑出十六首，必然涉及文學觀念嘅取捨
取捨之間，要定唔要，考驗緊選者嘅功力
我最重要嘅諗法係，盡量介紹李商隱主要、整全嘅面貌比大家

如果相對上一講陶淵明，李商隱絕對係唔易入口

當我決定第二講用李商隱做主題，都有諗過，會唔會太難呢？
應唔應該因為「難」而放棄？
又或者只係講李商隱比較易讀嘅愛情詩，忽略佢求仙、歷史其他方面？
後黎我轉念一想，講古典文學，本身就係難事

如果畏難不講，其實何必要講古典文學入門呢？
迴避困難，正正係我地望門不入嘅主要原因

荀子曰：「吾嘗跂而望矣，不如登高之博見也。」
登高望遠，我地必須經過「登」嘅過程，先見到「遠」嘅美景

正如我地讀左前面十五首詩作
到最後先能夠細味「此情可待成追憶，只是當時已惘然」
我唔會話讀古典文學唔難，但相信一定比你感受到當中嘅美麗

「莊生曉夢迷蝴蝶，望帝春心托杜鵑」
一千多年前嘅嘅唐代，李商隱出生
佢一生悲苦，亦因此有感而發，寫左好多首好詩

經過歷史洪流，世界變遷，竟然能夠穿越到2017年嘅香港
出現係2017年嘅我地眼中，係我地心入面引起共鳴、感動
可能比莊周夢蝶更奇幻，杜鵑終有一死，而詩歌不滅

又或者我地都受李商隱「托」負之人，借我地唱出佢嘅故事

談不盡嘅李商隱，談不盡嘅文藝
李商隱自然有更加豐富嘅面貌，留待有心人更進一步閱讀
但願我給你嘅鎖匙有用，可以幫你開到呢道大門
曲終人不散，我依然會繼續講古典文學

文學離唔開人，一個又一個驚世嘅文學家，先係核心
透過認識佢地，一篇又一篇嘅作品，先可以深入文學
呢一道門，或者唔係最好嘅
但我保證，呢一道門，永遠為有心人而開

呢邊再放一次我開嘅blog，方便重溫：
http://deliver90.blogspot.tw/
同時都會繼續開Post：
1.下一個古典文學入門，終於由詩入詞，講大家期待已久蘇東坡啦！
https://lihkg.com/thread/249810/page/1
2.古代之外，現代藝術都好緊要，Van Gogh 梵谷，你又識幾多？
https://lihkg.com/thread/246863/page/1
3.有時可能或者會發吓文係Blog到，應該係評論創作，大家無聊可以留意吓

李商隱 2017-06-04 00:04:17