簡介基本古典文學概念：詠月
讀李商隱月詩
番外篇
中國詩歌傳統入面，詠月係一個大主題
專門研究神話嘅學者講過，中國后羿射日嘅故事
係象徵中國農民社會，日出而作，日入而息
咁太陽出黎代表返工，緊係無人鍾意啦！
月亮反而象徵休息，代表終於有空閒嘅時候做自己嘢
因此，月亮連繫埋幻想、創造嘅意義
咁文人自然鍾意月亮，比起太陽更加神秘動人
自古以來，寫下無數詠月之作
好似謝莊嘅〈月賦〉、東坡嘅月調歌頭(明月幾時有)
更加唔好講李白嘅：
床前明月光，疑是地上霜。
舉頭望明月，低頭思故鄉
李商隱 月
過水穿樓觸處明，藏人帶樹遠含清。
呢首詩讀落好有縹緲嘅感覺
李商隱一著筆就係空中樓閣，唔係好實在咁寫月亮
反而以側筆著手，寫月亮照落人世間嘅月光
而月光偏偏係無形之物，係難以形容嘅
李商隱捨易取難，更見其大詩人之手筆
月光的投射，係具有穿透力
即使連水呢種液體，咁富有流動、曲折美
但都係比唔起月光，足以穿過水
而借助水嘅反射、映照，反而更見月光嘅動人
呢種月光係水面、水中、樓閣，無所不在
月光就好似月亮嘅雙手咁
只要係佢撫摸嘅地方都會留下溫柔嘅光
就連遠處係樹蔭藏下嘅人
都離唔開月光嘅照射
但係，正因為有距離
清白嘅月光，淡淡覆蓋塵世嘅事物
為遠方景色添上若隱若現的美感
初生欲缺虛惆悵，未必圓時即有情。
李商隱呢首詠月詩真係愈升愈高
全以虛筆，更融化哲理與深情
呢邊我地不妨以東坡嘅名句對讀：
人有悲歡離合，月有陰晴圓缺 ，此事古難全。但願人長久，千里共嬋娟。
東坡講嘅係實在嘅情感
以懷子由嘅心，加以人世間發生聚合離散
將月亮嘅自然變化，投注人生嘅希望
呢幾句嘅動人，在於由個人至眾生
將呢個中國「團圓」嘅精神，充分表現
而李商隱即以哲理看月
初生之月，又點會係圓月呢
常人睇到自然會惆悵，好似好唔吉利咁
更加會因為咁，諗到自己不如意嘅事
但當睇到月圓，又會開心返
但呢到李商隱用一個「虛」字
點出月亮其實唔會因人而變，只係自然變化
李商隱似乎係好冷酷咁講：
月亮嘅變化，又邊到關我地事呢？
無論月圓月缺，人世間嘅不幸依然存在
詠月之叛逆作品，應數李商隱
如果話東坡之詞係詠月嘅典型作品
李商隱呢首，就係顛覆之作
然而，即使月亮無情
詩人還有深情，亦因此寫下呢首哲理詩
李商隱 月
過水穿樓觸處明，藏人帶樹遠含清。
初生欲缺虛惆悵，未必圓時即有情。
不妨睇埋東坡：
人生四問：情理交至的完美呈現 細讀東坡水調歌頭(丙辰中秋，歡飲達旦，大醉，作此篇，兼懷子由。)
http://deliver90.blogspot.tw/2017/05/ep10.html
鍾意古典文學就一定要睇我啦
不過未得閒睇晒，等等上機再睇
萄已葡 
