做左3年上門寵物美容 你問我盡答

如果出爪就要搵美容師整，如果唔係大家都受傷

其實做精d可以收貴d搵多d,我遲下穩定d都會調整一下收費
有冇聽過一個男人上門洗牙，我d客個個都話約佢要book一年後，洗一次差唔多成千銀，應該好好搵

想問下免麻醉洗牙其實有冇用？我隻狗10歲想帶佢洗牙但又怕麻醉風險太大

免麻醉一定冇麻醉咁乾淨，不過如果好多牙石的話免麻醉清下都好，始終年紀大

有冇幫布偶貓沖涼? 次次都玩幾個鐘
仲要沖極d毛都係打cake. 成日梳都係咁. 有冇咩方法解決

想入行，應該讀個證書定直接做學徒？

有沖貓

沖涼唔會對解結有幫助，有結沖涼仲會好難乾同易生皮膚病,或者係梳毛方法唔岩？好多客人都成日同我講有梳毛但係打晒cake
佢怕唔怕風扇仔？類似以前好興個d巴蕉扇咁
如果唔怕，又肯俾你用針梳梳毛，之後可以改善呢個問題，我再解釋你聽

同埋聽你咁講，當前呢舊cake應該係濕完又乾，乾完又濕呢d多數要直頭剷左佢，解唔到

建議讀完先做
直接做學徒應該好難有地方會請，同埋上手好慢

有冇邊間學校推薦下？
D學費間間都差好遠，唔知點揀好
C牌一萬至四萬蚊course都有

呢個我都唔係咁熟因為我係台灣學同考既
不過有一間你可以問下價錢睇下岩唔岩心水

隻狗其中一隻眼成日分泌好多眼屎 第二朝起身就黐實晒啲毛 用水抹唔甩 可以點做

唔好意思 借個位嚟

各位路過嘅大學生
呢份係關於寵物如何影響壓力同學業成績嘅問卷 有冇養寵物都填得識嘅親友大學生有養更加可以send俾佢哋
希望你願意花寶貴嘅15分鐘幫手
https://docs.google.com/forms/d/e/1FAIpQLSevi6GC58rnuVqgJ1uZK0FmsiiidPi9L_QW9uuMrH-ala9Row/viewform
附貓狗圖

佢d眼屎係咩色？
如果好似濃咁，去睇醫生會比較好
如果正常黑白啡，平時可能剪乾淨眼周圍既毛會有幫助，有時係成日拮眼就會有分泌物

今次想講下梳毛，因為好多客都同我講日日梳毛，但都係成身打結
剪指甲可以睇返#71

教大家一個檢測有冇打結既方法
首先你要準備一個風筒/風扇（狗仔毛愈硬要愈大風
一路向住佢吹（唔洗熱風）
下圖為冇打結，所有毛係從受風處向外呈放射形


呢張圖係打結打到仆街通常有用頸帶/頭罩/著衫都會易打結


梳毛請準備一把針梳，我個人唔鐘意針頭有膠珠既，感覺入唔到底到解結
由受風處一路向外拉，一個結要梳好多下，猛咁梳就會解到結，盡量唔好貼住皮膚梳


循例附上屋企個model

推一推

唐狗剪唔剪
隻狗好細膽 但啲毛開始生到一忽忽

剪，不過點解會咁，佢皮膚唔好定之前剷到好短？

之前佢因為有大傷口
有一大忽毛比人剷咗

可唔可以加你tg問下價錢？

可以
不過呢兩個星期應該冇乜時間

https://t.me/Suwonblue

工作範圍？ 遠近都去？ 接走隻寵物定點？

係客人屋企做，有車到都去

我想問如果搞唔掂 會點樣同隻貓剪指甲
我之前帶隻貓去沖涼嚇到係咁流口水

明天接唔接？ 狗仔沖同剪幾錢
小型犬

沖涼佢地會驚好多，如果驚到流晒口水下次盡量唔好啦，貓既心藏好弱，有時美容師就住整都會嚇壞佢地
佢俾唔俾你地拎唔拎手？

聽日唔得呢排唔知搞咩d客逼埋一齊，最快要29號個個星期