要天幕頂既萬事得既車唔洗考慮,因為冇
你打算買全新車定係二手?
全新車返廠keep 保養歐洲車啲plan點都貴啲。一般保養換油、隔、火咀依啲唔差得幾多錢。但歐洲車維修就好甘,如果買二手歐洲車的話預咗要花唔少錢整,歐洲車係香港真係水土不服,加上用環保物料遲早都會夠期要換要整。如果唔著重保養維修洗錢既可以照買
以前就係唔信且走去買二手歐洲車整整埋埋貴過車價最後頂唔順劏咗買全新日本車算。對我黎講我好怕成日有問題要整又花錢,心都煩埋。不過你買全新歐洲車就唔洗咁搶心既,點都有返一段時間係冇野要煩。不過用耐左多問題既機會點都大過日本車。就算mazda 啲車都唔係完全冇鑊氣。
再講mazda 對比歐洲車既駕駛感,講真mazda講來講去都係講緊有啲似歐洲車而唔係真係歐洲車,對比同級日本車實好揸啲。但對比一般最最最入門既歐洲車可能唔差得好多。講內籠最入門既歐洲車同萬事得比都差唔多,可能個別歐洲車重差過萬事得。同埋我自己覺得買車最緊要睇安全設備,有時真係救你一命,救埋你啲錢。利申俾個急緊煞車系統救左好幾次。