韓劇 哲仁王后(10) 暨申惠善X金正賢討論區

一見到佢 個腦就有主上把聲：哦呵 尚膳

狂loop 呢段 sweet 爆

主上又入戲太深

記得睇過新聞定唔知咩話，mama等埋位時成日食香口膠同企得好粗魯，好多人以為佢好惡，但係咁啱金演員都有食香口膠既習慣，所以2個拍哲仁時成日一齊食

所以張奉煥係咪本色出演

比起奉奉啲崩潰 其實主上對住中殿個種不經不覺既轉變都好好睇 去到後面中殿暈低左個度直頭唔理約左花真合房 呢啲對比都睇得好sweet

Tvn 佢兩個嘅採訪就係佢答平時拍戲中意𡁻膠 所以後期整個字幕係取向狙擊&mama 鏡頭

係由誤會到理解到喜歡到深愛

我都好中意 呢個整合左幾多宗仔對mama 嘅態度轉變https://www.beauty321.com/post/38797?utm_source=facebookpost&utm_medium=beauty321&fbclid=IwAR38HQTgBZn6ZXLn0N8hmFWAxFmnzRxPIQ2wRSimbl0HMut9g8LWrgy7HYA

主上話過自己係王唔會跑
一聽到mama有事就即刻跑狗衝

一齊食

不過我有少少唔明
睇左後記
見主上避雨時就鍾意中殿
但點解之後態度咁差
甚至要紹容跳江前都同主講話要愛慕佢

就係因為知佢出至敵人家族？ romeo and Juliet 咁？

無理解錯嘅話
後記主上鍾意（或者話對中殿有好感）個陣，佢都唔知對方係邊個，仲有唔知佢係來自邊個家族嘅人

之後到冊封宣布個陣
主上先知道中殿係金家人，之後先對紹容態度差，我記得唔知邊個講過話主上冊封中殿嗰陣已經見到表情有溫度差

中殿跳江前同主上講要愛慕佢
因為中殿覺得只有主上愛慕佢，佢先可以成為主上的力量同佢一齊對抗
但嗰陣主上誤會左佢意思，佢覺得中殿係金家人，會聽金家話，所以叫主上愛慕佢=主上一定要愛中殿咁既道理

我覺得個時只係有啲一見鍾情 未話深愛
同埋個時主上得一個目的 就係要光復朝廷
所以所有金家人於佢而言都係死敵
昭容都只係有過一面之緣既靚女咁
再者佢個時有花真who is同佢有共同話題知佢夢想既人 自然別無異心 對昭容直頭好似殺父仇人咁
未比奉奉上身既昭容雖然鍾意主上 但佢個格應該都係未開發小女人 跳河前應該點都講唔出你愛我我就會拋棄家門同你同一陣線呢啲說話 左右為難又唔想失去自己所以選擇死（？）

（真係要多謝奉奉帶返正式做中殿前昭容啲活潑出黎）

依一幕我都好鐘意之前有個巴打的comment我好鐘意 cap低左

果陣真係感受到金昭容身邊的人都救唔到佢
只可以信主上
所以果陣金昭容有份屌番佢老豆轉頭

真 我依加走去睇緊台灣Friday 重睇多一次
完全唔同曬感覺

黃viu好似淨係哲仁特別多錯處？

因為我覺得主上同mama講既gag或想帶出黎既信息太有深度
所以成日翻譯出黎都詞不達意
總結: 翻譯條友唔夠料

Friday 都有少少錯 但整體都唔錯...

正劇開頭有提到昭容入宮後係後宮魔女 成日折磨下人 加上係金家人
始終嗰次初雪見面冇講幾句 主上唔了解佢為人 以為佢本身就性格差
同埋我覺得仆街永平君實成日喺隔離講昭容壞話 同花真本身又有牙齒印
當主上身邊既人都覺得昭容係敵人 自然主上都會戴咗有色眼鏡

但有d直頭錯譯 我睇黃viu其他劇都無話咁

可能呢套劇特別難繹?

正解,直到奉煥出現講其實昭容都係弱者,令到哲宗反省自己GE大義係錯

我自己理解既時間線係咁:

昭容出身於安鬆金氏，由於母親早死
由父親養大，乖乖大小姐，乜都聽爸爸話
長大成人後，被家族推薦為中殿後選人
去到三揀擇前，昭容仍然無見過主上真人
番外初見，表達既係昭容對主上未見已經有好感

三揀擇個陣，主上都覺得昭容係一個好女仔
昭容亦因為初見動情，愛上左主上
呢個moment應該算係單戀，昭容愛上主上

可惜昭容既背景係安鬆金氏
主上得知呢件事後，加上永平君同洪別監勸阻下
潛移默化咁認為昭容姓金，自然係安鬆金氏同伙
主上更加認為昭容只係金氏安排係自己身邊嘅針
=昭容只係金氏用黎鞏固金氏掌管皇權嘅工具

呢個情況下，主上無辦法接受到昭容，誤會亦越滾越大

而昭容眼中，佢都好清楚佢既人生唔屬於自己
愛上主上後，佢想要既人生係係成為主上既中殿
想為主上分憂解困，成為真正幫到主上既內人
繼而出現”主上，你要愛慕我”一個情景

可惜事與願為，基於安鬆金氏背景
主上唔能夠信任昭容，再走去同花真相戀
昭容得唔到愛人之餘亦得唔到家族信任
只可以用自殺去證明自己同家族既人唔同
同證明自己對主上既丹心一片
當然死唔去，先有奉奉既故事睇