想請教巴打們, 準備買摺車 (屋企附近無得踩, 需要上巴士, 又唔想次次搭的士返屋企...)
睇中 KHS F20 T3F, 請問有無咩意見?
差唔多嘅好似有 oyama cr16, dahon sp16, dahon s18
有借過人地部老翻 dahon p8 踩過 (估計抄足但好重, 20kg), 可以接受, 但自己買, 想好去之餘方便帶
主要踩單車徑, 亦打算用埋黎 train, 初期目標只係全程 avg 20km/h
點解揀呢部, 主要覺得佢個架幾穩陣, spec 入面 gear 已經係 105, 爬過文係好野黎, 應該無咩需要改 (其實我覺得我唔需要 3x9 咁多段添)
另外, 有無人摺車會改 lock 踏架?
有無地方係可以試晒我上面提果幾部摺車呢?
要買, 係咪上網訂最平?
1.摺車都未必上到巴士
2.你唔係住mtr沿線？
3.有得揀實買rb先，好過踩一排再換浪費錢
4.keep 20其實都係jojo咁上下速度，會唔會你太睇少自己，因為摺車發揮好有限，唔會prefer用嚟training
1 & 2:
mtr 沿線, 但係多數會踩半夜, 得 N 車返屋企
我睇過巴士 D 條款, 車袋包住應該比上掛? 重有無咩情況會唔比上? 我都係搭九巴, 例如 N271
3:
有諗過呢個問題, 短期內估計唔會, 亦考慮埋真係會換車, 揀呢 D 大牌子, 至少放得出
4:
我計埋上落斜, 過馬路嘅...
1&2：
聽過有啲唔畀上，睇司機
3：
好多人買細車之前都係咁講，行多咗冤枉路
5：下下撘車去單車徑踩應該好快忍唔住落馬踩，加上你踩開半夜其實仲安全過單車徑
多謝你地苦苦相勸, 但交通問題真係未搵到更好解決方法.
我自己果頭就算半夜, 都唔係好想踩馬路...
至少一齊踩嘅朋友都唔止一個踩緊摺, 到時咪一齊蝕囉.
其實掉番轉諗, 我無經過呢個階段, 如直上 rb, 但因為交通問題可能成日唔想出車, 變左唔想踩, 更嘥.
都無得後悔, 或者我到時換完 rb 又會換 mtb 呢...
咁關於試同買嘅問題呢? 有無人幫到我呢?
通常呢你唔係買鈦鳥/小布/cm 摺多幾次就唔想再摺
可能係我識啲踩摺車都係啲平車
會換車係因為你唔心足想再好啲
摺車人想換rb 我就係人辦
我明, 我就算遲 D 想換, 都唔會後悔嘅
就算係rb友都會有想換車/買新車嘅諗法
對於呢點只要啱心水同買得起我都會同意你買
但係見到你話要練車avg20
我會話真係有心練車就直接買rb唔會錯
有心機練你遲早都會出去踩馬路
