近代中國歷史之勳章談(由清末到民國)

Zeppelin
成撚日都爆炸同俾人秒嫁喎

二.(b2)爵章-中篇1

大家可能仲諗緊上part答案時(不),我就打斷大家嘅估答案時間

用一句中共名言"槍桿子出政櫂",早啲李鴻章同醇親王先後去德國出trip時都被俾揆同德皇過一招振國貼士"要有屬於皇帝嘅軍隊".之但係德皇金口講就容易,現實情況同理想完全係一個北極一個南極----喺八國聯軍一戰,女真佬啲底牌幾乎輸X哂,賠錢就哽啦,連自己啲兵都輸到嘔突(例如由直隸總督榮祿管嘅三支軍隊除北洋軍外,聶士成嘅武衛軍同董福祥嘅甘軍全滅)......畀著大家聽到情況應該喊出嚟!仲未完!之後袁世凱幫手砌返一支軍隊時又爆出"只識袁宮保,不知有皇上"嘅傳聞... 因為咁,當老佛爺仙遊之後,班後生滿人貴族就起飛腳迫肥佬袁"腳痛"下台啦!
醇親王訪德

雖然如此,但袁宮保勢力深入新軍,令佢地都係覺得唔安全,所以成立一支以滿人為核心嘅禁衛軍,班底就係1906年學日本開左一間專畀貴族子弟學軍事嘅"貴冑學堂",但係以事後孔明咁睇就覺得呢班友表現其實不似預期 ,本來班八旗仔嘆慣人世,諗住一下就谷起呢班玩到創哂嘅八旗仔爭氣到似返以往阿太太爺嗰輩咁...好難啦!
<-原貴冑學堂校舍,喺學堂收檔後被用作海軍office

雖然係咁,喺日後稱為"馮狗"馮國璋鞭策之下,以當時眼光睇班兵反而有啲唔錯表現嘅,而且都有幾個軍官仔都好爭氣,亦因為咁畀到一個希望攝政王,佢地成為攝政王郁肥佬袁嘅絕招,尤其係當時重臣穆.鐵良成功搶走4鎮北洋軍,一度以為大清從此安全鳥
當時教頭"馮狗"馮國璋
當時嘅學員

而禁衛軍嘅軍服,依家睇返其實幾好J

滿清真係好畢

滿清真係好畢

但係軍隊件軍服幾型

樓主post嗰枝黃係 美國海軍版
正式版好似唔係樣

邊支先係

Zeppelin
成撚日都爆炸同俾人秒嫁喎

可能係前期型號
好似八國聯軍嗰時已經有法軍用汽球偵查
而且新軍建立嗰陣已經引進啱啱先發明嘅馬克沁機槍

Zeppelin
成撚日都爆炸同俾人秒嫁喎

可能係前期型號
好似八國聯軍嗰時已經有法軍用汽球偵查
而且新軍建立嗰陣已經引進啱啱先發明嘅馬克沁機槍

學到嘢了
唔好意思又出嚟柒

Zeppelin
成撚日都爆炸同俾人秒嫁喎

可能係前期型號
好似八國聯軍嗰時已經有法軍用汽球偵查
而且新軍建立嗰陣已經引進啱啱先發明嘅馬克沁機槍

學到嘢了
唔好意思又出嚟柒

邊夠我成日打漏嘢柒

二.(b3)禁軍孖兄弟--爵章(下篇-1)

[以下由穆爾察.鐵良聲音導航] (麻煩大家FF係king sir把聲)


大家好!我係鐵良(注:旗人通常只會叫名唔叫姓),係老佛爺將我由一個窮到就黎食得屎嘅軍中秘書提拔做一品大員嘅,目的當然係攔住肥佬袁呢個XXX啦(請自行腦補問候人嘅對白),早喺老佛爺未香之前,肥佬已經驚左我,所以曾經推薦我做佢副手一齊訓練班馬仔新軍示好喎!仲有相為證tim!
"呢...前排左三咪我嚟囉!"

之但係,任上我發現我之前落江南拎返地方大員扣起嘅稅錢竟然落哂肥佬個荷包--變做新軍軍費,仲大嗱嗱成5000幾萬,不過佢緊係好似某位6字頭先生咁死口唔認且卸膊啦.豈有此理!我私下通知太后,之後我就做左財爺,任務?cut咗新軍唔應該掠嘅水,等佢大叫救命呀!而呢筆錢就用嚟幫補買新戰艦之外,仲用嚟開左間軍校同成立一支西式禁軍啦!
因為我公事忙,所以搵左個後生仔幫手睇埸

時光飛逝,喺先帝同太后駕崩之後,攝政王好快就要肥佬袁"腳痛"落台(各位係咪似曾相識呢?),而我就執埋手尾接收埋4鎮新軍,YES!
釣你嘅魚啦!

但睇過由軍校畢業嘅二世祖們,不禁令我同天上嘅太后講三聲

[以上聲音導航完畢]

推

滿清真係好畢

但係軍隊件軍服幾型

直接著普魯士軍服
連頂禮帽都係德式釘盔帽

二.(b2)爵章-下篇2

雖然班八旗二世祖敗家到鐵良喊媽媽,連貴冑學堂都只辨過一屆就收檔(所以清政府就索性慳返筆錢,直接用個校舍個重建緊嘅海軍扮辦公office),但大大話話都有34+28個有上堂嘅,所以作為一支禁軍,或者當係一個變異版騎士團,人數又夠數啦!


事頭:嗱!我就有3隊兵(騎士團),你呢?

但上回講到由於有為數不少嘅漢人加入左禁衛軍,而呢啲漢人軍官好多都係班畢業生嘅阿sir,斷估為左保持由乾隆果陣維持"天潢貴冑"嘅方針,免得班阿sir持住教過打仗就騎住班王爺,因此皇上嘅七叔載濤貝勒(加郡王銜...唔好問我呢方面,我都唔識)就上奏設立爵章,作為皇族(及之後貴族)嘅軍中ID.其實爵章嘅起源係咪真係我蹹到咁 ?我都答你唔到,只可以話另一可能係參考德國同奧匈嘅軍制,話哂濤貝勒都出trip去歐洲成7次啦!
去旅行去到盡3,去到布達佩斯

終於到正題啦,喺8月佢就砌好份profo畀佢三哥同個侄,好快就將有陣普魯士風味爵章就面世啦,仲帶住少少雙龍寶星嘅影子!去圖!!!

首先係皇室專用:皇族爵章














跟住係畀班蒙古佬戴嘅藩屬爵章







同埋之前提過,袁宮保同馮教官都有機會拎嘅勳戚爵章
至於點解冇拎,肥佬袁10月先擬定冊封,馮狗就12月,你地話係咩






仲有王爺對爵章分級嘅簡介

不過,雖然爵章係宣統3勳章中設立最早,但竟然冇實物存世,真係


至少喺進入下一章前,欣賞難得一見嘅禁衛軍軍官相啦

王爺嘅軍裝and禮服,可見左下戴住具貝勒爵章
身為紅帶覺羅,良弼其實都有,只不過冇相sosad
雖然都係滿人,但蔭昌並冇爵章
劉恩源(左)&田獻章(右),兩人都冇爵章,但重點其實係難得一見嘅禁衛軍德國式禮帽

真.最後,其實呢個爵章仲會再出場呀

好啦又到問問題時間,究竟上個post我貼錯嘢,究竟係咩呢

利申:唔夠瞓所以post錯嘢

報到先

留名

完全唔識清末史

完全唔識清末史

因為文獻有太多

人流好少

留名

發覺大家唔會答我問題
冇咩互動

話題太冷門
仲要主講勳章

話題太冷門
仲要主講勳章

我已經好努力搵埋相關嘅歷史嘢講啦