奉勸大家！智慧齒生得唔好，真係要剝咗佢！！！

啱，好多時用電動牙刷刷完牙之後已經覺得好乾淨，但用水牙線都係可以沖到少少野出黎仲聞到有輕微臭味 沖多兩下冇曬味先係真正乾淨

學生哥想求牙醫推薦
牙科保健完都甚少睇牙，
早排落樓下私家牙醫睇，有幾隻蛀牙要補
但係成千成千咁搞真係破產
仲係三隻智障齒係到...
Google 完公家又話要公務員又剩...

我都係……我杜牙根17k...
仲要出去做牙套

好近神經

成千成千你唔攪。第日就會成萬成萬咁至攪得掂。

植一隻牙幾皮嘢。

唔知有冇加價 14k係包整好同埋keep住每年覆診幫你check下囉 值得嘅

呢個都係

近神經都要睇下你隻牙有冇倒勾
有勾就真係仆街了

未係橫生唔一定要剝嘅
用細牙刷勤啲刷
同埋用牙線 牙線棒刷 用多啲漱口水

但如果近神經線就去醫院剝
有啲pk 牙醫呃你唔識近唔近神經線都想你喺診所剝
整到神經面癱流口水就不得了

oral b 細頭牙刷都可以

我嗰隻都係咁打橫生，四五年前開始出，出出下停左，舊年去照先發現原來打橫生左
生平最驚整牙，諗住注意多啲清嗰個位可以唔使整住，點知見到呢個post

醫唔醫院，定係診所冇乜關係，如果要全身麻醉就一定要去醫院。

有啲高風險 case, 牙醫係會留返牙腳喺度，用牙肉冚住佢。

我個仔個牙醫就成隻牙整碎佢，唔係夾硬抆。

真係要趁後生易復原果陣剝
幾年前右邊上面果隻打直生好靚冇事，但係因為好難刷到佢背面，洗牙果陣啲牙醫話有個窿仔開始蛀
牙醫都係話刷入啲唔蛀落去就冇野
點知有一日隻智障牙冇啦啦生長左，咬爛晒面頰側邊啲肉
痴線明明蛀緊都仲可以生長
跟著連埋下面打橫生果隻一齊剝

過幾年之後，把心一橫剝埋右邊上下兩隻
下面果隻鈄生，上面果隻剝完之後牙醫話牙腳太長生到穿左去鼻竇，而家冇左隻牙，牙肉就有個窿通左去鼻竇。牙醫話如果個窿唔埋口就要去專科做手術埋返個窿，如果唔係好易搞到鼻竇有事。

剝完有個窿，漱口果陣啲啲水真係會入左去鼻竇，跟著張開口一陣又會由個窿漏返鼻竇啲水出黎

最後好彩自己識埋返個窿，如果唔係唔知又要洗幾錢
我覺得係全靠果陣廿幾歲後生新陳代謝好復完快先冇事

橫生九成要開刀

學生睇下學校有無得整 出邊整勁貴
我係學校剝曬下邊兩隻 仲要一隻仆街打橫生
下邊兩隻都要做手術 所以趁早剝無死
錢無左可以揾過 牙手尾好撚長

Dr Low

我下面兩隻都係打橫咁 牙醫話唔痛可以唔理
暫時三年都相安無事

唔止係智慧齒，只要係牙齒出左問題都最好去睇牙醫。自己食止痛藥消炎藥，都只會係頂一時，遲早又黎（唔好話無錢）因為遲早要去解決，最後辛苦既都係自己。

小弟都係樓主嗰種情況
一早知道要剝
前年搵日唔瞓覺出去排菲臘
再等咗一年，喺上年剝咗
菲臘安排咗我入瑪麗剝
瞓咗一晚醫院
出番來 $180 埋單（好似係）

專科係咁上下價錢
少左隻大牙真係差好遠喎
後生嘅梗係keep得幾耐得幾耐
杜牙根痛，但唔夠發炎咁痛
去咗2次搞掂