奉勸大家！智慧齒生得唔好，真係要剝咗佢！！！

真係好痛！
開個post 警醒下同我一樣case嘅巴絲

之前洗牙知道智慧齒打橫生
但唔痛冇咩野
但個時個醫生話注意清潔就ok
佢話剝都有風險
有機會冇味覺，面癱
當時見冇咩野就唔剝啦

過咗幾年之後...
呢個星期牙痛
去睇牙醫
原來智慧齒前面隻大牙蛀哂
醫生就幫我剝左隻智慧齒
宜家要等到月尾先有得補前面隻大牙
可能仲要杜牙根先攪得掂

宜家係蛀牙加剝牙，雙重痛！！！
之後杜牙根又要再痛...

奉勸大家！
智慧齒生得唔好，真係要剝咗佢！！！
到痛嘅時候已經太遲
好似我咁
好多手尾跟
但剝智慧齒要搵有經驗的醫生
真係會有人因為剝智慧齒整傷神經線
導致失去味覺/控制唔到肌肉流口水/笑唔到

疫情下，大家應該都少去睇牙/洗牙
記得要保持牙齒清潔呀！
痛起上黎
真係做咩都冇心機
講野 食野 飲啖水都痛！

我隻智慧齒就係咁
打橫生

其實冇得清潔好d
個位又咁入
自己好難睇清楚
始終係計時炸彈
奉勸大家有差唔多情況
真係要用心攪好佢
唔好好似我咁
唔痛就唔理
去到痛嘅時候已經太遲
手尾長又痛
有排攪...

之前剝咗上面兩隻
下面兩隻打橫無得剝
出面剝要開刀好貴
加上疫情就無理到
依家見到樓主POST都驚

樓豬同我個醫生講埋一模一樣嘅野
但我牙腳勾住神經線 好危險

兩年前照見到打橫生
到宜家都冇理 好驚到我

我下面2隻同你一樣都係咁

一樣, 剝左隻大牙

我都係咁
但其實認真擦牙係可以既
我已經咁樣十幾年
仲要兩隻

排隊去政府剝

我右下隻智慧齒都係打橫生
都驚有日好似樓主咁

有得排？
想問手續係點？

我都係咁，仲要記得用牙線。
之前洗牙，牙醫幫我了左嚿野出來，又硬又臭
我就係未生之前格硬爆左出來，之後個面腫到乒乓波咁

智障齒

有冇人拉直過打橫生嘅智障齒/ 淨係剝過一隻智障齒？
https://lih.kg/2383150
- 分享自 LIHKG 討論區

同樓主一樣 我feel到生緊嗰陣馬上book期照X-ray 睇完見過橫生即刻約時間剝

連登神醫真係名不虛傳

去牙科街症睇左先，佢剝唔到會轉介你去醫院剝

可唔可以洗牙時問？
要排幾耐倒
同要洗幾錢

你張xray係最近影既？因為我就咁睇就唔覺得有蛀，當然可能clinically睇蛀咗少少

呢隻向前會撞牙既要剝，我個隻向內側傾斜就冇乜事

其實點解會蛀
我都有生 但佢係向外生 唔會整到本身d牙

佢都係同樓豬一樣
保持口腔清潔 用下李斯德林就無事
每年返嚟洗牙

真係好撚痛
做過一次就有陰影

我都係打橫生

平時有：每年洗牙+水牙線噴+donki單頭牙刷+漱口水