我擺埋過嚟講下
https://www.youtube.com/watch?v=OkB4ppVnPLA
有幾樣嘢
1. 佢一味話曲/戲因為用文言,係所謂傳統嘢,所以觀眾慢慢放棄。實情係時裝戲都好多,曲/戲實際上都唔係齋用文言,一路都係三及第。同埋大戲至少去到60年代都重係香港其中一樣主要娛樂,雖然嗰陣仙鳳鳴啲大班已經冇做。
2. 粵語流行曲先曲後詞呢個又係一個多年主流論調影響之下形成嘅既定刻板印象。雖然個軸心都係先曲後詞,但係其實早期粵語歌好多都係先詞後曲,或者用黃志華先生嘅講法係所謂問字取腔,例如霑叔自己嗰首兩個就夠曬數已經係。講到粵語童謠月光光嗰啲都係。要搵個根,要講埋呢樣嘢先得。
3. 早期粵語歌都唔係淨係得老土/粗俗,其實都有雅正/文藝。只係嗰陣主流俗紅過雅咁解,同埋嗰陣雅都係繡花蝴蝶類。近前Sam Hui時代,所謂雅正嘅紅嘅早期歌起碼有幾首,秋官/德哥-悲秋風, 甄秀儀、陳浩德-囑咐話兒莫厭煩(分飛燕),麗莎-相思淚等等。不停用主流一首仙杜拉-啼笑姻緣講係唔夠準確,因為嗰排cctvb起碼都重有一首Sam Hui嘅鐵塔凌雲。
4. 用霑叔唔係唔好,不過霑叔博士論文前後其實都有其他相關著作,至少例如有黃志華先生、朱耀偉教授等等。加多幾個source會好啲。