一代粵劇大師唐滌生逝世六十周年紀念，兼略談五夜講場「時逢亂世唐滌生」
- 分享自 LIHKG 討論區
https://lih.kg/1574557
南音係一種說唱曲藝，清末已經開始有人唱。除咗福建南音之外，呢道主要講廣東嘅南音，係由再早嘅廣東話說唱曲藝木魚歌、龍舟歌等，再加一啲其他元素融合而成，可以話係彈詞系統。香港南音如果要分除咗有近呢十年比較多人提嘅地水南音之外，即係專指由盲人樂師（瞽師）唱嘅南音之外，因為南音之後又吸納咗做大戲曲詞嘅其中一種曲式，慢慢又產生咗戲臺南音。重有一種所謂老舉南音，主要喺一啲風月場所入面場。客途秋恨、男燒衣呢啲都係著名南音曲目，呢兩首都屬於雅曲，跟曲詞題材分重有諧曲、俗曲等等。
杜煥嘅地水南音四十幾年前已經有人非常重視，因為嗰陣時茶樓文化已經式微。上世紀一代粵曲天后徐柳仙，杜煥惟一徒弟唐健垣，同埋榮鴻曾教授嗰陣已經好留意杜煥，因為佢嗰代人鍾意食鴉片，杜煥都係，唱南音嗰時係有非常濃厚煙屎喉嘅滄桑味道。唐、榮1970年代幫杜煥錄過幾次茶樓南音表演音。杜煥之後重喺大會堂唱過南音。
杜煥 - 客途秋恨（唐健垣解說）
https://www.youtube.com/watch?v=E9ibc2HYivk
仙姐伯爺白駒榮係另一位南音演唱家，不過佢當然唔係瞽師，但係腔口都非常有風格同韻味，將南音帶入藝術殿堂。雖然腔調似地水南音，好多人都覺得就係地水南音，但係始終唔算正線地水南音，可以講係地水南音式嘅戲台南音。
白駒榮 - 客途秋恨
https://www.youtube.com/watch?v=Kuu2RjRR0bg
再之後出名唱南音嘅有祥哥、輝哥、文千歲、梁漢威等等。祥哥就主要係唱戲台南音，因為佢係用唱戲嘅方式演繹，自成一格。輝哥可以話係學杜煥腔，重講埋客途秋恨本身有段開編介紹（開頭係孤舟岑寂晚涼天....跟住先到涼風有信，秋月無邊）。梁漢威、文千歲就有學白駒榮腔嘅味道。
新馬師曾 - 客途秋恨
https://www.youtube.com/watch?v=5DPsigLfZc4
阮兆輝 - 客途秋恨
https://www.youtube.com/watch?v=oJvwUMDObrw
文千歲 - 客途秋恨
https://www.youtube.com/watch?v=Rc8fa3qNS6A
梁漢威 - 客途秋恨
https://www.youtube.com/watch?v=xAAt83v5viQ
又唔知有幾多戲班要收皮...
