[真人真事]寫下未有人提過嘅香港奇案

如果係咁，點解要買到十萬保額？賺我就明，但冇賺...只係打和

應該係想將鋪頭入面嘅財物報大數食差價呃保險

不過書店入數應該有晒記錄，又好少會有咩貴價擺設，其實都報唔到幾大

但黃雲都貪心，想屈人二十萬

其實係60年代唔少啦

推

其實都唔算多 仲要唔一定咁順利
Btw聽日會出文
寫唔寫返命案好

只要有趣同你喜歡 寫呢d奇聞/ 命案都好歡迎

隨你心寫新年快樂

好睇 推po

留名支持！樓主真係好有心

樓主我尋日睇完你個post之後一次過睇返晒1920年至1980年代維基講既謀殺案。原來以前香港都有咁多有故仔既劫殺。謀殺。姦殺案

lm

九龍仔賭場爆炸案

經歷咗1953年嘅石峽尾木屋大火之後，政府明白要取締木屋，但當時無辦法大量咁為居民提供比木屋更安全嘅居住環境，因此去到1960年代，木屋依然係隨處可見。最主要原因係木屋易於興建，只要有木屋區仲有地同有少少錢就可以興建一個安樂窩俾自己。而木屋除咗住以外，亦都可以作為公司，甚至係各種嘅不法場所。今次嘅案發地點正正係一間隱藏喺木屋區嘅賭檔。

1965年9月21日，九龍仔西西康里一個木屋大賭檔如常開張，環境雖然唔大，但勝在賭法夠齊全，除咗各種十三張嘅玩法以外，更加有魚蝦蟹，賭大細之類。六十年代嘅夜間無乜娛樂，呢個居住區入面嘅賭檔好快就吸引到一眾好賭嘅街坊，因此每晚都唔少人入去「搏殺」，每到九點幾乎無坐立之地。但今晚賭場出現嘅再唔係歡呼聲或者咒罵聲，而係爆炸聲同緊隨其後嘅慘叫聲。

十點零一分，賭場突然發生大爆炸，沉醉於枱面啤牌上數字嘅賭客同職員一瞬間就捲入火海，爆炸威力相當巨大，當中一個賭檔負責人盧聯當場死亡，另外有三十幾人受重傷。爆炸亦波及附近四間木屋，住喺賭檔隔離一對母女遭受池魚之殃，兩人均受重傷。而現場木屋爆炸後地面炸出咗一個深度一呎嘅大洞，木塊亦碎成一片片，鮮血同碎肉沾滿散落地上嘅啤牌同十元銀紙，情況可謂觸目驚心。另外亦有目擊者話爆炸發生前現場傳出槍聲。情況變得更加撲朔迷離。警方立即召集偵查總部，反黑總部同九龍仔幫辦聯合調查，不出二十四小時已經獲得成果。佢地發現現場殘留嘅火藥同製作煙花嘅火藥成份相近，而賭場係屬於黑社會「廣勝聯」，於是案件就巡黑幫仇殺方向調查。九月二十三日，當時嘅九龍總華探長藍剛同反黑總部主任馬少雄率領大隊探員去包圍九龍仔木屋區一帶，然後逐家逐戶搜查。最後拘捕咗一個五十歲嘅煙花專家龔發，同時亦都通緝梗另一個涉案者劉培，兩人同屬「廣勝聯」嘅白紙扇。

至於傷者情況亦唔樂觀，二十五號，另一個賭場負責人楊添亦傷重不治，其後又再有一個賭客不治。警方大為焦急，決家進一步擴大搜查範圍，最後喺二十八號茶果嶺木屋區成功拘捕劉培。

龔發被捕後一直話自己只係因為俾劉培威脅所以先提供炸彈俾佢，佢本人並無直接參與放炸彈嘅過程。相反，劉培態度頗為合作，亦表示自己原本打算自首，但只係顧及家人無人照顧先唔敢現身。根據佢嘅講法，事件嘅起點係由佢喺賭場求職失敗開始…..

有一張圖

等睇之後內容

好想知條友發生咩事

撞post

希望大家唔好quote文講個一兩句野

推post*

嘩rambo 呀屌

推po

唔知巴打可摸耳講下佳寧案入面嘅蕉林殺人案

Lm

我睇睇報紙有冇乜特別嘢網上未提過
不過呢幾日出埋個下篇先