[真人真事]寫下未有人提過嘅香港奇案
勁喎屌你
339 回覆
212 Like
1 Dislike
財迷心竅
胡禧堂父子槍擊案(上)
提起胡禧堂呢個人，相信今日大家已經對佢毫無印象，但喺1920年代絕對係風雲人物。1920年代至1930年間，佢曾任太古洋行船務部經理，數年後升為買辦，同何東爵士在航運上合作。其後因為業績問題而被收回承辦權，但佢已經獲得一定地位同財富。佢亦開設同安輪船公司，積極發展內航航業。此外，佢都熱心於教育發展，曾經捐大筆款項俾香港大學，皇仁中學，英皇書院等名校。案發前兩星期更獲香港政府上書英女皇請求將佢委任為太平紳士。而佢膝下有六子五女，絕對稱得上係名門望族。不過一場突如其來嘅槍擊案大大咁改變咗一個美滿嘅大家族。
1932年6月17日，胡禧堂同佢次子胡百祿如常到干諾道一號太古洋行處理業務。直到兩點幾，禧堂外甥陳霖福突然獨自到訪。二十二歲嘅陳霖福係胡禧堂外甥，曾經獲禧堂推廣而任職金山輪船辦房職員，被炒後成為股票經紀。佢外公陳公博係汪精衛秘書，當時佢跟隨公博到北京搵機會，輾轉嚟到香港。佢同努力奮鬥嘅胡禧堂一家完全相反，將錢用於花天酒地同賭博之上。佢曾經對一個妓女沉船，佢更加將嗰個妓女想要嘅車送俾佢。當無錢嘅時候就向胡家借錢。佢地一開始都念在一場親戚都願意借錢，但到佢手嘅錢一瞬就用完，漸漸胡家就逐步減少對佢嘅財政支援。陳霖福對此大為不滿。為咗拎到錢，佢更不惜帶上手槍前往辦公室。
當日，胡百祿親自接待陳霖福，雖然佢地嘅聲音非常細，但係在場嘅所有人都隱約聽到「股份」二字經常出現，而且狀甚嚴肅，推測對話內容應該係牽涉生意。直到兩點三十八分，有一個電話打俾百祿，佢就行到電話枱坐低。佢聽電話之際，陳霖福突然間拎出手槍從百祿身後連開幾槍，打中佢嘅右頸等要害。佢未嚟得切反應已經倒地。
而禧堂同百祿嘅辦公室只有一板之隔，佢一聽到槍聲就立即由房向外望，只見百祿雙目半閉瞓喺地下同一大灘血跡。驚覺事態嚴重嘅禧堂連為兒子傷心嘅時間都未有，就立即由後門逃走。可惜佢好不幸咁撞到俾兩張凳，佢仆倒之際，陳霖福已經從佢背後連開三槍，其中一槍打中左邊胸口。陳霖福得手後立即逃走。
事後，陳霖福由康諾道正門從容逃走，陸家一個侍役阿昌喺佢逃走後靜靜地跟蹤陳霖福，但一個街口後已經失蹤，原來佢心血來潮，去到附近嘅思豪酒店飲茶。點知撞到有住客係舊識，而陳霖福居然若無其事咁同佢寒暄一番，兩人食飯嘅時候更加大談茶經，好似頭先嘅槍殺事件無發生過咁。兩人食飯後分道而行，而陳福霖已經決定好下一個目標。
離開思豪酒店後，佢去到太子行三樓日本駐港領事館，佢同接待處人員講想搵領事吉田，但佢離開咗領事館，順利逃過一劫。接待署職員南出問陳霖福有無預約，佢明白自己已經時間唔多，就決定轉移目標，將雙手插入褲袋扮搵卡片，然後趁南出無防備之際先後槍傷佢同書記平田。領事館入面嘅華人同日本職員立即逃走，而兩人就用最後嘅氣力走入一條小巷暫避。
陳霖福未有追擊佢地，佢坐咗領事嘅位置一段時間，然後用最後一粒子彈射頭部自殺，流出嘅鮮血將佢嘅灰色西裝完全染成鮮紅色。
事後唔少政商界名人立即去了解情況，當中包括冼德芬繼子張公勇，立法局非官守議員羅文錦等。經過醫生一輪檢查，確認百祿當場死亡，而禧堂就情況危殆，立即送往國家醫院救治。
因為兇手已死，而其他人仍然昏迷，所以警方只可以由太古洋行職員，亦即係胡家親屬口中問到非常有限嘅資訊。根據佢地口供，陳霖福因為無法套演自己太古洋行嘅股票而動殺機，另一說就話陳霖福借錢不遂而犯案。至於想殺死吉田嘅動機就不明。直到胡禧堂甦醒，真相先開始浮現。
提起胡禧堂呢個人，相信今日大家已經對佢毫無印象，但喺1920年代絕對係風雲人物。1920年代至1930年間，佢曾任太古洋行船務部經理，數年後升為買辦，同何東爵士在航運上合作。其後因為業績問題而被收回承辦權，但佢已經獲得一定地位同財富。佢亦開設同安輪船公司，積極發展內航航業。此外，佢都熱心於教育發展，曾經捐大筆款項俾香港大學，皇仁中學，英皇書院等名校。案發前兩星期更獲香港政府上書英女皇請求將佢委任為太平紳士。而佢膝下有六子五女，絕對稱得上係名門望族。不過一場突如其來嘅槍擊案大大咁改變咗一個美滿嘅大家族。
1932年6月17日，胡禧堂同佢次子胡百祿如常到干諾道一號太古洋行處理業務。直到兩點幾，禧堂外甥陳霖福突然獨自到訪。二十二歲嘅陳霖福係胡禧堂外甥，曾經獲禧堂推廣而任職金山輪船辦房職員，被炒後成為股票經紀。佢外公陳公博係汪精衛秘書，當時佢跟隨公博到北京搵機會，輾轉嚟到香港。佢同努力奮鬥嘅胡禧堂一家完全相反，將錢用於花天酒地同賭博之上。佢曾經對一個妓女沉船，佢更加將嗰個妓女想要嘅車送俾佢。當無錢嘅時候就向胡家借錢。佢地一開始都念在一場親戚都願意借錢，但到佢手嘅錢一瞬就用完，漸漸胡家就逐步減少對佢嘅財政支援。陳霖福對此大為不滿。為咗拎到錢，佢更不惜帶上手槍前往辦公室。
當日，胡百祿親自接待陳霖福，雖然佢地嘅聲音非常細，但係在場嘅所有人都隱約聽到「股份」二字經常出現，而且狀甚嚴肅，推測對話內容應該係牽涉生意。直到兩點三十八分，有一個電話打俾百祿，佢就行到電話枱坐低。佢聽電話之際，陳霖福突然間拎出手槍從百祿身後連開幾槍，打中佢嘅右頸等要害。佢未嚟得切反應已經倒地。
而禧堂同百祿嘅辦公室只有一板之隔，佢一聽到槍聲就立即由房向外望，只見百祿雙目半閉瞓喺地下同一大灘血跡。驚覺事態嚴重嘅禧堂連為兒子傷心嘅時間都未有，就立即由後門逃走。可惜佢好不幸咁撞到俾兩張凳，佢仆倒之際，陳霖福已經從佢背後連開三槍，其中一槍打中左邊胸口。陳霖福得手後立即逃走。
事後，陳霖福由康諾道正門從容逃走，陸家一個侍役阿昌喺佢逃走後靜靜地跟蹤陳霖福，但一個街口後已經失蹤，原來佢心血來潮，去到附近嘅思豪酒店飲茶。點知撞到有住客係舊識，而陳霖福居然若無其事咁同佢寒暄一番，兩人食飯嘅時候更加大談茶經，好似頭先嘅槍殺事件無發生過咁。兩人食飯後分道而行，而陳福霖已經決定好下一個目標。
離開思豪酒店後，佢去到太子行三樓日本駐港領事館，佢同接待處人員講想搵領事吉田，但佢離開咗領事館，順利逃過一劫。接待署職員南出問陳霖福有無預約，佢明白自己已經時間唔多，就決定轉移目標，將雙手插入褲袋扮搵卡片，然後趁南出無防備之際先後槍傷佢同書記平田。領事館入面嘅華人同日本職員立即逃走，而兩人就用最後嘅氣力走入一條小巷暫避。
陳霖福未有追擊佢地，佢坐咗領事嘅位置一段時間，然後用最後一粒子彈射頭部自殺，流出嘅鮮血將佢嘅灰色西裝完全染成鮮紅色。
事後唔少政商界名人立即去了解情況，當中包括冼德芬繼子張公勇，立法局非官守議員羅文錦等。經過醫生一輪檢查，確認百祿當場死亡，而禧堂就情況危殆，立即送往國家醫院救治。
因為兇手已死，而其他人仍然昏迷，所以警方只可以由太古洋行職員，亦即係胡家親屬口中問到非常有限嘅資訊。根據佢地口供，陳霖福因為無法套演自己太古洋行嘅股票而動殺機，另一說就話陳霖福借錢不遂而犯案。至於想殺死吉田嘅動機就不明。直到胡禧堂甦醒，真相先開始浮現。
sorry星光行嗰單寫唔到住
因為危險人物唔見咗
報紙嘅資料又太少
搵返書我會即刻寫
因為危險人物唔見咗
報紙嘅資料又太少
搵返書我會即刻寫
等你
呢啲案件我又真係好少聽到
等文
等文啱啱更新完
多謝支持
多謝支持
金狼都有
陳霖福同外公同姓？但係外公又同舅父唔同姓
你點知的
Check咗應該係阿爺
對唔住我又錯
對唔住我又錯
hard push without hesitation
push?
push
樓豬人呢
Push 
準備西瓜
Up
唔駛拋啦
呢個禮拜有啲忙，盡量今個禮拜出文
呢個禮拜有啲忙，盡量今個禮拜出文
推返文先
咁收番埋先
胡禧堂父子槍擊案(下)
胡禧堂中槍後表示覺得腹部刺痛，於是立即入院接受咗一連串嘅檢查。根據X光結果，胡禧堂只係身中一槍，而且並非命中要害，但因為傷及內臟而需要食流質食物。雖然係咁，胡家人為保險起見，決定請國家醫院院長鳥頓及名醫馬祿臣親自操刀手術。
醫生為怕細菌感染，只准胡禧堂妻子一人入病房探病。禧堂喺尚有意識之時將當時情況一五一十向佢講述。
「可唔可以借八萬蚊俾我?」霖福用理所當然嘅口吻問禧堂。
佢聞言立即拒絕，仲話:「你係咪發癲，我邊有八萬蚊借俾你?」
「咁五萬得唔得呀!」霖福見禧堂態度強硬，就降低金額，但禧堂依然話佢無五萬咁多錢。於是佢再為銀碼打個一折，「你俾五千蚊我就走啦!」可惜禧堂依然不為所動。霖福見無法得逞，就咒罵住咁過隔離二子百祿嘅辦公室，但百祿態度同父親一樣強硬。霖福惱羞成怒，就先後對二人開槍。
胡禧堂講完事發經過後就再次休息準備手術。本來大家都以為佢真係輕傷，但喺開刀後先發現原來尚有一粒子彈穿過小腸，當中嘅膽汁流向腹膜令其發炎。雖然醫生順利拎出佢體內兩粒子彈，但因傷勢嚴重，再加上佢本身患有心臟病，所以情況喺手術後反而情況大幅惡化。佢喺六點清醒一段時間後覺得無法呼吸，更加高燒至攝氏49度。醫生話佢可唔可以渡過危險期取決於未來二十四小時，可惜十一點佢已經返魂乏術，家屬都表現得相當哀傷。
禧堂死後，家屬好快就安排好喪事，六月二十日二點半由廣華醫院殮房出殯，二人一同葬於九龍基督教墳場。巧合嘅係兇手陳霖福亦喺同一日出殯，但不知身葬何處。
一個富豪死後，可能大家都會聯想到一連串嘅爭產畫面。好彩胡禧堂喺心臟病發後已經立好遺囑，將七百幾萬遺產全數用以成立基金，交由遺產代理人科西打理，家屬可以根據遺囑每年分得一小部份。事件本應就此落幕，但兩年後嘅1934年，科西突然被控告，為本應完結嘅事情加上一段小小插曲。
1934年5月1日，一位股份經紀魯渣同胡禧堂嘅前生意伙伴莫應溎入稟向科西追討八萬一千蚊，佢指呢八萬幾蚊受胡禧堂生前委託買入嘅屈臣氏股票，當中有一部份屬於莫氏。根據莫應溎作供，胡禧堂生前經常為佢提供經濟上嘅支援，例如莫氏向胡禧堂按嘅樓即使唔值佢所講嘅銀碼，佢依然接受佢嘅抵押，而且更加不設期限同唔計利息。當中莫氏所追討嘅五千股屈臣氏股票正正係胡禧堂原本想轉贈俾佢嘅財產。科西將遺產入面嘅股票呈堂，所有股票都有以科西為名義 記名，唯獨係屈臣氏股票未有記名。莫應溎亦都將佢同胡禧堂嘅書信呈堂，最終莫應溎成功全數追討。胡禧堂呢個名亦極少再喺報紙上出現。
雖然家庭劇變，但佢留下嘅五子五女依然努力奮鬥，所以今日胡氏一家依然係香港有名家族之一。當中最為知名嘅胡百全係香港第一位法律系博士，亦曾任多間公司董事及身任多項公職。而佢當日以基金滾存嘅七百幾萬遺產到2008年已達三十六億。同其他因為遭逢劇變等原因而沒落嘅香港名門望族相比，佢地已經算係比較幸運嘅一群。
胡禧堂中槍後表示覺得腹部刺痛，於是立即入院接受咗一連串嘅檢查。根據X光結果，胡禧堂只係身中一槍，而且並非命中要害，但因為傷及內臟而需要食流質食物。雖然係咁，胡家人為保險起見，決定請國家醫院院長鳥頓及名醫馬祿臣親自操刀手術。
醫生為怕細菌感染，只准胡禧堂妻子一人入病房探病。禧堂喺尚有意識之時將當時情況一五一十向佢講述。
「可唔可以借八萬蚊俾我?」霖福用理所當然嘅口吻問禧堂。
佢聞言立即拒絕，仲話:「你係咪發癲，我邊有八萬蚊借俾你?」
「咁五萬得唔得呀!」霖福見禧堂態度強硬，就降低金額，但禧堂依然話佢無五萬咁多錢。於是佢再為銀碼打個一折，「你俾五千蚊我就走啦!」可惜禧堂依然不為所動。霖福見無法得逞，就咒罵住咁過隔離二子百祿嘅辦公室，但百祿態度同父親一樣強硬。霖福惱羞成怒，就先後對二人開槍。
胡禧堂講完事發經過後就再次休息準備手術。本來大家都以為佢真係輕傷，但喺開刀後先發現原來尚有一粒子彈穿過小腸，當中嘅膽汁流向腹膜令其發炎。雖然醫生順利拎出佢體內兩粒子彈，但因傷勢嚴重，再加上佢本身患有心臟病，所以情況喺手術後反而情況大幅惡化。佢喺六點清醒一段時間後覺得無法呼吸，更加高燒至攝氏49度。醫生話佢可唔可以渡過危險期取決於未來二十四小時，可惜十一點佢已經返魂乏術，家屬都表現得相當哀傷。
禧堂死後，家屬好快就安排好喪事，六月二十日二點半由廣華醫院殮房出殯，二人一同葬於九龍基督教墳場。巧合嘅係兇手陳霖福亦喺同一日出殯，但不知身葬何處。
一個富豪死後，可能大家都會聯想到一連串嘅爭產畫面。好彩胡禧堂喺心臟病發後已經立好遺囑，將七百幾萬遺產全數用以成立基金，交由遺產代理人科西打理，家屬可以根據遺囑每年分得一小部份。事件本應就此落幕，但兩年後嘅1934年，科西突然被控告，為本應完結嘅事情加上一段小小插曲。
1934年5月1日，一位股份經紀魯渣同胡禧堂嘅前生意伙伴莫應溎入稟向科西追討八萬一千蚊，佢指呢八萬幾蚊受胡禧堂生前委託買入嘅屈臣氏股票，當中有一部份屬於莫氏。根據莫應溎作供，胡禧堂生前經常為佢提供經濟上嘅支援，例如莫氏向胡禧堂按嘅樓即使唔值佢所講嘅銀碼，佢依然接受佢嘅抵押，而且更加不設期限同唔計利息。當中莫氏所追討嘅五千股屈臣氏股票正正係胡禧堂原本想轉贈俾佢嘅財產。科西將遺產入面嘅股票呈堂，所有股票都有以科西為名義 記名，唯獨係屈臣氏股票未有記名。莫應溎亦都將佢同胡禧堂嘅書信呈堂，最終莫應溎成功全數追討。胡禧堂呢個名亦極少再喺報紙上出現。
雖然家庭劇變，但佢留下嘅五子五女依然努力奮鬥，所以今日胡氏一家依然係香港有名家族之一。當中最為知名嘅胡百全係香港第一位法律系博士，亦曾任多間公司董事及身任多項公職。而佢當日以基金滾存嘅七百幾萬遺產到2008年已達三十六億。同其他因為遭逢劇變等原因而沒落嘅香港名門望族相比，佢地已經算係比較幸運嘅一群。
咁睇佢d後人都算生性
冇爭到親戚都冇得做
冇爭到親戚都冇得做
係咪等於而家幾十億身家？
難得得生性