[真人真事]寫下未有人提過嘅香港奇案

受苦也榮幸 2021-01-25 10:04:35

Lm

一息 2021-01-25 19:01:31

pish

勁喎屌你 2021-01-25 21:03:06

城寨白粉格謀殺案(下)

喺案件開審前，史菲特大律師為王漢向高等法院申請人身保護令，其中理由引起咗社會一時嘅關注。佢表示係九龍城寨並唔屬於英國司法權所管轄地區，因此由香港法律自然無法管制非英國所屬嘅地區。喺1900年，因為清政府堅拒放棄九龍城嘅主權，英國決定下令英軍撤出該地，而且亦無將英國法律應用喺城寨。清政府滅亡後，城寨就變成一個眾所周知嘅「三不管地帶」。直至1947年，中國外交部再向英國重申自己擁有城寨主權，英國當然無可能同意，於是城寨屬誰就懸而不決。呢件案終於迫使英國喺法律層面處理呢個存在已久嘅問題。

根據中英1898年簽訂嘅新界租借條約，當時九龍城寨駐守嘅清政府官員依然可以行使法治權，只有香港軍事相關嘅除外。但喺1899年，英國政府就根據英女皇命令單方面地廢除呢一條條約，呢個行為因為未經中國同意，因此喺法律上理應無效。此外，新界租借條約亦無明確表示英國可以喺中國未同意下對城寨有永久法治權，因此史菲特要求法庭裁定英女皇嘅命令係咪有效。如果無效，港英政府就無法管轄城寨事務，自然唔可以再拘留或者審判被告之一王漢。

港英政府面對關於主權嘅挑戰不敢調以輕心，於是由當時嘅署理律政司胡頓親自出庭，並同高級皇家大律師莫理肚協助分析中英之間嘅條約。胡頓主要以兩個理據反駁史菲亞特嘅講法。第一，條約只係訂明「現時」駐守九龍城寨嘅中國官員可以「暫時」行使法治權，佢地有權行使法治權係英國賦予嘅權利，並唔代表城寨屬於中國。因此，英國以英女皇敕令宣佈九龍城寨為新界嘅一部分並無違約。第二，英女皇享有絕對嘅特權，以特權包括發佈政令，而簽訂條約屬於政令之一，而法庭所擁有嘅權利係由英女皇賦予，因此法庭並無權對條約再作詮釋。因此，法庭無權質疑英女皇嘅政令。而史菲特就堅持英女皇喺未經中國同意下擅自修改條約內文係不合法。

雙方經過幾日交鋒後，高等法院合議庭接納胡頓一方嘅講法，並指出條約內文並無明確訂明英國對城寨無司法管轄權。於是人身保護令被拒絕，案件可以繼續審議。然而，代表三人嘅律師即使係證據確鑿嘅情況下，依然無放棄一絲為被告脫罪嘅可能性。代表司徒顯超嘅余叔韶大律師表示當時雖然三個人一齊去白粉格收取債務，但佢並無持刀，佢嘅角色只係拎錢同喺門口「睇水」，未知其餘兩個人持刀，而且喺逃離現場時亦未知冼貴被插死。佢唯一嘅任務只係收錢，所以佢並無共同企圖殺死冼貴。至於史菲亞特就指只有一個證人話王漢有帶刀去白粉格，而且喺拘捕佢後亦未搜出白粉同海洛英，因此無法證明佢有份計劃行劫。佢地亦指證明三人有持刀嘅幾位證人證供有矛盾之處。可惜陪審團並唔相信呢個講法，退庭審議短短幾個鐘已經大比數決定三個被告謀殺罪成立，依例判處死刑。

三位代表律師依然未放棄，佢地各自都以無共同目的作為上訴理據，但上訴庭以無新證據為由拒絕。最後，喺1960年3月22日，三個人同赴刑場，呢件引起一時轟動嘅案件正式落幕。而政府亦透過呢件案件正式確立法庭對城寨有絕對管轄權，昔日「三不管」嘅講法亦隨之成為過去。

勁喎屌你 2021-01-25 21:03:42

係