[真人真事]寫下未有人提過嘅香港奇案

自己cap嫁
多謝支持

嘩你去圖書館搵㗎?

個女老師真係好好人

香港圖書館個檔案庫其實做得幾好，上網search就有。 仲要有得文字搜尋，只要輸入關鍵字就會有相關嘅報道出嚟俾你睇。

係呀，仲要scan個品質都唔差
不過有時會load唔到，同埋佢keyword都打得幾唔齊所以未必search到
我自己搵資料會逐日睇返案發同開審嗰期啲報紙

出下集未呀樓主

支持

瑪嘉烈公主

佢scan直頭係高質，放大都仲有高清，粒粒字都睇得好清楚。keyword其實都算打得足㗎啦，但係你要捉到嗰個字係乜先會搵得到。記得之前搵過50年代嗰啲都仲搵到

最遲星期一出

巴打有心

等下集
女老師好慘

sor用左不推文

LM

支持

希望大家唔好引用長文 如果唔係好快變金剛棒

聯和墟八屍九命慘案(下)

喺大火發生後，政府立即指派幾位政府大律師，警方同消防事務官組成特別小組調查，而調查重點就落喺起火現場嘅雄記書店。當時大門鎖上，而且老闆徐佩雄亦未有同任何人結怨，於是調查重點落喺老板一家七口身上。喺排除其他意外起火嘅成因後，佢地就確定浸滿火水嘅麻包袋同布料係起火源，袋上火水喺案發後一段時間依然繼續流出，足見火水量之多。

佢地亦都搵到另一個關鍵證供。書店由頂手到開業短短一年幾，徐佩雄已經為書店購買兩份保險。其中一份喺一九六五年一月購入，保額為三萬五千蚊，其後佢再喺同年十月購買一份綜合保險，合計嘅保額更加碼至十萬蚊。當時書店所有貨物，裝修同傢私合計亦只係指大約五萬。認識徐佩雄已經八年，為佢買入呢份保險嘅經紀燕梳亦都有向佢提出過呢個問題，不過佢表示自己準備擴充營業，依然堅持要買。經紀見有利可圖，當然唔會再過問。小組認為佢嘅生意尚未上軌道，付出唔少嘅金額買一份自己一定賠唔足嘅保險並唔合理，更加唔合理嘅係佢同時買兩份保險。

徐佩雄解釋自己同時買入兩份保險係因為佢唔記得已經買咗保險，而保額大幅增加只係因為想擴充，以及錯估自己貨物價值。佢解釋購入四加侖火水只為煮食之用，但係屋企廚房並騰唔出空間擺放，於是被迫擺喺書店樓梯底，結果意外翻側到麻包上，結果釀成大禍。但調查小組查到現場火水量遠超佢提供嘅數字，加上其他證人嘅講法，所以並唔接受佢嘅講法，於是再次傳召經紀燕梳，佢曾經問徐佩雄有無幫襯其他保險公司，徐佩雄就好肯定咁答佢:「無!我只係幫襯你。」燕梳又指徐佩雄喺閱讀條款時有叫佢解釋「不准將危險物品放置店中」嘅定義，當時佢有說明存放適量烹飪用嘅火水並唔算危險物品。經紀嘅作供證明佢相當有嫌疑，但更加致命嘅係雄記書店對面大牌檔老闆董基嘅作供。平日董基都喺凌晨兩點四十分左右收檔，大火當晚，佢曾經喺收檔之際見到徐佩雄出現喺書店，到凌晨三點幾，佢又再次出現喺現場。小組相信佢嘅說法，喺五月二十七日下令拘捕徐佩雄，但准佢以一千蚊保釋至六月七日受審。

佢被控以詐騙，縱火，以及謀殺兩位書店店員劉志明同劉偉明，至於其他死者就被裁定死於意外，不予追究。開庭第一日，聯和墟嘅街坊蜂擁而至，平時冷清嘅地區法院突然間熱鬧起嚟。雖然並未有人目擊徐佩雄點火嘅過程，但綜合大量環境證供同人證，佢亦無從狡辯。但陪審團可能認為佢並非有心殺死兩位店員，判佢謀殺罪不成立，但改判誤殺罪成立。法官喺判刑時提到被告已經因為自己愚蠢而損失所有財產，妻兒亦都因此而被迫由閣樓搬到木屋居住，加上佢嘅五個子女年紀尚小，所以判囚八年。而縱火，詐騙兩罪合共判囚四年，同誤殺罪同期執行。

報紙並無記載其他死者家屬嘅反應，但害死八個人只係判八年，佢地嘅不滿可想而知。但徐佩雄依然為刑期上訴，最終喺十一月二十四日被駁回。及後再無任何關於案件嘅報導。未知八位死者泉下有知，有無覺得沉冤得雪?

個書店老細on9到咁嘅地步

判得咁輕

判得咁輕

咪quote長文啦

因為佢嘅貪念賠上咁多條人命

個書店老闆都幾撚戇鳩
累死咗咁多人

錯重點，個保險經紀叫燕梳？

不過估唔到原來係為左呃保險 如果係日頭放火可能啲人出門唔係屋企，就唔會搞出人命

sorry我錯
燕梳係個保險plan名
經紀叫徐漢坤
唔怪得寫嗰陣覺得好怪,以為係我俾個標題fake咗