[真人真事]寫下未有人提過嘅香港奇案
勁喎屌你
339 回覆
212 Like
1 Dislike
對唔住，三個半月未出過文
祁禮福遇刺案(下)
兇手郭百志被拘捕後短短三星期後，審訊就隨即開始。控方傳召大量證人，包括當日合力制伏郭某嘅兩位外籍人士，見到事發經過嘅路人等。佢地描述嘅事發經過大致相同。此外，服裝店老闆關觀業亦作供指喺七月，花名「日本仔」嘅被告曾經介紹幾位馬來西亞人同日本人俾關某，以換嚟一份髹漆工作。案發前兩日，其中一位店員指有人漏低一把刀喺店內，隨後郭百志就立即返轉頭拎返把刀。關觀業出於好奇，就問郭氏何處拎到呢把刀。佢就隨口話係幫一個馬來西亞人買，隨後就拎走小刀離開服裝店。而呢把刀同現場檢獲用以殺死祁禮福嘅刀吻合，證明佢或者早有預謀。
喺人證同物證都相當不利嘅情況下，被告唯有承認證人所講係事實，但否認自己係畜意謀殺。郭百志指當日因趕路而喺案發現場將一個外籍女人推開，祁禮福見狀就誤以為佢想非禮嗰位女人，於是上前用力捉住佢。兩人因此爭執，祁禮福更打咗佢一拳，身形比起對方矮小嘅郭百志認為自己不敵，就拎出小刀阻嚇對方。但祁禮福並無因此退縮，反而想捉實郭某雙手。混亂間，郭百志失手將祁禮福刺傷。此外，佢同祁禮福素未謀面，並無動機殺佢。而小刀只係代人購買，並想喺案發當日交予該人，所以先隨身攜帶。其後證人亦證實當日曾有呢件事，但並未見到祁禮福出手打被告。
辯方亦傳召專家證人精神科醫生施倩里出庭，佢指被告已經長年患上「慢性癲狂症」(即被害妄想症)。佢來港後長期失業，更因居留權問題而被遞解到荒島一個月，到案件發生前佢仍然住喺難民營。種種生活壓力令佢有恐懼嘅心理，因此佢長期有被殺嘅幻想，更會長期帶備刀以作自保。佢亦會放大他人嘅敵意，認為以刀反擊係正確。當時祁禮福同他人嘅行為給予佢過大壓力，所以先會有過激行為。
儘管連被告自己都承認自己殺人，但呢件案係誤殺定謀殺，就要等待七人陪審團討論先有答案。經過一輪商議後，兩人認為係誤殺，五人就認為係謀殺，未能達成共識。而謀殺案需要達成共識先可以成立，案件唯有發還重審。
經過一輪重審後，陪審團接納專家證人嘅作供，喺同年11月28日一致裁定被告因精神病而殺人。法官隨後判處被告無限期住院令，以當時嚟講，呢個判決頗為罕見。至於祁禮福遺產合計有三十三萬，佢喺1950年已經立好遺囑，因此佢嘅家人喺判決結果出爐前三日已經承領其遺產及其大宅。
呢件案本應轟動一時，但喺審訊期間正值雙十暴動，英國政府更因此慎重考慮應否放棄香港。面對政局動盪，呢件案件喺報紙佔嘅篇幅就愈縮愈細，如今已成古昔。
兇手郭百志被拘捕後短短三星期後，審訊就隨即開始。控方傳召大量證人，包括當日合力制伏郭某嘅兩位外籍人士，見到事發經過嘅路人等。佢地描述嘅事發經過大致相同。此外，服裝店老闆關觀業亦作供指喺七月，花名「日本仔」嘅被告曾經介紹幾位馬來西亞人同日本人俾關某，以換嚟一份髹漆工作。案發前兩日，其中一位店員指有人漏低一把刀喺店內，隨後郭百志就立即返轉頭拎返把刀。關觀業出於好奇，就問郭氏何處拎到呢把刀。佢就隨口話係幫一個馬來西亞人買，隨後就拎走小刀離開服裝店。而呢把刀同現場檢獲用以殺死祁禮福嘅刀吻合，證明佢或者早有預謀。
喺人證同物證都相當不利嘅情況下，被告唯有承認證人所講係事實，但否認自己係畜意謀殺。郭百志指當日因趕路而喺案發現場將一個外籍女人推開，祁禮福見狀就誤以為佢想非禮嗰位女人，於是上前用力捉住佢。兩人因此爭執，祁禮福更打咗佢一拳，身形比起對方矮小嘅郭百志認為自己不敵，就拎出小刀阻嚇對方。但祁禮福並無因此退縮，反而想捉實郭某雙手。混亂間，郭百志失手將祁禮福刺傷。此外，佢同祁禮福素未謀面，並無動機殺佢。而小刀只係代人購買，並想喺案發當日交予該人，所以先隨身攜帶。其後證人亦證實當日曾有呢件事，但並未見到祁禮福出手打被告。
辯方亦傳召專家證人精神科醫生施倩里出庭，佢指被告已經長年患上「慢性癲狂症」(即被害妄想症)。佢來港後長期失業，更因居留權問題而被遞解到荒島一個月，到案件發生前佢仍然住喺難民營。種種生活壓力令佢有恐懼嘅心理，因此佢長期有被殺嘅幻想，更會長期帶備刀以作自保。佢亦會放大他人嘅敵意，認為以刀反擊係正確。當時祁禮福同他人嘅行為給予佢過大壓力，所以先會有過激行為。
儘管連被告自己都承認自己殺人，但呢件案係誤殺定謀殺，就要等待七人陪審團討論先有答案。經過一輪商議後，兩人認為係誤殺，五人就認為係謀殺，未能達成共識。而謀殺案需要達成共識先可以成立，案件唯有發還重審。
經過一輪重審後，陪審團接納專家證人嘅作供，喺同年11月28日一致裁定被告因精神病而殺人。法官隨後判處被告無限期住院令，以當時嚟講，呢個判決頗為罕見。至於祁禮福遺產合計有三十三萬，佢喺1950年已經立好遺囑，因此佢嘅家人喺判決結果出爐前三日已經承領其遺產及其大宅。
呢件案本應轟動一時，但喺審訊期間正值雙十暴動，英國政府更因此慎重考慮應否放棄香港。面對政局動盪，呢件案件喺報紙佔嘅篇幅就愈縮愈細，如今已成古昔。
正！期待樓主多d 更新
在線等樓主
推一推
巴打點搵到
啱啱新post見到
記得有巴打問過
係我問㗎，
唔該晒巴打，估唔到隔咗咁耐有答案呀
唔該晒巴打，估唔到隔咗咁耐有答案呀新一年嘅西瓜都收成了
點止 開始要過季tim了