至於兇手就喺8月6日過堂,佢名為QUIK BAK CHEE,中文名為郭百志,三十歲,新加坡出生,住喺灣仔摩理遜山難民營,郭氏喺香港並無任何親人及朋友。佢過堂時神色自若,以流利英文向法官要求一個馬來西亞話嘅翻譯員,而且指定要純馬來西亞人。喺法官接納後,佢再提出想見自己身處美國同新加坡嘅父母同兄弟姊妹,法官就表示佢可以將親人名字向警方講,佢地會代為安排。其後郭氏就表示自己曾喺1948年入住過新加坡嘅精神病院,佢希望由親屬證實呢件事。提出要求之後,佢就繼續被還押。但關於案情等一切郭氏就絕口不提,到底佢同祁禮福呢位受人尊敬嘅律師有乜深仇大恨,先不惜喺大街上將佢置於死地?