呢個番外篇終於完喇,好多謝大家願意比次機會我寫下沈卓怡以外嘅角色
今次寫呢個故事要擺脫沈卓怡嘅故事同影子,我就好似要投入另一段感情一樣,好努力咁代入呢個故事入面嘅甄映如同杜亦言。或者我今次真係好投入咁寫,我寫作呢十日期間係抽離唔到角色,甚至唔開心到好似寫緊自己嘅經歷咁
我設計情節個陣,有刻意將男視角同女視角嘅場景分隔,希望大家感受到杜亦言停留喺「過去」,甄映如喺「現在」嘅抽離感。所以杜亦言嗰part無同何加勤嘅對話,直接呈現兩年前嘅畫面;甄映如就會有同沈卓怡嘅對話,淡然地講返往事,頭段三個人行路個part,都係同沈卓怡傾偈前發生。
我希望大家睇完有咩感受同意見都可以留言話俾我知,我一樣會睇哂,下次改進返做得唔好嘅地方。
如果喜歡我嘅文字,歡迎follow返我,ig到有好多短篇文字係連登無㗎。
Ig: yuyumhotline2_
多謝你哋又陪我過咗一個短故嘅歷程,好感激大家支持,下個故事再見