其實無咩屯門人會自Hi 住邊咪住邊
樓豬係咪現實比人串到一幢都無
之後唸完哂反駁既理據 嬲嬲豬決定出Po
哩獲我撐樓主 我又撐屯門人 但唔撐自Hi既屯門人
有人留言講一句"其實屯門唔係咁差" / "有邊個地方唔塞車" 其實有咩問題,只係形容下屯門姐。
其實想靜想平想住大D但要住得入唔方便,
想方便但果區好旺好貴唔靜,
自己衡量過Pros & Cons 先決定係屯門買樓住啫都係。
無錯 係得一條屯門公路架啦 係成日塞車架啦
我地都好嬲架 又屌炒車個司機咁
好就好在有條好長既巴士專線 可以係塞車既時候都暢通無阻
係英屬香港留俾屯門既一份禮物
其實係屯門大部分地方都一架巴士去到 係就係耐D 不過無辦法啦 多左時間係巴士 咪係巴士上面訓下 睇下書 打下機 望下風景 淨化下,可以點姐。
以前上中國 幾個口岸都有直達巴士。
以前飲多兩杯凌晨兩點幾搭車上去都講緊係3-4個字既事<係阿 都係屯門飲架咋>
(利申:唔會再上中國)
對其他區黎講唔方便 時間長 係屯門既死因
但不得不承認係我眼中屯門好住既
自給自足 區內乜都有 除左約其他區朋友 或者 其他區有特色野就會出下城阿 潮拜下咁
有時會唸 你開哂Aeon 壽司郎 入黎我仲洗出九龍既?
開埋Donki就連荃灣都唔洗出
係架 朋友圈都係屯門架 不過我地見對方都唔洗搭車既 永遠都有個中間點去做想做既野
每個地方都有自己既生活方式 開心咪得囉
都係香港人姐 唔洗屌黎屌去既
不過炫耀自己住既地方、踩人地住既地方,哩D就要屌啦