由駛上屯門公路的一刻開始，我們都回不去了

好正 樓主加油

好正 樓主加油

文呢

文呢

要等夜晚

香港獨立

咦咦咦

文呢

一個穿著可愛連身裙的少女正在後面的旅遊巴士車門前站著，從後可見，她背著一個藍色的卡通背囊，衣服的帽子上還有可愛的白色兔耳朵，而她正用力拉著另一個人的一隻手。

「放手啦！放手呀！」我聽到Pure有點緊張地叫，原來被拉著的人是她，我想一定是我們團中某一個女患者要Pure陪她去甚麼地方玩。

我連忙過去想勸阻，卻聽見那女患者竟然用一把男性的聲音在叫：「媽！媽！」

我驚訝地看看那少女，赫然發現他是一個瘦悄的男人。

「喂！你個變態易服癖想點呀？你……」我毫不考慮就立即大喝起來，但我話音未落，便開始為自己的魯莽後悔了，因為我突然發現他垂下的手原來握著小刀！

「頂！啱啱喺嗰邊面對完殺人犯，嚟呢面就輪到個痴線易服佬！」我內心咕嚕著，同時大叫：「你唔好亂嚟呀！」

我把背囊撥到前方想拿我的萬用刀，卻想起我的刀被Moving拿了！

「今次大鑊！」我內心暗想，雖然那易服男身型瘦削，但是他一手捉著Pure, 一手握著刀，如果我撲過去的話，相信受傷的不是我就是Pure。

「媽！」那易服男叫著，看來他除了有易服癖外，精神也有點失常。

正當我猶豫著不知如何是好之際，一把聲音從我身後傳來：「喂！斯迪仔，你老母呢？」是Moving。

那易服男瞇著眼望向Moving，道：「媽，唔係老母！媽走咗！」

「咁你放開個女仔先啦，如果唔係你老母返嚟打你架啦。」Moving邊說邊擠到我面前，輕柔地拉開易服男捉著Pure的手。

剛才拿著刀的易服男好像軟化下來，垂下了本來拖著Pure的手。

「你老母頭先喺大會堂嗰邊搵你喎，快啲去搵佢啦。」Moving指了一指前方。

「啪啪啪！」易服男突然大力地拍手，然後轉身一溜煙地跑走了。

「唔該晒你呀。」Pure一臉感激地凝望著Moving, 令我感到有點不是味兒。

「唔使，我係Moving，我啱啱都救咗你男朋友呀。」他邊說邊指一指我。

「我係Pure，不過……佢唔係我男朋友，係團友。」Pure微笑著說，眼神卻一直留在Moving臉上。

我不耐煩地說：「喂，你識頭先個易服佬嘅咩？同你一樣係監躉嚟架？」

「監躉？」Pure驚訝地說。

「喂，你唔好講得咁難聽喎！頭先嗰個咪係屯門斯迪仔囉，你唔見佢孭住斯迪仔背囊嘅咩？我以前住屯門成日見到佢架啦，佢精神有問題架，唉，唔知佢老母行咗去邊，又唔睇住佢。」

「你唔係話佢喺大會堂咩？」Pure問。

「我亂講咋，我心急救你吖嘛！」Moving瞇著眼好像以為自己魅力十足般凝望Pure，而Pure也好像忘了他是犯人，一雙眼水汪汪地望著他。

「喂，Moving呀，我畀咗二十蚊你，你自己去搭車啦，拜拜！」我猛地站到他和Pure中間。

「吓？你連保護Pure都保護唔到，一陣斯迪仔又出現點算？而且我好熟屯門，可以帶你哋搭車。」Moving得意地微笑著說。

「咁不如Moving你同我哋一齊啦，反正我細妹、阿源細妹同埋其他人……嗯……因為好多唐氏小朋友，佢哋都好需要照顧呀！」Pure說。

這時Moving探頭望一望車廂中，說：「嘩，原來咁多人呀？」

我沒好氣地向車廂中叫：「花花，過嚟哥哥度。」

「玩？搵莊姑娘？」花花一蹦一跳地走過來。

「呢個Moving哥哥，你唔好同佢玩，跟住我，知唔知？」我摸摸花花的頭頂，她大笑著點了點頭。

「嘖。」Moving向我冷笑了一聲，就向車廂大叫：「各位小朋友，我哋出發返屋企啦！」

鍾意嘅畀個ＬＩＫＥ：
　https://www.facebook.com/dayday8dotcom/

文呢

文呢

上面

史迪仔都出埋 估你唔到

史迪仔都出埋 估你唔到

「唔返屋企！用電筒搵莊姑娘！」那電筒男道。

「家姐，玩遊戲！」小真噘著嘴說。

「哦……」敏敏則發出無意識的叫喊。

一時間，車廂內的反對聲音此起彼落，我揚一揚眉道：「小朋友，我哋唔係返屋企，係去搵莊姑娘佢哋至啱。」

「好嘢！」小真大叫，其他人也跟著叫。

我以一副勝利者的笑容面向Moving, 道：「佢哋跟住我先會聽話架。」事實上，我們真的要乘車回去嗎？可是那班唐氏綜合症患者的家人不在，我連他們的地址都不知道，我該怎麼送他們「回家」呢？

再說，如果他們真的被人捉去，我應去找尋他們的下落嗎？我應去找莊姑娘問個究竟嗎？

我拿出手提電話又撥打了999，可是電話仍是沒法接通，為甚麼報案中心的電話會長期不通的呢？這也太荒謬了吧！

當我六神無主之際，Moving指一指前方說：「好啦，你哋兩個兩個咁排好隊，跟住我同Pure姐姐，我哋沿呢條路行出去就到巴士總站架啦。」他說罷轉身向我說：「阿源，你跟隊尾啦，靠晒你啦。」

「喂，點解唔係你跟隊尾？」我抗議道。

「因為我識路，你唔識路囉。」

「唓！沿呢條路行出去就到巴士總站啦！」還好我剛才有聽他的說話。

「好，咁你帶頭，我同Pure行隊尾囉！一陣斯迪仔又嚟拉Pure走，我驚你又好似頭先咁嚇呆晒呀！」

我氣得啞口無言，敏敏突然拍手大叫：「源哥哥駁唔到！源哥哥駁唔到！」

我翻了翻白眼，有時我真的懷疑他們是不是只是裝作低智力。

我望著Pure說：「咁你小心啲啦！」說罷我便拖著花花和敏敏排到隊尾去。

就這樣我們排成了一條長長的人龍，街道上幾乎沒有行人，這時我才發現，我們兩輛旅遊巴士的前後，都泊滿了其他旅遊巴士，放眼看過去，根本看不到盡頭。而旅遊巴士上似乎都沒有人，他們都被人捉走了嗎？還是已自行乘車走了？

這時候，我們的人龍開始慢慢移動，向Moving所指的巴士總站方向走去，可是才走了十多步，那排在小真後面的電筒男突然一個屁股坐在地上大喊：「好餓呀！全日唔畀人食嘢，冇陰功呀！」

「哇！餓！」小真也大叫起來。

Pure回頭拉著小真，我隱約聽到她說：「好啦！一係我哋去食啲嘢先啦！你話好唔好呀，Moving？」

但Moving卻沒有轉身看她，似是沒有聽到她們的說話，而是背著大家望向前方；我看著他的背影，不知為何有一種異樣的感覺。

https://www.facebook.com/dayday8dotcom/

「Moving？」Pure又叫了叫他，但他仍是沒有反應。

不知為何我有一重不祥的感覺，覺得Pure可能會有危險，我立即從龍尾走到前方去，想看看發生甚麼事。

我稍微拉開了Pure, 然後極大聲地叫：「Moving？」

他這才慢慢轉身，一臉緊張地看著我。

「冇嘢吖嘛？你……咩事？」我疑惑地問。

「嗯，頭先Pure係唔係話要去食嘢？」他問，臉上的緊張神情卻沒有放鬆下來，我知道一定有甚麼事情發生了。

「係呀！佢哋好餓。」Pure答。

「咁快啲跟我入商場搵嘢食啦！」說罷他急步向商場入口走去。

他的步伐十分急速，急速得令我非常疑惑，即使是因為電筒男他們肚子餓，也沒必要走得這麼急吧？

人龍跟著他進了商場，他皺著眉回頭說：「大家喺度等下先，Moving哥哥去睇下有咩好嘢食。」

小真開心地大叫：「好嘢！」

Moving微笑了一下便立即轉身，快步向右邊走去。

我覺得他的行徑著實不尋常，是以便急急對Pure說：「你睇住小真、花花佢哋，我都去睇下！」

Pure點了點頭，我便快步向Moving走的方向追上去，只見他在不遠處左右張望的急步走著，似乎是在尋找甚麼，難道他真的是在找餐廳？可是商場的這一層其實並不大，放眼看去都是凶宅、百老妹等電器店，餐廳又怎會在這一層呢？

不知他是不是察覺到我跟著他，他突然跑了起來！這時我可以完全斷定：「呢個人相當有嫌疑！」

幸好我也跑得不慢，我追著他，在我迫近他時，只見他想推開一扇門走進去，我立即伸手抓住了他的肩膀，大喝一聲：「你去邊？」

他慌張地回頭道：「我去邊？」

「你根本唔係去搵餐廳，你到底去邊？你係唔係搵人捉我哋？」

「痴線，我搵咩人捉你呀？你而家唔好捉住我先真呀！」Moving大力甩開了我，繼續向前走去。

「喂！」我又想伸手拉著他，他卻頭也不回地大叫：「急爛屎呀屌！屙完先同你講！」

這時我才發現前面不遠處便是男廁……原來他只是肚痛而已。

等了十分鐘左右，他搓著肚子一臉滿足地從男廁出來，我連忙不滿地走上前道：「屙屎就早響啦！個樣好似好可疑咁，以為你有咩陰謀呀！」

「你個樣直頭便秘咁呀！我唔想同Pure講我急屎吖嘛！」

「你男人老狗唔係怕羞下嘛？追住你追到我扯晒蝦！」

「跑幾步就扯蝦你根本腎虧！」

我和Moving就這樣你一言我一語地吵吵鬧鬧回到去找Pure他們，只見花花等人正在百老妹電器店內追逐，Pure則站在外面看著他們。

「乜你哋突然咁好傾嘅？」Pure甫見我跟Moving回來便問。

Moving大力地搭著我的肩膀：「係呀！我哋原來好好傾！」

「屌！你有冇洗手架！」我瞪著他輕聲說。

「係呢，佢哋喺人哋舖頭跑去，唔驚畀人鬧咩？一陣撞跌人哋啲嘢就弊。」Moving看著花花她們說。

「我都驚，但我捉唔晒咁多個，而且，奇就奇在呢度啲舖頭冇人，連店員都冇，乜屯門區購物興咁自助嘅咩？」

「冇人？」我奇怪地一邊說一邊張望四周，的而且確，這個商場雖然燈火通明，但卻像是只有我們一樣。

「講笑咩，點會冇人呀？」Moving雖然這麼說，但從他的眼神中，也可看出他內心的疑惑。

待續……
https://www.facebook.com/dayday8dotcom

推

lm

加油！推

Live

live

推

Live

lm

嚟啦~