剛剛分手的你，入黎傾下，大家互相扶持好嗎？(129)

我係典型天秤

我都係天秤

啊哈終於講到中學啦...
可喜可賀可喜可賀...
但係中學因為時間近，所以可以寫嘅一定仲長，哎我屌。

盡力長話短說啦...

中學雞時期好多野skip，或者略講啦。
我個性格真係唔寫就唔識起承轉合，如果成為作家~
...大概會係洋洋灑灑咁一定要寫足啦，先識對內容進行刪改嘅浪費時間嘅蠢作家。

中一 - 剪人地頭髮。
中二 - 用家政堂煮出嚟嘅野食cup落人地頭頂。
中三 - 開始唔會肉體上起磨擦了，或者點到即止，會掉人地啲野落街。
中四 - 完全唔記得，只記得好傷心。
中五 - 開始會瘋狂洗手，洗到流血。
開始會隨身帶筆/剪刀，以前嘅應激保護狀態復甦。
有次畀女同學推落地，攞剪刀插佢結果受制。(小過 x1)
中六 - 精神徹底一蹶不振。
開始會合埋眼行路/樓梯引起內心嘅恐慌感。
開始會喺上堂時話去洗手間而去樓梯爆喊。
開始會走堂，開始會上堂時去圖書館躲藏。
開始會自殺，開始返學放學會過馬路唔睇車。
開始會自己同自己玩窒息play，利用窒息後暈眩入睡。

-

果然按時間段說明非常糟糕。
太過在乎線性嘅時間推進，只會令內心嘅焦躁加劇想盡快寫到戲肉而變成說明文。
...簡直係諗到邊寫到邊。

點入手繼續呢...
有啦，符合番標題講下愛情啦。
不過講完又會講番下家庭...

唉遺書嘛，我主場我話事。

自我介紹追加：19歲，男，Gay，純bottom.

喺中一二，甚至小五六開始發現自己鐘意男仔。
而且性向一開始就明確，靚仔+高+大隻。
小學時鐘意左插班生，不過其實唔算鐘意，只係視角上見到佢會有感覺。

中學時開始有體育堂前要換衫嘅情況，再唔係好似小學咁有體育堂就著PE番學。
發現自己會對男同學有暇想。

不過嗰種乖僻嘅性格只要唔變，
就算覺醒左戀心，都唔會令我變得往正常靠攏。
倒不如話...因為活喺自己嘅世界裡，我對自己嘅行為越發偏離青春期男性呢件事少有自覺。

結果構成左雙重意義上嘅不合群，呢個喺我自身嘅解讀呢。

到左中三開始明確咁鐘意第一個男仔。
可以話喺班草咁濟...
嗰時嘅我真係全然無知啊，對喺埋一齊之後會點呢件事都完全冇考慮過。

其實都只係有某種感覺，自佢轉校入嚟開始坐我後面嗰下就覺得佢好charm.
大概只不過係轉校入嚟嘅，對身邊人嘅客氣被我誤解為溫柔，再加上外貌令我悸動罷了。
完全唔係愛情。

然後我後來做左啲好鳩嘅野。
好似因為佢生日係6月16日，所以摺左6*16=96個心心比人，結果摺完先發現買番嚟嘅樽根本放唔落。
又試過當全班同學面借佢冇帶嘅書，令氣氛極尷尬...
仲試過喺情人節送糖放佢桌面前...好多好多。

中六嗰年同樣，鐘意左一個大隻仔。
樣貌係冇咁出眾，但係同前邊對我完全冇意嘅男仔，喺基於中一識到我中六嘅前提下，對我出奇地好。
然後我又一次做左愚蠢嘅事...
開始上心，會同佢一齊做功課，幫佢手。
會同佢放學打羽毛球...明明講好輸嘅請野飲，但佢都係請我。
會喺放假約我去佢屋企玩，我未比人約過。

我以為有機...
但結果只係我又一次做白痴。
表白之後唱通街，哈哈。

-

而家回望過去，嗰時嘅我真係完全活喺另一個世界啊。
...完全成個世界只有自己，
只要內心想做就會去做。
但大概唔咁樣封閉自我嘅話，我撐唔到去中六先崩潰...

係同真正影響我嘅愛情事故，
完全冇關嘅嘅內容。
上邊都只係又一個前設...喺現實追求唔到愛情，就只能又一次轉投網絡嘅我。
係咁樣一個前設。

但喺要講到真正嘅第一次戀愛之前，
仲有家庭方面嘅事未講...

-
...完全冇人在意嘅故事呢。