524 Like
5 Dislike
乳陰服務熱線
2020-10-22 20:49:31
**********************************
(男)
在九龍灣地鐵站外,我望著腕錶的分針卡在「11」與「12」之間,還有三分鐘便到六時。
我約了沈卓怡六時正,下班後已經是慢條斯理地來到,都比原定早了十五分鐘。
在附近的便利店逛了逛,我買了一枝烏龍茶,就收到她的信息:「sorry呀,走咗班車,遲少少到。」
我發出一下悶哼,又遲到了。
港女都喜歡遲到,沈卓怡也不例外。
過了十七分鐘,她便從閘內匆匆跑到我面前,大口大口地喘著氣:「對唔住呀,我走咗架車,一等下班就十五分鐘。」
「就算你趕到架車,你都會遲兩分鐘㗎喎。」我篤著錶面:「又遲到喎,點計先。」
她的樣子變得不知所措,我怕她又以為我真的生氣,便主動說:「行啦,一陣先諗點樣補償我。」
「下次唔會遲,我再預早啲出門。」她堅定地說。
「聽住先啦。」我嘲笑她。
**********************************
乳陰服務熱線
2020-10-22 20:50:48
----------------------------------
(女)
我從驚恐之中掙脫出來,摸一摸濕漉漉的額際,才知道一切是場夢境。夢裡有兩個彼岸,我站在水中央,向兩邊不斷游,卻一直滯留在中間的漩渦。
望一望鬧鐘,原來已經四時有多,我便馬上從床鋪裡彈起,梳洗、化妝。
結果我錯過了一班車,下一班要等十五分鐘,我便知道又要遲到了。
一想起我遲到後傅俊的嘴臉,我便有點怕。
有一次我遲到,他好像很生氣;所以我盡量早出門,以免同樣情況再次發生。
可是今天又遲到,我已經預想到他的反應。
果然,他一開口就責罵我:「你趕到都好,點都遲兩分鐘㗎喎。」
我自知理虧,唯有不斷道歉;雖然他之後叫我補償他,但我總覺得在他眼裡「遲到」是罪無可恕的罪行。
所以一路在ikea裡的「示範單位」內穿梭,我的心情也是悶悶不樂。
「呢塊鏡點啊?」傅俊指著一塊連身大鏡。
「太大,我屋企應該擺唔落喎。」我搖搖頭,繼續向其他鏡子的方向走。
他積極地給意見,就好像他也是我家的一份子:「藍色床單呀,藍色好呀,望落間房warm tone啲,仲要特價一百蚊都唔使。」
「但我想要白色喎。」我拿起一套米白色的床鋪,仔細地看著。
「白色唔襟污糟㗎,你咁懶都唔方會勤力換床單啦,呢套仲要三百幾蚊喎。」他戚一戚眼眉,似是看穿我一貫的懶惰。
未待我的反應,他便一手把藍色床鋪掉進購物袋裡:「唔好諗啦,慳啲錢啦,又唔係搵得多。」
我心裡想,我還是想要白色多一點。
--------------------------------------
乳陰服務熱線
2020-10-22 20:51:51
**********************************
(男)
一男一女在傢俬店內出現,通常都會不其然把這個情景幻想成新婚夫妻在選購傢俬的情景。
我也曾經在學生時代帶過女朋友逛ikea,想像能與她共築愛巢、佈置家居。
我和沈卓怡攤在梳化的陳列品上,討論著自己幻想中的「家」是甚麼模樣。
我喜歡黑白色的風格,她說暖色系會比較舒適。
陪沈卓怡逛了整個小時,最後她糾結在藍色和白色床鋪之間。
我想她的收入不算豐厚,慳得就慳的情況下,就幫她決定好要藍色床鋪。
幫她節省金錢,我想她會答謝我的。
「喂,我應該無嘢買啦,走啦。」她回頭看我,我替她接過手上的購物袋,便往收銀處走。
總覺得有一股曖昧的氣味在店內隱隱蕩漾,為每對男女添上額外的關係。
在示範單位內,我們起碼是一對夫妻。
**********************************
乳陰服務熱線
2020-10-22 20:57:01
--------------------------------------
(女)
我把新買的床鋪放進洗衣機內,半蹲著在洗衣機面前,凝視一片深藍色在滾輪裡由慢變快、形成一個不停轉動的漩渦。
看起來像我夢裡面的海,讓我掙脫不了的死水。
轟隆轟隆的機械聲就像海嘯中的洪水猛獸,這種噪音令我心煩。
我開始有點不明白自己在做甚麼。
居然把一個不太喜歡的人帶了回家。
腦海不自覺地和二十歲的自己連結起來,憶起我曾幾何時也帶過不同的男人到宿舍作客;有些有感覺,有些則沒有。
「塊鏡放呢個位好無?」背後傳來傅俊的聲音,他幫我拆開了鏡子的包裝,然後幫我放在櫃子旁凹陷的位置。
「好呀,唔該哂。」我看到他滿頭汗水地幫我裝嵌,心裡有些慚愧,猜測他的一舉一動是否帶著超過友誼的風度之餘;同時又叫自己理直氣壯點,學Faye說:你單身㗎屌。
「唔使咁生外喎,話咗幫你㗎嘛。」他向我單了一下眼,我就自然地跟著他笑了。
「都要講唔該㗎。」我邊笑邊說。
「想報答我嘅話,今晚你煮飯我食囉。」他理所當然地說。
我很忌諱為未確定關係的人做些似是而非的事。
煮食對我而言是輕鬆之舉,但我甚少為男人下廚,吃過我的手藝只有父親和哥哥。
我愛他們,所以我才願意下廚。
為男人下廚代表著一份親暱和賢淑,在我心目中比起牽手個手、接個吻,甚麼上床更重要。
「唔啦,雪櫃無乜嘢可以煮,叫外賣啦。」我推搪他,然後開出外賣程式。
他好像有點失望地接過我的電話,低著頭選擇今晚的晚餐。
「入得廚房,出得廳堂」就算不是丈夫的專屬,起碼也要留給我喜歡的人。
在幾乎被遺忘的記憶中,我想了很久都想不起他們的名字;
但我依稀記得以前在宿舍的日子,和那些人的晚餐,都是一式一樣的外賣。
--------------------------------------
乳陰服務熱線
2020-10-22 20:58:02
今晚嘅文係咁多
沈卓怡翻生了
正評同留言好重要
多謝大家
S.Vettel(又Spin)
2020-10-22 21:17:44
莫竣名
2020-10-22 21:26:52
好憎呢type人
小松
2020-10-22 21:33:01
男女都會遲到架啦 關咩港女事
小松
2020-10-22 21:34:45
沈卓怡係咪為咗攞靈感所以date讀者
小松
2020-10-22 21:36:04
又未必 可能最後係沈卓怡沉咗船呢
或者就這樣吧
2020-10-22 21:41:27
睇到ig story
上水鼓勵下
星之雞俾
2020-10-22 21:46:04
P牌冇得正評唯有留言
推
wtfcfw1030
2020-10-22 21:47:16
次次見到鼓佬叫人戒煙 就諗起有隻歌叫戒煙
阿7
2020-10-22 21:52:31
年齡上大過沈卓怡
心智上
不過香港好多呢啲男人(年齡同心智成反比)
阿7
2020-10-22 21:55:23
其實一開始都有講到佢其實係好自大
話自己想要女唔愁會無,以為自己好了解女人
但佢無了解過沈卓怡同正常女人唔同
呢啲人最愛嘅就係自己
屯門比卡超
2020-10-22 22:17:58
傅俊呢種人好悶
大佬震波
2020-10-22 22:21:58
傅俊真係好自以為是 好嘔心
佢嗰種以為自己係為緊沈卓怡好
但其實只係將自己認為好嘅嘢強行放落沈卓怡度
依個亦係好多人嘅通病
以為對方好為理由 去管束甚至限制對方
忽略咗對方嘅感受
岑仔生得咁高大 外表又比年紀大
同埋相處上亦好似自在啲
對比之下真係贏九條街
垃圾九十後
2020-10-22 23:00:56
沈卓怡
沈卓怡
伊保爾
2020-10-22 23:11:30
啱啱睇完何加勤要追新故了
睇完沈卓怡d文可以灰到極致再食支煙好治癒
RosieDunne
2020-10-22 23:18:28
傅俊好煩
好憎啲人管住晒
返印度食蕉啦你
2020-10-22 23:38:07
阿7
2020-10-23 01:11:24
但岑仔對羅啟宜都係一個仆街仔
不過就係有呢種反差先會令人欲罷不能
大佬震波
2020-10-23 01:55:19
每個人都會做過仆街
只不過睇下對象係邊個