[DSE 2021]點考通識？通識5**完全自修攻略

啱呀
就係叫人唔駛補

好睇你IES, 冇 85-90% up 好難

七、讀熟概念即係點？
好多時老師會話，你個概念解釋得唔夠，或者你無用概念去答，但同學通常唔明咩野意思，然後愈做愈頹。

其實教育城網站，展示出每個單元部分嘅「基本概念」(當然唔齊)，同埋「相關資料」，文件裏面嘅說明就展示咗點樣完整解釋啦。
一般黎講，要就考嘅議題，解釋個概念同個議題有乜關係，然後再俾到例子去解釋～

以下就係六個單元嘅概念、相關資料
（留意每份文件嘅「第二部分」就可以了）
https://ls.edb.hkedcity.net/file/about/related_publications/personal_development_c1.pdf

https://ls.edb.hkedcity.net/file/about/related_publications/hk_today_c1.pdf

https://ls.edb.hkedcity.net/file/about/related_publications/modern_china_c1.pdf

https://ls.edb.hkedcity.net/file/about/related_publications/globalization_c1.pdf

https://ls.edb.hkedcity.net/file/about/related_publications/public_health_c3.pdf

https://ls.edb.hkedcity.net/file/about/related_publications/energy_tech_c1.pdf

Retaker想lv2升至5星星

一年一度，隨緣相見

希望巴打讀緊U

Skill上面打咗
重要係自己讀
做到pastpaper唔明
可以隨便問

想問你平時睇新聞係睇開邊啲報紙。 電話睇嘅話有啲咩程式推介。唔該晒

我無咁大影響力

新聞睇rthk、now 都係免費，有app睇
信報、明報睇下新聞、社評
仲有時間睇埋Bbc中文網都可以

即使係某d議題同報章/筆者立場唔一樣唔緊要，都可以睇下
重要係你自己建立到價值判斷，然後有論點論據支持自己

即係睇的過程同時諗一諗點樣combine 通識概念入去？

是
所以去返第一點，自己先要熟知個課程範圍
先揀到邊d新聞/議題同課程有關連

LM LEARN STUFF.

JUST ASK

八、認識題目之間嘅關連

如果你處理好「一至七」，咁唔多唔少都讀過下d文憑試題
前面提過，文憑試題題型係會翻炒外
其實分題之間係可以互相幫到建構論點

以下運用2020年卷二題1為例︰
1(a) 解釋在香港保育粵劇的難處。 （8分）
1(b) 「非物質文化遺產能對香港的當代生活作出重大貢獻。」你在多大程度上同意這看法？解釋你的答案。 （12分）

同大家重溫題型先︰
a題係︰挑戰/困難/難處
b題係︰論證立場 (表明立場+3正 +駁論+重申立場)

唔單止卷一，卷二依家嘅分題設計係有關係的
呢幾年，a題係考一個「細例子/概念」，而b題就會考一個較闊嘅範圍
因此，b題「非物質文化遺產」，其中一個論點論據可以引用返「香港粵劇」/資料A為例子。
不過，一定要緊記，如果你成題b題答「非物質文化遺產」，不斷用粵劇黎解釋，就唔會高分的。因為單一例子 / 無做到多角度要求，係不能取得高分。

另一方面，
a題的難處，可以幫助建構b答的論點，
當a題的難處出現，就會影響到b題作出重大貢獻的可能性，因而得出「不同意」嘅結果。

例如︰香港粵劇要傳承就會面對「不合時宜易失精髓」、「後繼無人而失傳」、「為謀利而假保護」、「成本效益低」等難處。
假如呢d難處同樣應用到係香港當代的非物質文化遺產傳承嘅情況，咁就自然無重大貢獻啦
* 重大貢獻，如經濟收益、社會團結、文化傳承等

以上論點互助可能有d複雜，同學不妨拎題題目黎試一試先
當你明白論點可以互用時，你就讀通大部分嘅試題了

樓主你好 感謝你對考生的貢獻，
我是一個事隔十年的自修生，因找到人生方向 所以想報考，改變一下自己。

由於沒接觸過通識，這對我來說是陌生的科目，我是由9月初才有所決定的，所以「通齡」尚淺，看到樓主的發文 可謂是及時雨。

我的學習方法及打算：
買左本9星期5** 當教科書睇，當中有對試題題型及出題分布的分析 與樓主 一至七異曲同工。而個人覺得自己呢D野都幾弱。

- 暫時的計劃是先把教學的各單元先看一次，奈何本科的內容實在是超多，基本上任何一獨立單元都可獨立成科，所以看到樓主所說

「呢科考左9屆，結果溫習資料愈黎愈豐富，但坊間要求學生背嘅內容愈來愈多，明顯由思考變成大包圍嘅讀法*，一方面有違學科原意，另一方面遠離考評要求，亦唔係一種有成效嘅讀法。如果你好鬼多時間，只係需要讀通識，咁當然鼓勵你投入無上限嘅時間啦，但實情係你最少考4+1嘛。
即使本人教通識，但都鼓勵同學花多d時間係語文科好過啦」

深感同意，看到這段，真是對於有一刻想裸考算，不過我仍然覺得，體驗一下當代年輕人所經歷的 對日後減少代溝或有幫助 同時 也可以挑戰一下自己想要逃避的項目。

- 計劃流程：學習各單元》操past paper，打算前期先開卷做，例如 審題後 查閱雞精書或樓主所述的答題技巧去構建論文架構，然後 從各單元知識中找到相關概念之定義，最後可能需要靠找資料的形式協助構建論據。 即是 開卷做。

困難及挑戰

- 知識點及定義太多 無從入手，沒有理由整本書背誦吧？ 例如 粵劇的a題 我已經是比較難去道出那4個知識點，若是單靠自己字眼 可能落得不中point 下場。

- 單元內容只是入門，正如樓主所說就算tip中議題 不能tip中題型 其實都已經差很遠， 因為 不同題型對該單元的切入點是很不同的。
即是 感覺識哂內容只是基本。

- 自己的例子明顯不足。根據本人淺淺研究，卷一 可能對自身提供例子需求沒那麼大，但卷二基本上沒有自己料 就只能考非常差的分數，可能本人一直沒有收集相關資訊的習慣 或是 相應的思維。
例如樓主舉的 2020 非物質文化遺產。 我即時的反應是腦中空白，後來思考良久 才有一些例子。
如 - 粵語 -繁體字 -飲茶 -武術 -打小人 -節日項目（龍舟競賽） 等。
但也不是每個能用 很容易想歪誤用一些沒有說服力的例子 導致論述無力。
若是換作其他題目，

- 答題技巧是我覺得最直擊最有效轉化分數而且實際的溫習地方，因為死記硬背它所需的時間有限 總比無限的課題來得實在。

接下來的時間 可能需要多多打攪樓主。
aim 4-5。只有為數不多的6個月時間了。
感謝閱畢。

多謝前輩
但有幾點巴打亦可以注意︰
1. 考黎為咩？為考完再上大學，定只係為左full-cert？
* 要full-cert仲有其他選擇

2. 本《9星期5**》大致分清6個單元的相應基礎內容，但由於呢本屬於幾年前出嘅書，有關議題部分未必貼近現況，亦有少許部分已經out syllabus。

3. 呢科內容係好多好大量，但若以「考試」為目標唔係所有資訊都要記入腦。正如我卷二係唔會揀現代中國的題目，自問無能力答，但當然好基礎嘅知識係有的。

4. 時事新聞作為答題的例子，靠每日開住 app / 睇電視儲下儲下就有了。定期睇下《鏗鏘集》、《視點31》等，都可以大致認識到香港社會時務。

巴打加油~有心同盡力讀，最終總會拎到個令自己滿意嘅分數