[DSE 2021]點考通識？通識5**完全自修攻略

Hello又係我，一個無聊走去自修通識考5**嘅人

上年的post
通識5**分享 完全免費
- 分享自 LIHKG 討論區
https://lih.kg/1568338

今個星期相信同學仔zoom到傻了，好難長期專心上到堂，但文憑試始終都要考，亦唔想各位臨急抱佛腳，所以開個post同大家分享點讀點考通識。
期望各位中六同學返返學之後，易d pick up 個課程，亦都唔駛亂咁浪費補習費。有問題歡迎提問，識答一定答~~

係疫情之下IES已經截左數，卷一卷二分數比例提高咗少少，無得靠IES屈9分了。在通識黎講，同學要更小心應付考卷。


其他科嘅調整︰
https://www.hkeaa.edu.hk/DocLibrary/Circulars/HKDSE/2020_21_Cir_No2_Revised_Exam_Timetable_and_Assessment_Frameworks_2021HKDSE_C.pdf

要學好通識，平日花少少時間係呢幾個方面下苦功。絕對有用過死記硬背堆唔一定會出嘅notes。
在我黎講，掌握課程範圍、概念，以及學會將唔同嘅知識串連起黎，遠比所謂嘅考試技巧重要得多。而事實上，考試技巧無幾多，唔駛一個鐘講得完。以下就係同你講唒佢……
（咁點解講親通識考試就不斷講考試技巧同題型？唔通同你講，個考試完全可以自己讀返黎，咁仲叫邊個補習……）

要考好通識，可以注意以下事項︰

一、掌握課程範圍及概念
唔單止見到隻字諗起邊個單元，而係分辨生活上邊d議題屬於課程之內。課程之內係指根據《課程文件》，學校老師通常整理好三年教學流程，但較少同同學講清楚課程範圍，結果有d想自學嘅同學反而係溫習時有疑問究竟要讀邊d。

https://ls.edb.hkedcity.net/file/C_and_A_guide/201511/LS_CAGuide_c_2015.pdf
同學唔駛成份文件睇唒，只需要注意pdf p.23 – 50內，每個單元主題嘅「探討問題」、說明部分，就可以知道課程包攬嘅內容。當你清晰分辨到要讀邊d。下一步就係運用單元概念串連起整個議題，逐步學識解釋概念及推論。

由呢頁開始呀～


二、學識議題轉移嘅能力
老師無可能必然tip中題，就算中議題，都唔一定中題型。假如唔中題型，而同學又死背堆嘢落去，反而增加離題風險。死背唔係呢科高分嘅必要條件，相反，考生靈活轉移議題，例如學完某一種傳染病的影響、挑戰、建議等論點，識得套用相同嘅論點去唔同嘅傳染病議題，再指出該議題所對應嘅例子，先係最有效讀通最多議題嘅關鍵。

三、掌握題型要求
即係坊間／補習天皇成日講嘅考試技巧。分析題型用處係令你唔會答漏嘢，或者避免離題。但前提係，你要有充足知識準備去答，唔好以為有技巧，入去亂寫一輪就會好高分。

無基礎知識，卷一的確可以憑試卷嘅資料考到，但卷二就唔會有料寫到75分鐘。同學有興趣可以上考評局睇level 5 or above果堆同學sample，答出黎嘅內容、論據都好豐富。（同步可以參考下答題篇幅。）
http://www.hkeaa.edu.hk/tc/hkdse/hkdse_subj.html?A1&1&3_25

所謂技巧，我會咁樣整理︰

第一， 所有題型的每一個論點／段落都要做到呢個要求︰
主題句 (用概念歸納) + 引用資料/論據 + 伸述說明回應題目

第二，唔同題型有少許答法差異，但首先要分得清邊個字出現就可以判斷成邊個題型。（* 每年都會有新嘅提問字，1-2個分題左右。）
大體而言，可以用題目提問字歸納以下類別。見到新字唔駛緊張，來來去去都係以下問法……

詮釋資料(數據/ 漫畫(好少問了))
提問字︰描述……模式/趨勢/關係/特徵/結果……

原因/因素
提問字︰為甚麼/原因/因素/

影響
提問字︰影響/問題(負面影響)/結果

挑戰
提問字︰挑戰/困難/障礙/限制/局限

建議
提問字︰提出……方法/解決方式

價值觀（只有練習卷及2013年考過，近年改為考「矛盾」）︰
提問字︰價值取向/價值觀

持份者衝突
提問字︰衝突/矛盾/兩難

論證立場(以前出10分，依家出8分/12分)
提問字︰多大程度上同意 / 是否同意 / 應否「A>B」

評估（常見於卷二b題(12分))
提問字︰評估……影響/成效 或 妨礙多於促進

比較（常見於卷二b題(12分))
提問字︰比較 /利多於弊/ 「A比B更重要」/「A是最重要的……」

ig︰通識5星星。 https://www.instagram.com/dse_ls_john/

未完………繼續打緊

第三，分到題型之後，每個題型有咩野要求呢？
抽幾個考評局不時會提嘅常犯錯誤出黎講

詮釋數據題
1. 一定﹗一定要引用資料內數字。(竟然仲有同學唔引黎答)
2. 計算數字，得出變化。不外乎計下隨時間的轉變百分比、兩個項目之間差距等
3. 整合 / 利用數據結果，得出結論，記得用個概念包返底。

原因/因素
1. 因素一定要用概念歸納再說明（如經濟因素），解釋「有」呢個因素及「無」呢個因素係如何導致或不導致有關情況（如有經濟誘因就咁咁咁、無就咁咁咁…）。
2. 原因就無以上呢個要求，相對簡單地解釋呢個原因是如何導致有關現象。

影響
1. 作答時，要展示事件/議題出現後，造成由無到有嘅影響
2. 注意有無要求正面/負面影響，無就通常一正一反較易處理

建議
1. 留意題目有無限定「持份者」，無就盡可能用不同持份者提出建議
2. 要建立一個合理嘅建議，可以用以下公式︰

不同持份者>針對甚麼情況>呢個持份者(特定角色)做到乜>具體例子>呢個例子如何可行及有成效地處理呢個問題

持份者衝突
1. 一定要一組一組黎解釋，如持份者A及持份者B在某個層面之間矛盾
常用衝突為︰利益、價值觀、期望、方式等

論證立場/評估/比較
1. 只要見到「應否」 / 「是否同意」/「多大程度上同意」，
2. 必先「表明立場」，然後再建立「三正一反」論點
3. 「反」即係常講嘅駁論，駁論分成兩個部分，提出及解釋對方觀點，然後再加以反駁。但注意︰不要為求容易反駁而亂舉一個對方論點。

評估 / 比較題 同論證立場嘅分別係，一定要有「準則/平台/標準」，
例如︰可行性/成效/可動用資源/即時性等
如果建立唔同適當準則，12分入面就會最高只有「4 – 6分」，咁就好難係卷二拎到14/20以上了……

四、作答能力。
即係你枝筆﹗諗諗自己消化完上面堆內容，係咪有能力用文字邏輯地表達自己心中所想？係人都知寫得多有著數，但時間有限，點樣係有限時間，分配好，又寫到最直接嘅得分位先係最實際。

1. 咁要點分配時間先？
例如︰用卷一120分鐘，每份卷一大約總分係45分。
即大約2分半鐘要拎1分。咁1個4分題，就大約用10分鐘，如此類推。
由於依家份卷唔係好似早年咁3個abc題，而係abc、abc、ab 變成8個分題，如2020年468、468、48咁。因此，已經唔係每題平均40分鐘咁分。

但同時，如果你卷一其中一題超過50分鐘，就一定要開下一題黎做。因為係 part c寫多兩句，唔會高分過開個part a求其寫兩句高分。（* part a一定係最易最快拎分。）

2. 時間好緊迫，隻手好攰咁點算好呀？
無架寫多d隻手自然唔攰，呢樣無速成技巧。

3. 咁點先係最直接拎分呀？
睇返上面第三點，每個論點要求。

呢科考左9屆，結果溫習資料愈黎愈豐富，但坊間要求學生背嘅內容愈來愈多，明顯由思考變成大包圍嘅讀法*，一方面有違學科原意，另一方面遠離考評要求，亦唔係一種有成效嘅讀法。如果你好鬼多時間，只係需要讀通識，咁當然鼓勵你投入無上限嘅時間啦，但實情係你最少考4+1嘛。
即使本人教通識，但都鼓勵同學花多d時間係語文科好過啦

2021?
寫句中共千秋就加1粒星

五、重複又重複嘅past paper
唔計練習卷，通識科分別有27題卷一、27題卷二俾大家練習。考嘅議題絕少翻炒，而你好難估中佢重出邊個議題。相對而言，題型一定會重複出現。

題型重複出現，對勤力嘅考生係一大獎勵。
例如︰2018年卷二3b就考到「……妨礙而非促進……」，當年係一個新嘅提問字，要求考生就該議題建立準則來判斷妨礙多定係促進多，唔少考生無建立準則，就嚴重失分了。上面講過，無俾準則只會得返「4-6分」

到2019年卷二3b就再一次考「……妨礙而非促進……」，假如你係2019年考生，溫過2018年的考評要求，係答呢題嘅時候就更得心應手。


睇返考評報告分析，呢題無論選答比例／分數，都比另外兩題高。當然題目議題都會影響同學選題，但更重要係，你要學識唔好揀中最難果題。落筆之前草擬下係咪夠pts之外，仲可以睇下︰

1. 題型
近年卷二都係8+12組合，8分通常係因素、影響、挑戰果類、12分係論證立場、評估、比較
講明題型係通常，如果一有例外，如「可如何……方式」，就要注意了。
例如︰「全球化……可如何……方式」問過2次，屬於翻炒類，同學按情境，換下例子照背就幾高分。但事實上，當年呢個題型第1次考係考得好差，因為考生唔知考評局對「方式」嘅要求。

2. 議題
考5**，唔代表識唒所有議題架。
盡量揀返d貼近自己生活(每個同學都唔一樣)，咁你邊答邊寫例子就好容易了。

咁就要變5***了

六、日常溫習
上面講完讀嘅原則，以下就動手讀啦。
當你真係睇返課程範圍之後，其實係可以慢慢做本屬於自己嘅筆記，實際過你去補習社買堆notes。

有無諗過，平日老師播d《鏗鏘集》、《星期x檔案、《新聞透視》、《視點31》等等時事專輯，其實係想幫你地累積基礎知識？當然未必個個老師上堂會播片，或者唔會同你整理好，但其實同學自己係有能力整理架。

咁點做先？係揀定屬於課程範圍嘅影片、剪報之後，同學不妨將睇到嘅內容，分成以下類別︰

議題名稱及所屬單元︰
事件發生日期︰
議題背景︰(試下寫d數據)
起因︰
影響︰(正面/負面)各1
不同持份者有何爭議︰
解決方法︰

通常影片/報章入面總有d專家出黎講下有咩解決方法，你寫低完佢之後，不妨再諗下……
是否同意「該方法」

當你習慣定期咁樣整理日常遇到嘅知識，你嘅筆記仲豐富過補習買返黎嘅嘢。同時，由於係你自己整理出黎，通常好快好易讀入腦。

而以上所整理嘅流程，就正正係試卷出題嘅模式啦

唔知寫咗啲乜都拎4
考完仲心諗大獲應該得2

頂我都係
學校predict我3，考完出嚟以為2
結果攞咗4...
做又做唔哂，寫咗嘅又寫到1999

見到你個名入嚟lm
下年考少兩個單元

但我唔識你

正呀
過到關就唔駛理啦

其實呢科要求真係唔高
絕對可以自己處理啦

上年有追你post
不過果時冇留言

定期幫下人幾好架
尤其經濟唔好，幫父母慳下錢，做個孝順仔女

由考DSE到就grad都見到樓豬你年年出post

路過有緣幫到就幫

自推10連

自推

自推

自推

自推