各位巴打選擇咗「簽」
————————————————————-
志明「好,伯母我應承妳,我會證明比妳睇,我一定唔會辜負景霖,妳以後一定唔會後悔今日所做嘅決定!」
霖媽「聽住先啦,唯有係咁了,呢兩個月我就睇你哋架啦」
志明「既然係咁,我同景霖等陣攞返公司啲資料去研究下先,搵下有冇方法令公司起死回生,霖媽「我秘書係度,你有咩事佢會幫你手」
當志明同景霖離開會客室𢓭,霖媽心裡話「翰天,呢個𡃁仔愈來愈似你當年了,希望你保祐我哋可以渡過今次既危機啦!」
入到景霖office
一入到房,景霖就即刻攬到我實一實,志明「咩事呀傻豬?」景霖「點解呀?點解呀?點解你要簽個份嘢呀?如果我到時唔可以同你一齊咁點算呀,乜你拾得抌低我咩?」志明「妳對我冇信心?」景霖「我唔係對你冇信心呀,我剩係唔想同你分開咋」志明「傻豬黎嘅,我既然應承得你媽咪我就有信心可以幫妳渡過今次嘅危機,放心啦我哋一定可以搵到辦法嘅。」景霖「嗯」志明「呀,由朝早到依家我都未食嘢,唔知一個稱職嘅女朋友會做啲咩呢?」景霖「我淨係識得淥杯麵咋喎」志明「只要食你整嘅嘢,就算剩係食杯麵我都覺得好好味」景霖「口花花啦你」霖豬的小粉拳打在志明身上,志明「哎呀,打到人哋咁舒服都有嘅,好啦,快啲去啦,食完之後我哋要開始睇資料啦」霖豬錫咗志明一啖然後跑咗出去