（少甜）女神老細係我女朋友3.5.1

作得好好呀
P牌仔手動正評

多謝咁多位巴打

我同樓主一定會作好佢

Ada係咪就係果隻二五狗

咁就要睇落去啦

當然，寫得好好

另外都想各位巴打擺低好評係每一晚嘅文到

我想知道仲有幾多巴打睇緊

商場開幕幾日之後，我同景霖收工，落左商場拍住拖巡視一下。

「嘩，呀明，有好多野食呀」

景霖拉住我走去買野食，左手拖住我，右手抓住棉花糖

「你睇下你，食到成塊面都係啦」我用手指抹走景霖嘴角邊的棉花糖放進口裏

「仲有冇呀？」景霖極速攞紙巾抹咀

「冇啦，行啦」我重新拖住景霖

商場的確係幾靚，不過依家商場個人流都係唔多，正當我地兩個經過美國大品牌公司舖頭嘅時候見到景霖阿媽既身影

「咦，點解阿媽會係到既？」景霖有啲驚訝咁問

「係喎，唔通果幾個美國大品牌公司同伯母有關？」

「唔好理啦我地依家過去睇下啦」景霖講

「喂，張志明！」

突然有一把女聲係我背後傳來，我擰轉身，原來係Sandy同Cody條八婆

「咦？Sandy點解會係度既？仲要有埋Cody，條八婆上次中學聚會講埋啲乜柒Sandy暗戀我既嘢，搞到景霖唔開心，而家仲好意思同我打招呼，屌！」我內心惱怒咁講

「Hi，好耐冇見呀你地，呢個係我女朋友你地上次見過架啦」我扮曬嘢咁講

「Hello」景霖都扮大方咁講

「係呢，自從上次聚會你無啦啦咁走左之後，我地都好耐冇見啦」Cody無視景霖仲串串貢咁講

「嗯，係咩」

「咁人地女朋友唔舒服咪走先囉，我信阿明唔係特登既」Sandy費事場面尷尬

「可能係啦，話時話中學個陣時呀，我地全部人都知道Sandy中意你架啦，明示暗示都有，都唔知你個傻仔點解係都點唔明」Cody講

我屌你老母呀！收嗲啦八婆，如果我唔係用力拖住景霖，景霖又會用返屋企喂貓既藉口走左去

「係呢，同女朋友係到行街呀」Sandy故意拉開話題

「係呀，順便巡視下商場，最近都係忙緊幫呢個商場做策劃咋嘛」

「如果你當初知道Sandy中意你，分分鐘你地結左緍啦」Cody插把嘴埋黎

呢個時候我已經見到景霖唔係幾開心咁，再加上我忍不住啦，要爆出黎啦

「喂好啦喎八婆，你同我聽住呀，呢個先係我女朋友，我呢一生淨係愛佢一個，唔該你以後見到面就收下你把死人口，我諗你都知啲八婆通常好短命㗎啦」我遞高景霖隻手之後咁講

「走啦景霖」我拖着景霖離開

場面得返Sandy佢哋呆咗喺度

行咗一陣，我發覺景霖打側挨住咗係我身上，令我感受到佢既體溫

「做咩呀景霖？個樣咁冧嘅？」我低頭望住佢

「冇呀，我依家係到諗緊你頭先番說話，係咪真架？」景霖抬高頭望住我

「緊係啦，我張志明一世一生只愛黃景霖一個！」我大聲到爭啲成個商場都聽到

「行啦」景霖好怕羞拖住我走入舖頭

lm

Sandy好慘，比cody搞到好似被人鬧埋一份咁

多謝你

無計啦，同條八婆一齊

抵俾人屌啦死八婆

想唔想再man啲？

我地入左舖頭之後只係見到Ada係到

「咦？點解Ada會係到既？啱啱我地明明見到係媽咪黎既喎」景霖疑惑咁問

「Hi，Ada點解你會係度既？係咪出咗啲咩問題？」

「冇咩事既，其實係呢間公司想搬去另一間更加大既舖位，但係個嗰舖位又咁啱租咗出去，不過依家搞掂咗了，佢地應承咗留返係度」Ada講

「哦，原來係咁，係喎，我啱啱見到媽咪係到架，點解依家見唔到佢既？」景霖問

「下？乜總裁黎咗咩我唔知嘅？呢幾日都係我跟進呢幾個牌子嘅事喎」Ada答

「唔係喎，啱啱我過嚟嘅時候見到阿媽係度架喎」景霖好肯定咁講

「但係我真係見唔到總裁係到喎，會唔會係老細你睇錯啊，不如你send個WhatsApp比總裁問下啦」

「唯有係咁啦」景霖有少少失望

「番屋企啦」

返到屋企後，景霖就去左沖涼，而我就係梳化到睇緊電視

「噹」我部手機發出WhatsApp通知鈴聲

我望一望，咦！係Sandy......

「唔好意思呀明，搞到你同你個女朋友咁唔開心🙏🙏」

「其實又唔關你事嘅，is ok 😀😀」

「係呢最近忙緊咩啊？遲啲再一齊食飯👍」

「到你沖啦呀明」景霖出咗黎，我極速收埋部電話

「嗯，好呀」我順便攞埋部電話入廁所，費事比景霖見到Sandy搵我

係廁所入面，同Sandy 都有繼續講落去，無意之中知道佢係做PR，仲要知道佢最近分咗手.....

第二日，係公司

Ada急急腳咁走入景霖間房，過咗一陣

「全部人！15分鐘後全部同我去會議室」景霖講

過咗一陣，全部人都到咗會議室，我仲好似見到May 最吸引我既係佢上圍，唔得！景霖係最好的，冇幾耐景霖都入咗黎

「秘書麻煩你，將商場人流次數再匯報一次」景霖好嚴肅咁講

「第一日入場次數8931，第二日入場次7512，
第三日入場次數6739，而第四日.....」Ada越講越細聲

全個會議室都充滿頹廢既感覺，甚至安靜到連冷氣機聲都聽到

「好啦，今日我召開呢個會議，想問下大家對改善商場入場次數有咩建議」景霖好嚴肅咁問

「老闆，我地可以加強宣傳」我答

「呢幾日我地都忙住舖頭進駐嘅事，冇留意到呢一部份，sorry呀」阿Sam答

「其實呢段時間我地要準備既實在太多，所以忽略咗宣傳，我諗我地要搵啲PR幫下手」細強提議

係大家傾完一輪之後.......

「好啦，搵PR既事就交俾志明同細強去做啦，冇咩事要匯報既話就散會啦」

係散會之後，我一直都好擔心景霖同商場人流次數，但係兩者比較，我都係擔心景霖多啲，始終景霖一啲笑容都冇， Lunch時間我叫咗兩個外賣，諗住入房同景霖食

「老細」我敲門

「入黎啦」

入到去之後轉身閂門

「呀明，手上拎住啲咩啊？」 景霖扮開心問

「冇呀，咪係焗豬扒飯同肉醬意粉囉」我坐咗係景霖隔離

「咁我地食嘢啦」

「景霖，我哋個商場人流次數唔夠呀....」我有啲擔心咁問佢

景霖點頭回應，之後我攬住左景霖希望可以俾啲支持佢

係我懷抱中既景霖，好努力咁深呼吸去控制自己既情緒

「放心啦，我一定會搞番好個商場人流，之後光明正大係伯母面前拖住你！」

「明，我真係.....好擔心...鳴.....商場人流唔....夠....公司會....冇咗...」景霖一開口講野，流淚就控制

「唔會架，我地會拯救到公司」我摸住景林個頭安慰佢

「呀明，萬一公司冇咗.....你可唔可以唔.....遵守.....果個承諾啊.....繼續......同我一齊」慢慢景霖已經喊到連講野都唔清

「唔得呀！如果我唔遵守同你媽咪嗰個承諾，仲點遵守愛你一生一世呢個承諾啊」我大聲低頭對住景霖講

景霖俾我嚇到呆咗，

「好啦，唔好喊啦」我幫佢抺走臉上眼淚

「呀明，我愛你」景霖雙手cool住我條頸，抬高頭，輕輕錫左我一啖

食完lunch之後，我突然諗起Sandy係做PR
或者可以搵佢幫手喎，於是我一返到埋自己位，攞起手機，打開WhatsApp

「Sandy，我有job俾你做呀🤗🤗」

有文

Lm

「Sandy，我有job俾你做呀🤗🤗」

Blowjob

咁始終剩低既時間又唔係好多，臨時臨急要搵一個PR公關都唔係一件容易嘅事，再加上有一個信得過既熟人可以幫手，件事咪會更好，總括來講最終都係為志明同景霖係埋一齊既目標加上少少精彩姐

話唔定係handjob呢

屌你老味
真係冇諗過一個故可以爛咁多次尾, 接幾次手

呢次唔會
我同樓主作到大結局
請多多支持

「係，有咩job黎架？🧐🧐」

「妳而家得唔得閑？係上次果個商場等啦」

「好，一陣見啦」

我都WhatsApp 景霖話比佢知，我出咗去

「景霖，我要去商場同PR傾推廣啲嘢呀，今晚屋企等啦🥰🥰」

我Whatsapp完景霖之後，立即趕去商場

趕到商場，我離遠見到Sandy已經到咗，我都跑過去

「志明，你成頭汗喎，抹一抹先啦，你又會咁急既」Sandy係手袋到攞咗包紙巾出黎遞比我

「唔該曬妳呀sandy，因為我....真係時間唔多真係....麻煩曬妳」我接過紙巾後邊抹邊講

「咁你帶我參觀下個商場先啦，我地邊行邊講」

「好，其實主要搵妳係想透過推廣黎增加商場人流，商場有好多嘢食.....」我一路行一路講解

係帶住Sandy參觀商場既過程中，我間唔中聞到Sandy既香水味同體香，同景霖差唔多，甚至香過景霖

「咁你地有咩方法宣傳？越快越好因為好急！」我好心急咁講

「係既，幫緊你～幫緊你，咁我諗住係商場整個親子遊樂場，再整個情侶打卡點，再請YouTuber黎拍片，吸引人流」

「好，唔該曬妳Sandy」

「志明今晚有冇興趣一齊食飯？」

下？！估唔到佢咁主動，我都有啲嚇親

「下次啦，屋企人煮左我飯」我聖人mood上身

「哦，好啦我走咗先」Sandy好似有啲失望

同Sandy傾完嘢，我番屋企，我攞出鎖匙開門，打開門

「呀媽，景霖，我黎番啦」我大叫

景霖係廚房揸住把菜刀沖出嚟

仆街！唔通景霖知道我同Sandy既事....大撚鑊

「呀明，你番黎啦」景霖雙手cool住我條頸跳咗上黎

「係呀，同PR傾完商場啲嘢，人流好快會多番架啦」我雙手接住景霖

景霖錫左我一啖，正當我都想錫返景霖一啖

「咦！有其他女人香水味嘅」景霖攞住把刀放係我條頸度

「可能係個PR呀」我心虛咁講

「係咩，諒你都唔敢有第二個！」景霖講完之後就返咗廚房幫阿媽煮飯

———————————————-
夜晚，半島酒店總統套房

「雪.....雪....老細舒唔舒服啊？」神秘女子跪係Edward面對

「你繼續啦，你唔...好停呀」Edward口窒窒咁講

電話響起

「喂？」Edward顫抖着問

「老細，離限期得返兩個禮拜咋我應該點樣做呀？」一把嬌嗲女聲問

「梗係搞破壞啦，你咁樣都唔知點做，妳係咪想我即刻過黎懲罰妳先？」

「你好衰架老細，成日諗埋啲咁既衰嘢，人地都係唔知點做先打比你咋嘛」

「喇！呢單嘢如果妳搞得好好睇睇既話，再服侍得我細佬妥妥當當既，妳想要咩我咪比妳囉」

「係咪架老細？我想要層樓，我攪得掂件事既你買比我先？」

「係呀係呀！係咁先啦，咪撚阻住我做正經嘢呀」

「呵呵霖豬，你間公司遲早都係我架啦」Edward內心話......