[連登治國方略] 大國狹縫 - 芬蘭

Urho Kekkonen呢

咁大個俄羅斯係隔離 又對出海口虎視眈眈
能夠恢復獨立真係極度幸運

呢個都係重要人物，一定會提到

超級大傻仔，末代沙皇尼古拉二世

呢到應該補返 習近平

話說如果樓主有興趣
除左wiki之外
都可以睇下書㗎

askhistorians有推薦書單同書評

芬蘭通史
https://www.reddit.com/r/AskHistorians/comments/cp65bq/book_recommendations_finnish_history/

Meinander - History of Finland

冬日戰爭
https://www.reddit.com/r/AskHistorians/comments/9cgr80/winter_war_literature/

Vesa Nenye, Peter Munter, Toni Wirtanen, Chris Birks - Finland at War: The Winter War 1939–40, Bloomsbury, 2015 (reprinted Osprey, 2018).
資料全面，涵蓋軍事及政治，有大量圖片，有用蘇聯解密檔案

Carl Van Dyke, The Soviet Invasion of Finland, 1939-40, Routledge, 2013.
大量使用蘇聯解密檔案，從蘇聯角度睇冬日戰爭

冷戰時期外交政策
https://www.reddit.com/r/Finland/comments/2rb2yu/books_on_finnish_foreign_policy_during_the_cold/
Roy Allison - Finland's Relations with the Soviet Union 1944-1984
https://www.reddit.com/r/AskHistorians/comments/5ealz2/books_on_finland_during_the_cold_war/
James Ford Cooper - On the Finland Watch: An American Diplomat in Finland During the Cold War.

感謝推介但未有時間買/睇

lm

話說有間芬蘭公司
香港人日日都好大機會用到佢嘅product
但冇乜人會發覺

芬蘭居民 留名

高汁

我應該知，香港人應該絕大部份一落街就要用

推

小國如何喺大國狹縫之間生存係一門學問

芬蘭如是 金仔如是

push

巴打可摸耳順便講下sisu

寫得幾好睇
坦克戰方面我up多少少，有興趣睇吓
Winter War 開始之際芬蘭有60架坦克
- 32x 雷諾FT (WW1)
- 26x 維克斯 Mk.E Alt. B (冇武裝－下面解釋)
- 2x Carden-Loyd Tankette (訓練用－可以無視)
最先進嘅係36年向英國Vickers買，為數1+32架嘅 Mk.E 坦克(嗰一架係示範車)
礙於原本Mk.E 短炮太廢(同埋冇錢)嘅關係，訂單冇包括武裝，瞄準鏡，無線電(部分連駕駛員張櫈都冇)，芬蘭會係收貨之後自己裝返
Vickers方面...err 合約應該39年前交付32架，結果最後六架差唔多打完Winter War先到。芬蘭方面都因為本地兵工廠嚴重delay，所以開戰時候連一支反坦克炮都未搞掂

冇炮點訓練？唯有喺堆一戰FT上面拆落嚟裝吓假狗

最早成軍嘅Mk.E unit係第4裝甲連，40年2月23號正式編入16x Vickers Mk.E，不過由於車員開戰前係接受Renault FT訓練，同新坦克相處時間唔耐，產生大量操作上問題，16架坦克入面有13架運到前線，只有8/13架真係上到戰場，編號R-668坦克畀樹幹"kick"著，結果剩低7架投入實戰
4th Co.嘅初戰係Winter War內芬蘭唯一一次「大型」裝甲攻勢....攻擊前榴彈炮炸埋自己友，起步後步兵唔識協調令到坦克單獨作戰，最黑仔係當日紅軍亦有攻勢，晏晝之後全數7架都trap咗喺紅軍嘅前線入面。一打n嘅劣勢下有4架坦克被k.o.，紅軍亦最少失去一架輕坦，4th Co. 只好撤退，芬蘭亦都冇再試過同規模嘅坦克戰，直到後來continuation war

少數原裝嘅Mk.E坦克，芬蘭剩低嘅冇裝Mk.E都用改用俘獲蘇聯坦克炮

嘩要解釋呢樣嘢就好似要同外國人解釋香港D slang咁嘗試下

你個名
留名等講到Continuation War個陣你再加料

好呀
芬蘭用&反坦克方面都相當有創意，幾反映到佢哋民族性

推！！！之前喺芬蘭讀過一個月暑sem, 都學過呢d歷史，温故知新finlandization同sisu

Push

非常有興趣！
我有睇這個

冬季戰爭中段

冬季戰爭已經打左一個月，雖然前線手足憑着永不滅既勇氣智慧，暫時擋住蘇軍攻勢，但一開始講到彈藥短缺嘅問題開始浮現，響開戰嘅時候芬蘭只有三個星期嘅炮彈存量，依家已經打咗四個星期，雖然可以靠虜獲嘅蘇軍裝備補數，但始終杯水車薪，而且響卡累利阿Mannerheim Line死守嘅芬蘭軍隊，響響幾次蘇聯大規模攻勢之後，每晚都要重新修整防禦工事，重新埋雷整陷阱，基本上係唔使瞓，而且食物同水都開始短缺 (戰地既雪水因為被大量炮轟而受污染，一飲就痾)，再咁落去，芬蘭只能夠全國玉碎。

芬蘭響11月既彈藥使用量，見到迫擊砲已經用咗6成有多

呢刻單靠芬蘭自己冇辦法永遠抵擋蘇聯，一切抵抗都要國際社會提供援助先會獲得最終成功。呢個時候嘅國際社會其實非常同情芬蘭，國際聯盟亦都響12月初既會議上譴責蘇聯入侵芬蘭並要求撤軍，但蘇聯拒絕並且被逐出國聯。與此同時英國同法國其實有探討過向芬蘭提供軍事援助，但呢個時候英國同法國基本上都望住為自己軍隊準備軍火，根本冇能力響冬季向芬蘭運送軍火，最後只有英國賣咗30架舊式雙翼戰機比芬蘭。

英國賣俾芬蘭既Gladiator雙翼戰機

德國雖然暗地裏好唔妥蘇聯，亦都響芬蘭內戰時候出兵幫助，但此時此刻仲未收英國法國皮，唔想響呢個時候同蘇聯開戰。

遠在大西洋對岸嘅美帝，呢個時候仲係開心食花生中，連老死英國都未必想幫，更何況更遠嘅芬蘭？

唯一實質嘅支援來自瑞典，大約12,000名志願軍由瑞典去到芬蘭參戰，但瑞典拒絕正式派軍隊參戰，避免同蘇聯起爭端。

瑞典志願軍團

其他幫助基本上就只有零零星星，由唔同國家運過黎嘅舊式武器。戰後有芬蘭老兵回憶，當時有用過來自意大利嘅一戰大炮，開炮嘅後座力好大，如果冇好穩陣嘅底座根本用唔到，個老兵仲講笑話，正常一個炮兵班會有個觀察員響前面睇炮彈落點，但用呢支意粉大炮嘅話，仲要有多個觀察員響後邊，睇吓支炮自己既落點。

於是國際線，就有啲似之前香港咁，個個都譴責話道義上支持，但講到要槍要炮要人就比唔到，戰場上面都係依然得芬蘭人，蘇聯人，同少數瑞典人。

而響蘇聯一方，經歷咗12月嘅大災難之後，終於按下咗佢最重要嘅National Focus


蘇聯開始切換軍官，重新審視進攻方式，將進攻重點放響卡累利阿地峽，並集中大量部隊。由1月開始，蘇軍大規模炮轟同空襲芬蘭各個重要鐵路城市以及橋梁，至於對進攻地區嘅炮轟，就唔再好似以前咁樣大家響同一個方向射就算，而係用熱氣球同偵察機協調，集中將炮彈傾瀉響防禦工事度，造成芬軍好大傷亡。坦克進攻亦都唔再好似之前咁自己一支公狗衝，而係一定要同步兵互相配合掩護。

就響蘇聯Load緊National Focus嘅時候，芬蘭政府同事已經不斷尋求方法同蘇聯講和，而響一月尾，一次響瑞典同蘇聯代表對談之中，蘇聯透露唔再支持由蘇聯自己扶殖嘅傀儡政權，而願意探討同由Risto Ryti領導既芬蘭合法政府討論和平可能性，咁樣意味着蘇聯有放棄全面佔領芬蘭嘅意向，芬蘭人嘅抵抗似乎見到𥌓光。

芬蘭第五任總統 Risto Ryti

但返到去戰場，呢個時候蘇聯National Focus已經就黎完成，大清洗Debuff好快就會拎走。

響卡累利阿戰線，蘇聯將原來既列寧格勒軍區重組成西北方面軍，將原本既指揮官梅列茨科夫 (Meretskov) 燉冬菇，換來大名鼎鼎既鐵木辛哥元帥 (Semyon Timoshenko)。鐵木辛哥要求大幅增強卡累利阿戰線既兵力，力求突破然後直攻赫爾辛基；同時用整個1月研究Mannerheim Line，同重新訓練蘇軍，特別係強調坦克步兵協同作戰。

本身統領基輔軍區既鐵木辛哥元帥

冬季戰爭後期

2月，拎走大清洗Debuff既蘇軍再次向Mannerheim Line發動大規模攻勢。響攻勢最集中既蘇碼 (Summa)，蘇軍砲兵以每分鐘400發炮彈既密度瘋狂炮轟芬軍防線，今次蘇軍步兵響坦克掩護之下，逐個逐個消滅Mannerheim Line既碉堡，芬蘭軍隊仍然響陣地堅守左10日，到咗2月11日，堅守前往位於蘇碼東北方既拉地 (Lahde) 路上碉堡既芬蘭軍隊終於頂唔順退守，而該地區最後一個碉堡，響一整晚激戰之後仍然守得住，最後響12日清晨，蘇軍爆破人員將230公斤既炸藥放去碉堡上一個已經有裂痕既地方引爆，一聲巨響，呢個被稱爲 “Million Dollar Bunker” 既碉堡，連同入面死守既芬蘭士兵一齊被粉碎。Mannerheim Line終於被蘇軍突破。

蘇軍二月攻勢

2月15號，Mannerheim命令芬軍棄守Mannerheim Line西部，後退至中央防線。而響呢個時候，芬蘭已經筋疲力盡，彈盡糧絕，全國人口有超過10%都被動員參與戰爭相關工作，經濟近乎崩潰；蘇聯亦損失慘重，顏面掃地，去到春天融雪之後，蘇軍又會被困響森林沼澤入面，同時德國都唔希望戰爭繼續落去會比英法有機可乘，取道瑞典介入戰事，因此響2月12日，芬蘭透過瑞典，向蘇聯請求開始停戰談判。與此同時，蘇軍攻勢並未停止。3月5日，蘇軍已經攻至芬蘭第二大城市，卡累利阿重鎮維普利 (Viipuri)。蘇聯亦藉此響和談中提出更嚴苛既領土要求，但芬蘭已經無力拒絕，因為卡累利阿既芬蘭軍隊已經七零八落，子彈同砲彈都已經打晒，而外國勢力支援遙遙無期。3月12號，芬蘭接受蘇聯條件，於同日正午12時停火。冬季戰爭正式結束。

3月時蘇軍戰線


聽日再講停戰條款同芬蘭冬季戰爭後既情況