[連登治國方略] 大國狹縫 - 芬蘭

高質post

巴打，我覺得波羅的海三國(愛沙尼亞、立陶宛同拉脫維亞)陸續俾蘇聯吞併成蘇聯 "被加盟國"+波蘭俾蘇聯扶植嘅波共控制，對芬蘭嘅啟示（芬蘭行親蘇嘅中立化）都極大

芬蘭第一國土地型山多又雪地難攻
二來全部人打開獵射擊準

要學既學威尼斯共和國先係

芬蘭的政治制度

芬蘭響戰後嘅歷史，就係妥協求存嘅歷史。無論係響外交上，經濟上，內政上，到處都可以見到蘇聯對芬蘭嘅直接/間接影響。現時政制上，芬蘭係一個民主半總統制國家，芬蘭總理由芬蘭國會選出，總理控制大多數行政權力。而總統就係另外由全民直選選出，任期六年，掌握比較大嘅外交權力。
現任芬蘭總統 Sauli Niinisto 同美國總統侵


但響1994年修改憲法之前，芬蘭總統係冇連任限制。而響1988年總統選舉之前，芬蘭總統從來都係用間接選舉產生，芬蘭人民會投票選出一個300人選舉人團 (Electoral College)，呢300個人會再不記名投票選出總統，呢個機制同美國總統嘅選舉人票制度十分相似，而芬蘭歷史上亦都有唔少總統並冇經選舉人團程序選出，例如係1919年，芬蘭第一任總統 Kaarlo Stahlberg係由國會選出；戰時總統Risto Ryti響1940年同1943年就係由1937年嘅選舉人團投票選出；1944年Mannerheim元帥就係通過緊急法特例法案 (Exceptive Act)被國會選為總統。
借一借美帝Electoral College示意圖


1946年，Mannerheim因為健康問題辭去總統職務，芬蘭國會投票選出巴錫基維 (Juho Paasikivi)為總統，完成餘下嘅四年任期。巴錫基維作為多次同蘇聯響不同戰爭之中嘅和事佬，係一個徹底嘅現實主義者，佢響任內為芬蘭化嘅治國策略定下基礎，佢一上任第一件事就係同斯大林簽訂貿易條約，並且確保芬蘭響條約框架上面有話事權。1950年已經80歲嘅巴錫基維以171票選舉人票連任芬蘭總統。響佢嘅任內，芬蘭完成咗對蘇聯嘅戰爭賠款，並且將之前和約中租借比蘇聯嘅軍港收回。
巴錫基維同伏羅希洛夫 (Kliment Voroshilov)講:「收足錢你班契弟好比返個軍港我啦」


1956年，86歲既巴錫基維其實本身已經想告老歸田，而農業黨 (Agrarian Party)嘅基科南 (Urho Kekkonen)已經密鑼緊鼓準備想上總統大位，但係巴錫基維臨老都搞咗壇大龍鳳，表示如果真係政界廣泛希望佢連任，佢願意做多兩年，於是佢響1956年嘅選舉人投票之中成為左黑馬候選人，但係響第二輪投票仲慘被淘汰。響事後柒到爆既巴錫基維，堅稱自己並冇同意自己成為候選人，而係有部份保守派議員誤導佢，令佢以為有足夠支持，最後佢響同年12月就離世。
巴錫基維被跣示意圖


跟住落嚟就係芬蘭戰後最具爭議嘅領袖，基科南 (Kekkonen)，佢係第一代農民出身嘅知識分子，33歲加入芬蘭農業黨開始從政，並且成為芬蘭議員，之後十幾年佢分別擔任過內政副部長，司法部長，並且響1950年參選總統，只獲得62票選舉人票而落敗，但落敗後仍然獲得巴錫基維委任為總理。擔任總理嘅六年間佢開始整理自己嘅勢力，並且利用同蘇聯嘅緊密關係，為自己嘅政策護航，並且響內閣之中排除競爭者。
究竟係獨裁者定係英明領袖?


終於響1956年啱啱講到嘅大龍鳳，基科南經歷激烈嘅選戰之後，以151票，2票之差擊敗社會民主黨嘅對手，如願以償做到芬蘭總統。

基科南當選總統之後，基本上維持前朝嘅親蘇政策，而佢個人嘅管治風格響民主國家之中，雖然未去到使用恐嚇或者暴力手段，但亦都算係比較專制，同國會嘅關係好多時都唔算好，甚至試過唔少次響內閣同自己不和嘅時候，解散國會重選，而且好多時為咗取悅蘇聯，會犧牲國內嘅政治生態，當中最好嘅例子就係1958年嘅「晚霜危機」(Night Frost Crisis)。

1958年8月，由社會民主黨總理Fagerholm組成嘅新內閣，並冇包括任何由蘇聯支持嘅芬蘭人民民主聯盟既人，而且招攬左社民黨之中偏右翼嘅Vaino Leskinen同Olavi Lindblom入閣，而農業部長Niilo Kosola亦都被蘇聯指控佢嘅父親係拉普亞運動 (Lapua Movement)嘅領袖。得知種種蘇聯對內閣人選嘅不滿，基科南響組閣階段就多次向國會警告來自蘇聯嘅威脅，但由於總理Fagerholm堅持內閣人選，基科南唯有如常公布新內閣。
西馬運河


蘇聯首先用經濟手段施加壓力，例如暫停討論西馬運河 (Saimaa Canal，一條連接芬蘭境內湖泊同芬蘭灣嘅運河)嘅兩國使用守則，同押後簽訂芬蘭灣捕魚嘅條約，10月蘇聯仲撤走駐芬蘭大使以示抗議。美國曾經希望向芬蘭提供經濟援助以減輕芬蘭面對嘅蘇聯壓力，但芬蘭擔心只會令局勢升級，決定自行同蘇聯談判。基科南見到咁嘅環境，於1959年1月到訪列寧格勒同赫魯雪夫 (Khrushchev)會面，並達成和解；又指示自己農業黨嘅內閣成員辭職黎策動倒閣，最後Fagerholm屈服，宣布內閣總辭，然後由農業黨組成少數派政府，呢場風波先至落幕。
基科南最叻就係搵赫魯雪夫傾計


晚霜危機令到基科南嘅聲望大增，事件中基科南響芬蘭扮演造王者嘅角色，對內閣組成發揮巨大影響力，自此以後，芬蘭嘅政局就幾乎完全由基科南控制，基本上任何政黨要組閣，如果冇基科南支持，係不可能成事。

柏林封鎖事件中，運送食物嘅美國運輸機降落西柏林

而響1961年，正當基科南開始準備第一次連任嘅時候，又發生咗「照會危機」(Note Crisis)。事緣當時冷戰去到高峰，同一年之內，發生柏林封鎖事件同豬玀灣事件 (美國策動古巴右派推翻卡斯特羅共產政府，失敗告終)，蘇聯響勢力圈內各國發出外交照會，希望為各國提供「軍事諮詢」，芬蘭亦唔例外。眾所周知，呢種諮詢係相等於比蘇軍響境內駐軍，甚至有發展成蘇軍實質佔領芬蘭嘅可能，因此本身出訪完美國，正於夏威夷度假嘅基科南就急急腳去搵赫魯雪夫密斟，好快又達成共識，將對芬蘭嘅軍事諮詢無限期押後，直至芬蘭主動要求為止 (即係已經唔存在啦)。呢次危機，有唔少陰謀論話係基科南同蘇聯夾埋做場戲，比基科南做政績爭取連任，而1962年基科南最後亦都以199票成功連任芬蘭總統，並且響1968年第二次連任。

響基科南嘅第三個任期就嚟完結嘅1973年，芬蘭正準備同歐洲共同體 (EEC)簽署自由貿易協定，呢個協定會令芬蘭可以食蘇聯同西歐兩家茶飯，對芬蘭經濟極為重要，但要同西歐簽署協定而又唔可以激嬲蘇聯，基科南嘅角色就十分重要，基科南自己亦都好清楚呢點。因此基科南決定提出用緊急法案，將自己嘅任期延長四年以確保條約能夠順利落實。通過咁樣嘅緊急法案嘅門檻係國會嘅5/6，而基科南最後以自由貿易協定為籌碼，成功令攔路虎，一向反對基科南嘅右翼國家聯盟 (National League)屈服同意緊急法案。
又係你呀基生?


基科南，響4年延長任期完結後，再再再一次大比數以259票，第三次連任。呢個時候基科南嘅權力同威望去到巔峰，近乎係羅馬共和末期嘅終身執政官凱撒咁，掌握芬蘭嘅一切重大決定。但係，高峰過總會有下坡，基科南已經80歲，衰退嘅身體，包括糖尿病，老人癡呆，視力衰退，開始不斷減弱佢運籌帷幄嘅能力；另一方面，芬蘭其他政黨已經對佢無限連任，主宰芬蘭政界嘅常態忍無可忍。終於響1981年，反對基科南繼續執政嘅總理Mauno Koivisto同基科南嘅對抗去到頂峰，基科南策動執政聯盟中嘅中間黨成員，對Koivisto發起不信任動議，希望威脅Koivisto辭去總理職務，但Koivisto成功維持執政聯盟團結，公開宣布自己唔會辭職，仲直指芬蘭嘅總理同內閣係對國會負責，而非總統。呢件事極大咁打擊咗基科南嘅威望，而年邁嘅基科南，已經冇能量再保住自己嘅總統大位，響1982年基科南請辭，結束咗長達26年嘅總統生涯。

26年來第一個落基科南面嘅芬蘭人Mauno Koivisto同列根 (Ronald Reagan)總統


基科南嘅長期執政，對芬蘭後來嘅政制有好大影響，響1988年至1994年嘅憲法改革入面，對芬蘭政治體制嘅限制增加咗好多：
－總統只能連任一次 (不要維尼)
－總統不得干預內閣組成
－廢除選舉人票制度，改為直選總統
－總統必須得到總理同意先可以解散國會重選
－加強總理外交方面嘅權力
修憲令到芬蘭嘅政制更加貼近西歐嘅民主制度，基本上避免左再有一個好似基科南咁，一人長期響制度入面總攬大權嘅情況出現。

終於出完以下開放討論政制問題

重點講finlandilization 啦

Kekkonen Kekkonen Kekkonen Kekkonen Kekkonen
https://youtu.be/tjt-AeJkzf0

目錄／參考資料／巴打指正

目錄
#1 芬蘭起源至獨立建國 ( ? - 1920)
#42 建國至冬季戰爭前夕 (1920 - 1939)
#50 冬季戰爭爆發 (1939/11 - 1939/12)
#67 冬季戰爭 - 芬蘭坦克部隊情況 (1939) 感謝@Nebelwerfer巴打
#75 冬季戰爭中後段至完結 (1940/1 - 1940/3)
#106 芬蘭自己既Inter-War Period (1940/3 - 1941/2)
#107 Mannerheim給士兵的話
#137 繼續戰爭前夕 (1941/2 - 1941/6)
#140 蘇德戰爭初期坦克及芬蘭T34 (1941) 感謝@Nebelwerfer巴打
#141 繼續戰爭初期 (1941/6 - 1941/12)
#158 繼續戰爭後期－芬蘭跳槽 (1941/12 - 1945/4)
#167 戰爭完結
#173 戰後芬蘭面對的國際形勢及外交策略
#196 芬蘭的媒體監控
#233 芬蘭教育
#255 芬蘭政治制度～基科南執政26年

參考資料 (暫時)
1. Wikipedia (主要係英文) - 芬蘭，芬蘭歷史，Great Northern War，Grand Duchy of Finland，Winter War .... 仲有好多
2. Youtube - World War II Channel by TimeGhost History
https://www.youtube.com/c/WorldWarTwo/
Episode 007 開始
3. 書 - "Upheaval" by Jared Diamond
4. http://www.winterwar.com/
5. http://countrystudies.us/finland/121.htm
6. https://tilastokeskus.fi/til/pvaa/2000/pvaa_2000_2004-05-31_kat_001_en.html
7. 芬蘭所有總統嘅生平
https://suomenpresidentit.fi/

巴打指正
#32 有坂真白 巴打
"芬蘭紅軍嘅領導者係芬蘭社民黨而非共產黨，共產黨係內戰後係社民黨分裂出嚟，所謂蘇俄運過去嘅軍火係社民黨真金白銀買返嚟，而芬蘭社民黨一向都係堅定嘅芬獨份子，相反右翼嘅老芬蘭黨早期政策只係向克倫斯基嘅俄羅斯尋求芬蘭自治嘅可能性，亦因為咁係十月革命嗰一刻陷入左同新芬蘭黨嘅內鬥中
呢場內戰亦唔係受到蘇俄影響，只係內部政治問題拆唔掂而大打出手，因為1917年帝俄嘅政治動盪令社民黨係1916年係議會內獲得嘅絕對多數議席化為烏有，無辦法執行原先準備好嘅社會改革方案
比較有趣嘅一點係社民黨係以一票之差否決左用武裝奪權，相反向列寧要求佢承認芬蘭獨立，而列寧亦都咁樣做左，但正正就係呢幾刻嘅猶疑令右翼嘅領頭人物可以逃離首都為戰爭作準備"

的確係，希望有機會研究下Baltic States

同意芬蘭自己有特殊條件先行到呢條路，亦都正正係Kekkonen講Finlandization is not for export嘅原因；威尼斯共和國又係個好有趣嘅歷史特例，的確係有D似中世紀嘅香港，而且有好大國際影響力 (e.g. 收數收到十字軍都聽佢支笛)

註：愛沙尼亞全國悼念芬蘭總統Mauno Koivisto。

蘇聯私底下警告芬蘭唔好同愛沙尼亞、立陶宛+拉脫維亞玩得太埋。

芬蘭總統Mauno Koivisto暗中支援愛沙尼亞復國，支援拉脫維亞同立陶宛復國（Mauno Koivisto私底下同立陶宛1.11~1.13復國運動嘅立陶宛義人接觸+合作）。


Sausio 13-oji(立陶宛人民 VS 蘇聯)


When he was President of Finland, Mauno Koivisto sent financial support to Estonia in the guise of cultural cooperation funds to avoid drawing attention from Moscow.

"We cannot interfere in the internal affairs of the Soviet Union," Koivisto said publicly in 1991, "Finland has de facto recognised the Baltic States' integration into the USSR, and we will adhere to everything that has been internationally agreed."

In reality, Finland's decision to help Estonia had already made behind the scenes three years earlier. Estonia had declared sovereignty, and Finland's political elite had decided to support Estonian independence as much as possible.

Ex-President Koivisto secretly funnelled money to support Estonian independence
updated 27.5.2017 11:26
https://yle.fi/uutiset/osasto/news/ex-president_koivisto_secretly_funnelled_money_to_support_estonian_independence/9613509

原因: 芬蘭對當年美國同成個西歐真係太失望

芬蘭見到當年美國口頭Obama式詞彙支持芬蘭同蘇聯打交道

芬蘭更見到美國口頭支持波蘭人(50s波蘭反蘇運動)、匈牙利人(1956匈牙利革命)同捷克人(捷克斯洛伐克，1968布拉格之春)抗爭抵抗蘇聯，美國口頭唔承認波羅的海三國俾蘇聯吞併成被蘇聯加盟國，但當蘇聯血腥屠殺波的三國森林兄弟游擊隊嘅時候，當蘇聯血腥屠殺波蘭人、匈牙利人、捷克人(同斯洛伐克人)，

美國只識「呼籲蘇聯克制，呼籲蘇聯給予波羅的海三國人民+森林兄弟完全自治權利，美國不承認蘇聯吞併波羅的海三國」，「呼籲蘇聯克制，呼籲蘇聯尊重波蘭人、匈牙利人同捷克人嘅民主自由權利」，

所以芬蘭唯有獨自面對蘇聯+芬蘭被迫同蘇聯合作

芬蘭宣布終止與香港引渡協議
https://lihkg.com/thread/2246119/page/7

停咗喇？

經已低調完滿結束左
話時話Happy Kongner最近講Latvia條片都好有參考價值

寫下一篇喇
連登需要呢啲post
而唔係日日鬥黃同其他垃圾post

Push

留名

淨係識kalmar Union

然後就係同俄國角力既歷史