[連登治國方略] 大國狹縫 - 芬蘭

明斯克停火協定（新屋主：芬蘭，談判方：烏克蘭、德國、法國、兩個烏東親俄附庸國同俄羅斯）個談判地位應該由芬蘭取代，因為白俄羅斯特區首長盧卡申科已經完全無法勝任

樓主呢？

又冇咗影

1同4都唔錯

莫洛托夫雞尾酒之發源地

Finland+Sweden+Estonia+Latvia+Lithuania+Poland

芬蘭教育



響之前幾回都有講過，芬蘭響大戰之前其實係一個相對落後，經濟集中於農業同伐木業嘅國家。響戰爭之後，好多原來嘅農地同伐木營地都比破壞或荒廢，土地同人口都因為戰爭減少，而且需要向蘇聯賠償戰爭損失，對芬蘭經濟造成好大困難，令芬蘭轉型成重工業經濟，例如造船，同之後嘅科技工業。而要向知識產業轉型，就必須有受高等教育嘅人民，而芬蘭之前好多回都有講過，最大弱點就係人少，所以令到每個芬蘭人都人盡其用，發揮最大潛能，就成為芬蘭教育嘅最大目標。

呢種哲學，響芬蘭普及教育之中體現出來。芬蘭嘅學校絕大部分都係公立學校，而早於1880年，芬蘭人嘅識字率就已經去到97.6%，早響1921年，芬蘭人已經有強制教育 (當時係通過人民學校 kansakoulu 實行)。但即使係咁，響戰後出生率上升，而不少相對貧窮人口仍然居住響農村，而無辦法進入城市嘅文法學校 (Grammar School) 接受較高質素嘅教育，因此響1963年芬蘭政府開始研究改革教育，希望將高質教育推比每一個芬蘭人。

響1968年，芬蘭國會通過《基本教育法》進行教育改革，將以往有城鄉差距嘅不同學校，由1972年起，統一入新嘅普及教育制度入面。教育改革響1977完成推廣至全國。從此之後，公立學校得到政府資助極多，而且教育水準亦都極高，即使係私立學校都係由政府獲得同一水平嘅資助，而且唔能夠隨意用加學費或者加其他雜費嘅方式去獲得額外資金，令到公私立學校嘅教育水準同環境相近，有效咁減少左貧富懸殊帶來嘅教育差距。

芬蘭Pre-School

香港幼稚園


另外芬蘭教育既師資要求都好高，響九年免費教育之中，中學同小學嘅老師，都必須要有碩士學歷先可以任教，而且要響芬蘭做老師絕對唔係讀唔成書，比錢攞個degree就可以做得到，而係有好激烈嘅競爭，一般都係大學入邊讀書成績最好嘅人先可以成功做到老師，一般來講，每10個想做老師只有一個真係做得到。



基本上如果你係一個芬蘭人，你會響六歲先第一次進入正式教育系統嘅學前教育 (pre-school)，然後就係九年免費教育，之後就可以選擇就讀普通文法高中，或者職業高中，之後就可以相應進入學術型大學或者技術型大學/學院。而重點係呢一切都係免費，你唔需要比學費，學校嘅午餐都係國家資助所以免費，而且學生嘅醫療保障亦都係免費。你響學校入邊有必修課，一開始就要學兩種語言 (芬蘭語同瑞典語)，但係功課就好少。芬蘭嘅學校，基本上係教學生點樣學習，而唔係直接向學生灌輸佢哋需要響考試用嘅知識，而且亦都好鼓勵學生搵自己嘅興趣，例如響芬蘭你想學樂器，亦都只係比好少錢就可以當興趣班咁學。簡單來講，你響芬蘭想學任何野，錢絕對唔會係一個問題，只要你想學，國家就會俾錢你學。響芬蘭亦都冇好統一嘅大規模考試，因為分咗學術學校同技術學校，而且本身整個教育系統極之講求因材施教，響小學嗰陣，每個芬蘭人嘅老師都會跟足自己成個小學六年嘅生涯，每個芬蘭人都係獨一無二。



芬蘭教育嘅多元化，同鼓勵學生搵自己最鍾意同最叻嘅嘢嚟學同做，令到芬蘭有源源不絕嘅人才工各行各業使用，亦都做到真正嘅人盡其用。天生我材必有用呢句說話冇錯，但只有響芬蘭呢種教育制度先會實現到出嚟。



或者係我地嘅香港，有一日因為國安法，因為取消香港關係法，有錢佬好多都走晒，香港唔再係一個白手套自由港，我哋一路奉行嗰種低稅率，無為而治嘅哲學變得過時，然後香港浴火重生嗰一刻，我哋都可以有條件實行好似芬蘭咁樣嘅普及教育？

我地香港學生


唔會有一個國家嘅人天生特別蠢 (而我覺得香港人其實甚至係特別聰明)，只會有特別蠢嘅教育制度。

好正

Lm

香港壓迫教育
=
令人透唔到氣

其實我好好好想講呢個topic，但響香港呢個差唔多最黑暗嘅時代講光復之後點點點，打飛機味實在太重，真係自己出Post都忍唔住屌自己要諗諗用咩方法present件事

開頭對二戰芬蘭嘅印象係成功抵抗穌聯同雪地狙擊手，無諗到最後都要割地賠償

人雖精
但唔夠人血肉城牆打
1打200已經好勁

再加上芬蘭見到美國（羅斯福同杜魯門）對波蘭同波羅的海三國袖手旁觀

Lm

連登仔一般講芬蘭只係提佢地冬季戰爭勇武抗共
但冷戰期間為求自保要保持中立 甚至自我審查壓制反共聲音 好似台灣馬英九咁舔共 其實就係連登仔口中至撚憎果D咩地獄最底一層嘅中立撚 呢種治國方略我地又做唔做到？


http://glocalized-collection.blogspot.com/2014/08/blog-post_18.html?m=1

https://www.thestandnews.com/台灣/芬蘭傳奇與台灣總統-一/

我會話的確有一部分連登仔係走火入魔左 (定係PR五毛就不得而知，只能靠自己判斷)，但要justify好似芬蘭咁樣所謂中立撚加奶共，前提係要咁樣真係保障到自己獨立先。奶，如果只係保障自己自主嘅手段 (而真係做到響某D層面奶令到其他更重要層面大家互不干預)，可以斟酌；但香港政府個隻奶係慷他人之慨，將香港所有野送晒出去，求自己一夕安寢 (中低層) / 飛黃騰達 (777之流)，不能接受。

另外對於立場條Link入面台灣人林濁水有關馬英九總統，所謂芬蘭化個講法，我覺得芬蘭同香港/台灣的確係有好相似地方 (所以我開post講芬蘭)，最有感覺係「離上帝太遠，離莫斯科 (北京) 太近」呢句但芬蘭同我哋/台灣始終有好重要嘅分別：
1. 芬蘭民族自古以來就同俄佬不同文不同宗 (就算話要回歸，回歸瑞典都合理過俄羅斯)，而香港/台灣<>中國，就算點用香港主體意識/台灣原住民文化解讀都好，始終文化上同中華文化淵源好深，因此少咗一個條件話自己係獨立民族國家
2. 承上，俄羅斯並無理由好似中國咁一日到黑用「維護國家統一」「民族大義」黎威脅台灣嘅獨立，簡單D講，就係台灣永遠都要屈係一個中國框架入面，咁又點樣做到芬蘭模式？

所以，響香港/台灣仍然未有離得開大中華政治框架嘅政治現實之前，根本所謂Finlandization嘅政策係一廂情願中共會因此放棄台灣主權。


講開又講，其實民族主體性同文化認同真係好重要，但香港真係未足夠，雖然有徐承恩呢類學者嘗試由歷史中塑造香港民族起源，但始終最重要係當下香港人急需有自己一套價值觀同文化 (唔止係粵語次文化) 去響呢一刻define香港人呢個identity，而呢個價值觀同文化係乜，依家我會話係未有共識

咁你覺得我地呢代人入政府靜靜地上位準備又有無用？

我覺得係有，因為政權移交，無可能真係由零開始重建成個政府，點都會有舊人響度，但我唔會鼓吹其他人入去，始終入到去一段時間，你仲係咪當初個個人係好大疑問。而點入 (AO/EO? ACO/CA? 紀律部隊? 甚至黑警?)，入到去係爭上位定扮Hea扮傻，呢D全部係個人選擇嚟，唔到光復個刻，無人知邊個係無間道邊個係投共。

結論：咩時代都有人選擇入政府賣屎忽，自己唔入其實都係福氣嚟，成件事根本無可能做到100%堅壁清野