想入行做廣告 我問你答

留名

前輩好有心

真 自己讀緊呢科本身都灰灰地 睇完更灰轉行又唔知做乜讀乜好

青春就係本錢 越早轉越易
（前題當然係你真係唔想做呢行啦）

承上篇，當你做咗幾年，成功升到上Manager，一定會出現「轉去做客」嘅情況，不論你係自己搵定有客欣賞你叫你過去做，呢個情況都好常會發生，咁到底由agency轉去做客係咪咁爽呢？

1. Marketing 客到底有咩做？
讀marketing嘅人總會聽過呢句說話「做幾年agency就轉去做客，爽」，要了解呢句說話真定假，應該要先了解客戶嘅team structure係點

由agency轉去做客，最常見係入marketing communication (Marcom)呢個部門，呢個部門重要負責同不同部門合作，做品牌嘅宣傳工作。合作嘅部門可以包括：product team，PR team，inhouse designer等等

通常工作流程都係由product team收到brief，知道嚟緊1年／季產品有咩動靜，然後就用手頭上嘅marketing budget去做plan，再搵creative／media／PR agency brief 有咩campaign想做，收到佢哋嘅proposal之後就再傾，comment，confirm同執行

同agency相比，其實工作流程係大同小異，只係以前有個AE幫你手，依家就有間agency幫你手，你亦有機會接觸更多做agency時接觸唔到嘅事，例如marketing planning，budget planning之類，但到底以上工作係咪真係咁爽呢？

如果係傳統marketing年代，其實真係幾爽，因為你要負責嘅嘢有限，仲有專人serve你，由自己落手落腳做到坐定定得閒review吓咁，但到咗digital marketing年代，其實marcom 面對緊嘅都係轉型問題

試想像吓，當你可以星期6搵agency人幫你改個post，點解你覺得product team嘅同事唔會星期6搵你叫你幫手搵agency改嘢？再加上當所有user behavior都可以track到，你除咗commication之外就會多咗要跑sales嘅壓力

更慘嘅係，明明有時係因為啲product唔掂所以賣得差，但product tem就會問你點解promotion做得咁差，將個波射咗去promotion到，而你只可以硬食，因為基本上香港地嘅國際公司，所有product development都唔係自己做，係global 開發完畀大家，所以有好多product未必岩香港呢個市場，但作為marcom team就焗住要食，甚至有好多情況都係global已經搵咗廣告公司生咗個big idea，你只可以拎住呢個big idea叫你自己搵嘅廣告公司做adaptation

所以如果你係一抱住「好爽」嘅心態入MNC做，覺得好多嘢可以自己話事，事實上呢個世界唔係咁理想，分分鐘你要對住一個連digital最新trending都唔識用嘅product team老嘢，然後解釋佢知點解依家facebook 無後生仔會玩

2. 幾時轉去做客好？
因為一般喺廣告公司做嘅嘢太窄（呢點要參考返第一篇，提及到國際廣告公司structure問題嘅內容），加上職位架構不同嘅問題，所以比較常見嘅係由agency轉去做客個title係會跌一級，如果你係agency manager，去做客可能只係拎到個senior marketing executive，你係account director，去做客係拎返marketing manager呢個位

喺呢前設同埋你了解到Marketing 客到底有咩做之後，你要比較嘅就係「留喺agency」同「轉去做客」兩者之間嘅好與壞

普遍嚟講Agency流動性高，上位／轉工嘅情況會比較易出現，反觀marketing流動性比較低，就算畀你入到去做客，你每年加人工嘅幅度都唔見得比agency多好多，加上入到去都係做到隻狗咁，無得自己話事，不如考慮留多幾年拎到director grade先轉去做客

當然啦，以上都係客觀去考慮，可能你會遇到一間你好鍾意嘅brand請你，或者佢出手好闊佬，或者你會覺得錯過咗今次下次就無機會等等嘅因素，所以無一個絕對嘅答案

3. 做Agency上到去AM／AD，條路仲可以點行？
當你去做Manager／Director個位，除咗要make sure你樓下嘅人做嘢，幫你分擔到工作量，你仲會多咗跑數嘅壓力。舊客如果無新嘢，你就自然要搵新客，咁到底新客係點搵呢？
通常搵新客都離唔開：pitching，舊客咗轉工搵返你，有大學同學做咗marketing搵你幫手，由其他department refer等等

先撇除有太多因素影響嘅pitching，點先可以提升舊客翻兜，同學搵你幫手同其他department refer呢3點呢？其實一個好嘅Account servicing，除咗完成客戶畀你嘅task之外，你更需係同客之間build trust，只要成功建立到互信，翻兜嘅機會就會提高。

咁到底點先build到trust呢？首先要做嘅就係擴闊自己嘅眼光同視野。之前有位巴打話得好啱，「入邊嘅人以為自己好專業 但出到去你會發現同世界脫節」，呢個係最常見agency人嘅問題，因為每日都已經忙到嘔，所以佢哋唔會有心情／時間去了解呢個世界發生緊咩事。
例如：最新嘅digtial trend係點？你serve緊個客有冇受到肺炎事件衝擊？國安法成立之後香港嘅social media plantform有咩反應？

以上問題其實同常工作其實係好有關係，亦如有幫助，我試過見過：
- Tiktok 宣布會撤出香港，然後marketing interative有人話開班教品牌點玩tiktok
- 隔離team有個鬼佬creative 成功sell咗個用未出現係IG嘅function嘅creative proposal畀客（例如IG未有得玩sticker時，佢個creative proposal就係叫個客玩IG sticker）

其實上以情況都係好影響客戶對你嘅信心，因為對佢嚟講你應該係站在最前，你要畀佢更清楚呢個世界發生緊咩事，再畀返advice佢，而唔係伏鳩佢

所以就算你個job title只係account servicing，你都應該要了解個世界發生緊咩事，甚至再近啲了解吓ad opt係點做，google ad係點做tracking，facebook ad係點玩之類，咁樣對於你同creative開會又好，同客傾計都好都會好有幫助，trust就係咁一步步建立出嚟

至於「同學搵你幫手」呢就簡單，學吓保險agent咁，自己有work出街／個campaign拎獎就share去自己social media啦，咁自然會畀到你network內嘅人知你做緊咩，又有啲case可以睇吓

最後「由其他department refer」呢就仲簡單，都係辦公室101，social多啲，internal開quote畀你又唔好吓吓都壓價之類，你同佢合作得開心，佢有好嘢而自己食到時，自己會彈畀你

4. 講咗咁多AS，咁creative呢？
其實creative同AS都大同小異，除咗做好美學呢part，了解多啲最新嘅digital trend，又自己試下了解吓你做緊啲客，佢哋個business model係點，有咩touch point，唔好淨係聽班AS嘅brief（因為多數AS都係左手交右手），你久而久之自然可以搵到啲新嘅creative insight，做到啲真係幫到客手嘅creative（其實insight呢樣嘢應該係由planner做起，但係依家嘅4As好多時都唔會involve planner，因為hourly rate太貴，所以就要靠AS／靠自己）

最後，如果你唔係鬼佬，記得做「飛機稿」之餘更要做返啲實事（我指真係出到街嘅campaign），因為能夠淨係用「飛機稿」做到飛黃騰達嘅CD，十個有九個都係鬼佬，第十個係MIX，絕對唔會有local人

而Creative唔做agency有咩可以做呢？都離不開呢幾項：
- 入 In-house 做Creative
- 入facebook／google呢類公司做creative
- 自己接freelance（是的，好多creative都係咁，幫人做digital banner／做稿，所以學多個技能係幫到你生活）

5. 咁到底agency／marketing做值唔值得做？
入職係人工底，工時係長，如果急要養家真係唔好喇
如果真係好想入，記得行以前build落嘅路一定無運行，所以學多啲，揀啲搵錢／將來會熱門嘅部門入，例如：
- 4As嘅 Digital / Social Department / 專做digital嘅細Agency
- Ad Opt，digital performance tracking之類嘅位
- In-house marketing就搵方法接觸多啲CRM，performance marketing部門，唔好淨係一心做marcom
- 直接入啲digital bank／startup之類做marketing （不過startup你要了解埋佢fund rasie去到咩stage…係另一個話題）

大致上係咁，每篇都打好長多謝有睇晒嘅各位
marketing／media 嗰邊嘅資訊未必係最齊，解釋得最好，因為以上都係我由serve開嘅客／夾開嘅media partner 觀察出嚟，歡迎其他老屎忽input
有咩問題都可以問，我盡答

巴打真係好有心
你講得好啱做得耐嘅話真係會脫節
本身做開digital marketing 嘅as 24小時on call 人工底都預咗 但係好多時個客條數唔好睇 就會即刻射個波過嚟 再詳細睇吓先發現佢地嘅UX/UI 做得好差
所以想自學然後睇下有冇機會係UX/UI方面發展 巴打無咩建議

做呢行想搵多少少錢係咪唔洗諗

巴打好撚有heart
不過其實做客好撚多19野要做㗎
比如要成日做啲野應酬senior management

而且好多campaign 去到agency手上已經係去到 execution level 啲事，咩跑幾多筆直呀大致係點玩呀呢D通通已經settle晒 (當然有d客真係會由零開始乜鳩都踢晒agency做當agency inhouse咁用，但一般有scale的客真係真係唔會)

同埋做客唔淨係需要同product夾，唔係真係坐定定手指指等review架

多謝馬些路巴

想跟馬些路搵食

香港廣告呢行唔係做好野，係做客鐘意既野
幾有熱誠都無用

最慘係客鍾意做咩 自己都唔清楚

十個客九個戇鳩
寧願信D fresh eyes同事comment都唔撚信專業既agency/production house

做咗半年細agency intern （打雜） 乜撚都要做
入去時充滿熱誠 好想畢業喺呢行發展
半年後做落發覺同理想中好大出入 不論文化風氣環境同工作內容
但安慰自己可能大公司會好啲
到今年真正畢業 諗緊仲應唔應該中個頭埋去

Btw想問下有冇行內人答到
如果讀個廣告/mkt嘅master對未來事業幫助大唔大？
定係呢行其實唔係咁睇學歷
又或者比起廣告 更加應該揀digital mkt/media?

做呢行識人好過識字
reputation好緊要
creative既話
你見工個portfo識飛天都好，拎幾多飛機獎都好
大多數CD都會周圍八下個candidate份人係點先考慮請唔請
有熟人幫口讚下真係贏八成

你想要做邊範先？
creative既話真係唔係幾睇學歷
除非你想係4As/鬼佬agency發展得好
英文叻著數好多

UI UX 最難其實係過客嗰邊IT嗰關
好多明明得嘅嘢佢哋都會同你講做唔到
真係想學UI UX development 就真係要搵吓有冇堂上

如果你只係想成個project做出嚟好啲，試吓由用戶角度去諗，畀啲recommendation creative 同developer，唔好畀佢哋dominate 咗成件事，用家反應係最show 到個product 有咩問題

對客就簡單直接哋話佢知依家個UIUX有咩唔好，試吓line up埋客嗰邊嘅IT人同creative 傾，睇吓有冇啲咩大家幫到手

其實好多時客都唔明啲tech 啲問題，所以由佢哋左手交右手submit request，不如約埋啲明發生緊咩事嘅人出嚟傾

我知好多都有秘撈
Creative 就接下Digital banner, design work 咁
Social media 人就接下啲Facebook management
最難就係AS，因為佢哋個skill set太窄
除非自己識他嘢，否則好難用工作嘅skill set幫自己搵秘撈

不如唔好quote樓上
太長碌得好辛苦

其實係，要講in-house mkt嘅問題又係可以寫另一個大長篇
我只係想提出其實「去in-house 做好爽」呢件事已經唔存在嘅
我都見過唔少客11點幾12點仲send 緊email

想creative度橋個啲
但做咗之後發覺度橋離不開copy base
個人唔太鐘意寫嘢 但係想法比較有諗頭
會偏向鐘意諗TVC個類多過feed copy
但其實tvc仲多嘢寫

之前做細公司咩都撈埋一齊做 想問下大公司如4As會唔會分開部門 例如度橋淨係度橋 Online media (feed post)就淨係做Online promote咁

我都係打工仔一名咋
只係見到大家對廣告行業嘅前景太灰
分享吓點喺呢行到生存得好過啲

講真呢行一開始做嘅時候，除咗熱情之外基本上真係無咩理由會令你繼續做