武漢肺炎前最後一次旅行 - 西班牙+摩洛哥沙漠+直布羅陀

又真
我咪8：30 去Sevilla個Plaza de Espana完全冇人嘅
屌你Barcelona個Park Guell我 6點去已經塞滿晒日本韓國人
個招牌位仲要排緊長龍影相

好彩開門前入去唔洗錢
（有一半範圍仲要搭晒野維修緊，要比錢我真係會喊出嚟）

好多旅遊城市都有韓國人身影

DAY 10 - 2020/02/10

唔經唔覺已經第十日
Sevilla 係我最想留耐啲嘅地方雖然唔係好大，要睇嘅好似都睇晒
但唔知點解好中意呢個地方，好想留多幾日冇野做食下坐下
Anyway，旅行嘅遺憾就係用嚟比籍口自己再去多次呀嘛
頭也不回咁去搭巴士


最早班嘅巴士都要等 9點半，所以又去Plaza de Espana 影多陣相



比埋片大家感受現場
[url]https://streamable.com/domdy2
[/url]

Sevilla去Gibraltar 直布羅陀關口個小城La Linea 要 3個鐘車程
同車全部人都係Tarifa落晒車搭向去摩洛哥，得返我一個去La Linea
我知直布羅陀冷門，都唔係冷門到咁呀嘛冷門到甚至我喺直布羅陀入面一個亞洲人樣都見唔到
落車將最比較重嘅行李放落車站locker
夜晚再搭車去Algeciras 過夜
車站行 5分鐘就到直布羅陀關口，座Rock of Gibraltar 基本上喺直布羅陀同La linea 邊度都見得到


直布羅陀個關口，絕對，絕對係我見過最hea嘅關口 （我指由西班牙入境呢一邊）因為直布羅陀係英國屬地，所以佢理論上係唔屬於神根區，咁過境兩地應該係要check下護照㗎嘛？
但係因為好多西班牙人每日都會來回直布羅陀返工，所以全部人經過關口都係直行直過，個關員 （無錯得一個關員喺度而且得一張枱仔）都自己做自己野完全冇諗過截下人 （當時張枱仔有張紙都寫住14日內去過中港澳要申報）
我就屎忽痕自己拎本廁所板passport問佢洗唔洗吸印過關，之後佢先check我 之後問我 14日內去過咩地方，我話冇中港澳就直接放咗我 入去

過完關就係傳聞中人，車，飛機共用嘅機場跑道，可以搭巴士直入市中心，但直布羅陀咁細緊係行路啦，唔行過條機場跑道邊可以話自己去過直布羅陀



似唔似香港？



以前香港都有呢種風格建築㗎


好中意個白色牌設計，充滿舊英國味道
香港嘅比港共拆得7788


好快去到市中心，所謂嘅市中心其實係得一條步行街咁大





英式物價都好撚貴 咁細個雪糕收你 4歐
***直布羅陀係歐元英鎊通用，間間舖都有兩個價錢比你睇，
而且西班牙文都已經係主流，比鄰國語言入侵，我好似見到香港嘅未來


同香港一樣冇乜地，啲車路都好窄


穿過完大街行多一陣就到纜車站
坐纜車直上Rock of Gibraltar 山頂
一上到去就見到好多馬騮，班鬼仔鬼妹係咁搵馬騮自拍
好多都影影下成隻跳上你背囊







纜車站隔離就係觀景台



啲水都好撚清


機場跑道後面就係西班牙，明顯見到直布羅陀呢一邊多好多高樓住宅


個山仲有其他野行下，但set晒閘要比錢先可以行
落返去穿過返大街過返關，要趕尾班車搭巴士去Algeciras


帶埋大家睇下點樣穿過機場

https://streamable.com/bqwgfa

最後一眼望下直布羅陀


去到車站見到有班車準備開車去Algeciras，即刻開Locker夠衝過去跳上車
雖然未到尾班車，但唔搭呢班要等一個鐘呀
去到Algeciras搵地方住先，呢個地方冇吸引力到完全冇backpackers㗎，所以係搵唔到hostel住要比貴啲住酒店
因為諗住第二朝搭 6點半renfe火車上Ronda, 所以直接住火車站隔離間酒店啦，check-in完諗住抖下先出去搵野食，呢個決定係錯到仆街呀

夜晚 7點已經全部舖頭閂晒，好彩仲搵到一間賣漢堡著條嘅酒吧仔有開


老細問我試唔試下佢自己整嘅漢堡，見佢咁nice又咁推介就試下啦
應該唔係見賣剩水鳩我掛？
塊漢堡唔算話好好食，但係好特別
成塊漢堡扒好厚，但口感似係一塊扒形嘅腸仔咁，表面光滑好似有層衣咁，咬落好厚實好多肉汁，又係一樣第二度食唔到嘅野

屌柒咗將個遊記打咗落回覆度
關於韓國人嘅問題我估係啲韓劇帶動咗佢地去歐洲旅遊

我去完之後都搵咗套阿爾罕布拉宮的回憶嚟睇，以前我唔睇韓劇㗎

唔出奇，依家後生唔去旅行 冇咩做

想去西班牙讀書

我book咗個日準昤到但唔知個時間係specifc for入nasrid palace
以為係入咗公園已經得
結果即日買到之後個日既門票

[member]樓豬Algelciras 係咪住Mir Octavio?回憶又返來啦
呢個TOWN算係最南部最大嘅城市啦,可惜無野玩,都係駁腳落摩洛哥,左邊葡萄牙,右去直布羅陀多[member]

你啲相洗唔洗落咁多haze啊

買唔起屋真係全世界後生仔問題
不過香港係地獄lv咁解

我都想
去幾個月學西班牙文都好
巴打如果仲後生就一定要儲錢去做呀
出嚟做野之後想做都做唔到

前一日都買到？

係呀你都住過？間野都算係幾靚
但個town6點幾之後真係乜鳩都冇我仲以為所有西班牙人都中意一日飲酒飲到黑

多謝你意見執相我都仲學習緊

不過呢種風格我好多年前已經中意
試咗好耐先試到算係比較似
我都希望可以改良到大家都順得順眼

可能好多年後睇返會覺得自己呢個階段嘅相look like shit
不過都係一個過程嚟嘅唔試多啲就發掘唔到更加多可能

今年二月小朋友抗爭 你就旅行 好威

有少少攪錯左，道理上直布羅陀人係講西班牙話，英國先係入侵者

其實我已經跟屋企人移民咗去美國
自己由十年前開始個個返工不了嗰陣已經出嚟反港共+中共到雨革之後移民嗰陣對香港人失晒望

喺美國有做網絡戰線，有出去聲援，有keep住課金比手足，有同本地人講HK is not China，罷買made in China罷用中資app已經兩年
問心無愧就夠
鬥黃我實唔夠黃，我唔介意你唔當我係香港人
不過唔會阻止我繼續支持香港

sorry對直布羅陀歷史唔太了解
不過我都想識下直布羅陀人聽下佢地自己想跟邊個國家定係獨立
因為以我所知直布羅陀好似搞過兩次公投決定留英定西班牙？
兩次都大比數決定留英

根本就係香港

以前佛朗哥想拎返直布羅陀仲威脅要斷佢地水
同某國話唔賣東江水比香港一撚樣

暫時冇得真係去，想睇下樓主啲相望梅止渴
個個去完都話好靚

DAY 12 - 2020/02/12


首先要講
Ronda 絕對係我極度推介嘅地方
Ronda 係一個建立喺懸崖上嘅3000年古城，所以又有人叫佢天空之城
呢個小小嘅古城都充滿住腥風血雨嘅歷史 （曾經嘅崖底仲要有唔少屍體跌過落去）
海明威一生最愛嘅小鎮就係Ronda，喺佢其中一本書都講過Ronda係最適合私奔嘅地方 （OK其實我冇睇過海明威嘅書）

6:30am喺Algeciras 上車，8點就到
成架火車冇人咁樣我自己包晒一卡
一落車對面有間hotel可以比錢寄存行李
寄存好都仲未日出，唔知應該去邊先好，因為Ronda 都冇咩特別景點，佢出名係出名在成個城起喺崖上面

漫無目的憑感覺亂行，突然離遠見到一啲住宅後面有雲咁嘅物體，心諗唔係咁好彩有雲海呀嘛？即刻加速行過去

行到崖邊原來真係有雲海
沿住崖邊係咁搵位影




隻貓心諗：呢個景我睇唔少


見到有日出光又走去另一邊睇日出，靚到仆街呀屌真係仙境咁樣




要睇埋片聽聲感受下，啲鳥語聲真係有加乘
完全係sound of nature
https://streamable.com/inhy7a

睇夠日出又走返去另一邊再睇雲海






太陽出完嚟雲海就好快散，開始散步睇下個鎮
呢排睇緊Netflix 套修女戰士，見到佢有part 喺Ronda 取景，即刻好有回憶
（成套戲都係Andalusia地區取景，幾好睇，推介大家睇）




鬥牛我就冇與趣啦，但鬥牛場嘅圓形建築我幾中意睇 （好想去睇羅馬鬥獸場）
既然要參觀鬥牛場，緊係要揀Ronda 呢個最古老歷史嘅鬥牛場啦








咁早起身，見啲舖頭開舖搵間coffee shop飲杯咖啡食個包先
（其實我覺得西班牙啲咖啡唔係幾掂 可能慣咗美國隨便都飲到高質咖啡 ）


洗唔洗塞到咁滿先


唔知呢個位食一餐要幾錢


Ronda係由兩邊斷崖上面嘅城鎮連住，所以係好需要有橋連住，總共有兩條橋俗稱新橋舊橋，呢條就係新橋，都差唔多成 300年歷史㗎啦
見唔見到橋中間有個窿？個窿以前係用嚟做監獄，傳聞佛朗哥時期係會將政治犯掉落崖底
所以話獨裁者都係仆街嚟 （個傳聞真唔真都好佛朗哥都係做咗好多仆街野）


舊橋細好多


咁鬼得閒，去舊橋嗰邊行埋先



舊橋望向新橋


之後就開始出發行落崖底，有個韓國仔喺我附近一齊行落去，佢全程都好忘我咁大聲唱歌...其實應該形容做嗌歌...
行落去好輕鬆，千其唔好諗之後要行返上嚟就得啦





落到崖底放底個背囊做枕頭喺堆石度瞓咗一陣


喺度野餐都好正咁好想join


喺度吸收天地靈氣吸咗一粒鐘就行返上去
屌咁大太陽真係會行到中暑㗎我要飲啤酒呀



行到上去諗住搵間野食下tapas飲下酒，原本睇中咗幾間㗎，
仆街，關門？！
原來西班牙人都有落場時間㗎，佢地叫做瞓晏覺時間

瞓晏覺都係佢地傳統嚟，因為夏天時太熱，所以佢地以往都習慣下晏會瞓兩三個鐘當避暑，久而久之就變成咗一個午睡文化，但去到現代因為「效率」，所以好多大城市都冇咗，但小鎮都仲係會有呢個文化保留住
又唔怪得人嘅......我自己啱啱都係崖底瞓完晏覺啦...

算啦行住先睇下邊度仲有開



名乎其實懸崖之城



差唔多夠鐘坐車去Granada，啲餐廳都開始開返啦
唔洗講咁多！Una cerveza, por favor! (我最熟嘅西班牙文就係呢句one beer please，餐餐都用得著）
叫咗兜Spaghetti Bolognese，麻麻地，始終都係希臘Santorini一間餐廳嘅Spaghetti Bolognese 仲係令我忘記唔到，我去所有餐廳食Spaghetti Bolognese 都只係想試下有冇餐廳比我食返嗰隻味



之後坐Renfe 去 Granada啦，三個幾鐘車程，後半段鐵路應該維修緊所以要轉巴士（聽唔明西班牙文，淨係知車長話去Granada嘅要喺某個位轉巴士）


夜晚去到Granada，搵完hostel 求其喺 佢間bar 食野就算
當晚有西班牙盃 Granada 作客對 Bilbao，所以酒吧個個睇緊波氣氛好好身為巴迷嘅我都要講佢地打得仲好過巴塞，有活力好多

呢個post應該一個星期內就會完
下個weekend睇下出唔出到希臘

到時出希臘一定追啊
而家都係睇埋你呢個遊記先～

lm