武漢肺炎前最後一次旅行 - 西班牙+摩洛哥沙漠+直布羅陀

比想像中冇咁難捱可能因為有WiFi，又keep住傾計

巴打遇到咩經歷

過關個時個呀叔講野離我勁遠，佢又講野勁細聲，重要有中東口音 ，我聽左幾次都唔知佢up乜，跟住後來重要比佢串

中東佬都咁串
我過關又冇咩野，不過係無其他國家咁好笑容
唔似得泰國海關嗰種笑到八兩金咁

DAY 7 - 2020/02/07

早餐又係唔記得食過啲咩，印象中好似有中東餅/包，homemade芝士，又係奶呀橙汁呀嗰啲野啦
食完早餐就出去求其行上個沙丘仔欣賞日出啦
沙漠入面唔同時候有唔同面貌
日落嘅沙漠係暴力嘅壯麗
日出嘅沙漠係柔和嘅優美
半夜嘅沙漠係好撚嘅大風





7點鐘睇埋沙漠最後一眼就返Marrakesh啦，有啲團友跟第二架車去Fez
12個鐘車程長係好長，但有Wi-Fi 上網還算好，中途司機帶我地去食野唔再係搵導遊帶你去啲抽佣餐廳即刻半咗一截
大家見到menu有Tajine以外嘅食物都好感動，連意粉都有呀 全枱冇人叫Tajine食
我就食咗個couscous，正常水準啦


嚟到摩洛哥點少得薄荷茶


夜晚7點準時返到去Marrakesh，係文明世界呀冇諗過返去一個咁落後嘅城市會係咁感動，即刻痾屎沖涼買冰凍可樂嘆下先
係呀去沙漠就算有廁所你都唔會想坐落去痾屎㗎
都係住返同一間hostel，同時收到第二朝Ryanair 去Madrid嘅通知話登機證要自己print，唔係就會收50蚊
好彩問hostel可以幫手print （歐洲好多hostel都可以print登機證，因為啲廉航玩法都係咁）
順便叫hostel幫我book埋車第二朝 6點去機場啦，都係公價 150 DH，起碼司機會入埋嚟接你出去唔洗自己半夜搵的士
搞掂好就出去行埋最後一晚

第一日去到Marrakesh嘅我對所有人都好有戒心，因為我驚比人煩住，驚比人呃，所以好多人我都直接無視咗
但係join完個tour見到唔少好嘅摩洛哥人之後，返到嚟Marrakesh我比第一日係會放開咗同啲人傾下計，最記得一個賣毛毯嘅哥哥仔，佢第一日撩過我我冇理佢，再返嚟之後佢又撩我，我諗住佢都係想做下生意話趕住返hostel，點知佢問我記唔記得佢，問我唔見咗3日去咗邊，淨係見過一眼佢竟然認得我
之後佢話認得我頂帽好中意所以認得我，可惜頂帽係女朋友送我唔送得比佢，如果係普通帽我絕對會送比佢，到而家我仲記得佢個樣，佢真係好nice遺憾嘅係冇幫佢影一張相



出到去Jemaa el-Fna Square又搵下野食
好多人對呢度啲檔評價好差，主要都係因為屈你比多啲錢
手法主要係：
menu個價錢你叫完佢計幾多人頭比幾多倍
比麵包/前菜配菜埋單先計你錢
有人過嚟打鼓唱歌又屈你錢

不過我想試下燒羊臉肉所以都係去試下
有人share叫成隻羊頭都得


睇落好恐怖咁其實都係同燒羊肉冇咩分別
切碎晒先比你，再比舊包你塞啲肉入去食
老細又比咗碟類似咖喱醬嘅野配埋食，好正要形容我只係可以講：係中東嘅味道呀


佢仲有做埋其他串燒


埋單就真係淨係收羊肉個價錢我記得佢係 3 號檔
老細好有禮貌咁問比tips，我都樂意比 15%嘅，因為個羊肉其實好平

食完經過每一檔都想拉你埋去食，我講咗無限次食飽佢地都仲想拉
好彩我行得快


又食多次蝸牛湯見到咁多本地人食就知穩陣



又飲咗杯草藥茶，即係青草茶類似夏枯草咁嘅野
相入面佢個兜嘅黑色野係一樣味嘅野但蛋糕咁嘅口感


夜晚嘅廣場熱鬧過日頭好多




沿途行返去買下小手信比自己留念


最後剩返幾十蚊散紙，去機場嘅車錢又比咗啦，食又食飽啦，諗住啲錢咁少又唔會唱返歐元，見到路邊有女人抱住BB乞食，（係咪即刻諗到支那呢？）比咗 50蚊佢，行多陣諗多兩諗，我留返最後都係唔知會塞咗去邊，走返轉頭塞晒剩返嗰啲比佢
係㗎我可能比人呃㗎，但係我覺得中東國家女人地位本身就好低，筆錢我最後都係會唔見，買多幾件手信又係塞落床下底，比佢捱多幾日搏個BB多個希望都好吖？
平時我都唔會比錢比乞衣，但望住佢我真係覺得應該要比我知我好天真好傻，你地即管鬧我啦
我會學香港政府咁樂於接受批評㗎

點解捐錢都要驚俾人鬧，連登仔應該唔會連做善事都批鬥掛。
Btw, 樓主寫得幾好～

西班牙真係好撚正
但淨係去過巴塞 啲嘢都唔算平
好想去西班牙同法國交界行山

樓主影得好靚

經過咗呢一年我都相信多咗好多香港人會樂意捐錢比有需要嘅人
不過喺香港啲假乞衣太多捐到潛意識覺得乞衣=呃錢

西班牙嚟講巴塞真係算比較高物價，你應該去埋最正嘅南部
我有諗過join個1-day trip去安道爾，但最後都係想hea下就放棄咗

溫馨提示： 下次quote可以用右上編輯引用功能cut咁啲先呀

屌sor

人一世物一世自己接受範圍內乜都試下嘛
炸昆蟲馬騮腦蝙蝠湯生老鼠呢啲就真係唔得啦
個camp好靚
有四驅車搞到我都想下次再去玩下Deluxe tour

唔緊要知你無心嘅

DAY 7 - 2020/02/07

摩洛哥嘅旅程話咁快就完咗，一早搭飛機去Madrid
其實我係想去Sevilla先嘅，但Marrakesh飛Sevilla要 90歐，飛Madrid只係30歐，咁去完Madrid再搭通宵巴士都得嘅

本身去好多國家都對首都冇咩興趣，因為首都通常係最感受唔到人情味嘅地方，而Madrid嘅景點我又真係冇咩特別大興趣，所以會喺Madrid留兩日，其中一日走去Toledo咁就夠晒

搭完飛機去hostel check in完都中午，又係搵野食時間，好似我去到咩地方第一件事都係搵野食咁咁我旅行嘅最大意義真係怒食同怒影相嘛

（Madrid機場出市中心比較麻煩，要搭程巴士搭兩個站再轉地鐵，馬德里地鐵要買張八達通咁嘅野先得，買完好似冇得退？佢都冇得就咁買單程飛）

間hostel一係等好耐搭𨋢一係行樓梯行到2046


行幾分鐘就到好熱鬧嘅Plaza Mayor


Plaza Mayor充斥住極大量拎住炸魷魚圈三文治嘅人食得好滋味聞到陣炸野味都流晒口水
呢個係我嚟Madrid 嘅最大目的呀好多間舖都有賣，我即刻狗衝去咗間比較多人排隊嘅


3歐一件，Subway 6吋三文治咁大個，入面塞滿晒新鮮炸起嘅魷魚圈，真係好滿，滿到你喺香港大排檔叫一碟都係差唔多咁嘅份量
因為好多人keep住買，所以係 100%新鮮即炸，我諗每一批炸完唔洗 10分鐘就清得晒
好！好！食！呀諗下喺摩洛哥食完堆非洲野之後第一餐就食到咁嘅人間美食，真係喊出嚟㗎
由於太吸引趕住食，張相求其電話影，個角度好似冇咩魷魚圈咁，但實物真係好多


買外賣又得，堂食飲住酒食又得，班local好中意逼到hihi咁拎住杯啤酒食lunch去到邊度嘅lunch時間都係咁嘅景況，最正係佢地放lunch都可以係咁飲酒

咁多人你叫我堂食我都唔知應該點食


食完三文治去埋Mercado San Miguel，以為會好似巴塞隆拿個市場咁，點知冇咩啱食仲要細好多同埋好逼



OK好彩已經食飽，走人，去Madrid唯一有興趣嘅景點，Royal Palace

西班牙係其中一個仍然有皇室嘅國家，不過呢個皇宮大部份時間都係唔會用，所以就開放比人參觀，印象最深係個飯廳，真係可以用金碧輝煌去形容（但入面唔比影相，所以冇圖我話夏蕙姨住喺入面都得）





其實比起其他國家嘅「皇宮」嚟講佢都幾細下，就係一棟建築物咁大
主要係靠入面嘅裝飾同design搭夠

隔離又係一個大教堂



Madrid 已經冇地方想去啦
跟住又係冇目的咁周圍行周圍影相





其實大城市嚟講Madrid都算係一個唔錯嘅地方嚟嘅，行落都幾舒服
不過同南部Audalusia比嘅話我諗大部份人都會選擇Audalusia

晚餐唔難搵地方解決，hostel樓下過兩個街口又係一間長龍 Taco店
點解咁長龍？因為佢所有 Taco 都賣1歐一件，啤酒1歐一枝，睇個樣搞手真係只求打個和
同美國食開墨西哥人整嘅 Taco 都冇咩大分別，咁嘅價錢冇得輸
食5件再搭枝啤酒夠晒，好滿足好爽



呢一晚本來係瞓得好舒服，點知半夜同房有條仆街個鼻鼾聲大到好誇張，好彩有個隔音earphone完美幫我隔晒

南部點正發？

利申：南部淨係去過直布羅陀，覺得超正。會再去。

lm 呢個行程原本3月頭去

上年6月去巴塞
去3日得1日落雨
偏偏落雨個日plan咗去sagrada familia同casa mila
上唔到塔同天台

我只係去咗Sevilla, Ronda, Granada,同堆隔離嘅美屬直布羅陀
每個城市各有特色，無論風景定建築都好靚
Ronda仲要日出去到睇到雲海
住同食平過Barcelona & Madrid
而且冇咁大城市，啲人都比較熱情友善
Granada 好似係西班牙唯一一個城市保留住叫野飲就送tapas嘅傳統

覺唔覺直布羅陀啲基建好似香港支那化之前

我地一齊集氣求支爆報呢個仇

Sagrada Familia 個塔冇咩野睇
但Casa mila個天台先係精華原來落雨唔上得？