武漢肺炎前最後一次旅行 - 西班牙+摩洛哥沙漠+直布羅陀

通常每個地方好似間Riad啲相咁執完一張就sync晒落同一個地方全部相㗎啦

好仔細，第時去可以再入番黎重睇

諗到都覺得震憾
係咪好臭

[navy]DAY 5 - 2020/02/05

終於出發去撒哈拉沙漠！打返少少沙漠tour資料比大家
我講嘅資料都係散客報團，如果你夠多人 （4人以上）可以報private tour自訂行程
基本上你想入沙漠最少要join 3日tour，會喺第二日嘅日落前到達Merzouga Desert，再騎駱駝深入少少睇日落，睇完日落就喺沙漠邊緣有camp，有熱食，有簡單嘅帳蓬廁所 （我估唔到佢地竟然整到坐廁）甚至有凍嘅紅酒可以買
第二朝睇完沙漠日出就直接揸 12個鐘車返去Marrakesh（或者你可以報團時要求沙漠之後去Fez，時間差唔多，想留耐啲沙漠時間又充預就報 4日5日團
我係經hostel book個tour，貪佢方便又唔會鳩sell我一堆野，同埋hostel要保住自己個名聲都唔會陰鳩你掛（應該？）

我book 850DH，同團（from其他hostel）團友傾返佢地800DH又有，900DL又有，去medina旅行社問都係咁上下價，差在佢地想食你幾多水

3 days tour
包嘅野有：第一晚住酒店，第二晚住帳蓬（情侶可以加錢住私人帳蓬），第一二晚嘅晚餐，第二三日嘅早餐，駱駝費，全程13人size Van交通 ，hostel接送，車上每個位仲有USB叉電（起碼我架車有），有WI-FI
基本上其他必要支出就係每日午餐同飲品，其實計落都幾平
司機唔會做埋導遊，佢去到每個景點就掉低你地，之後當地導遊就會走上嚟帶你地一路行一路講解，當然到最後會捽捽手問你拎tips啦

朝早6點出發，平均每兩三個鐘就會停一停比你落車鬆下腳同去下廁所
沿途景色都係咁上下，一片荒蕪，幾日嘅超長車程都足以令你同班團友熟絡



第一日得一個主要景點，就係摩洛哥好出名嘅一個千年古城Ait Ben Haddou
可以話係荷理活界嘅公廁，拍戲拍到爛嘅一個地方
近年最出名就係Game of thrones

我都想介紹多啲，可惜導遊個英文口音同團冇人聽得明最後佢仲要屈我地每人比 30定50蚊話係咩入場費，好賺過香港打工仔
（事後有個德國仔講返佢冇比到，因為佢走去同司機講話book嗰陣hostel講明一蚊額外支出都唔洗比，包括tips）
屌你其實根本冇入場費呢回事，如果自駕遊咪都係咁樣直行入城
同埋午餐方面要預咗一定係帶你去遊客餐廳，80DH 一個Tajine，20DH 一枝可樂，當然你自己帶野食都可以坐路邊食，好多人都咁做
我地團一去到油站士多就係咁買乾糧同水正宗backpackers慳錢大法



呢個就係個古城導遊


之後都係揸下車，停下，傾下計，瞓下覺





6點咁上下就到酒店，兩到三個人一間房自己搵人湊房，我同瑞典佬&英國佬同房
個瑞典佬走去痾屎發現個廁所啲廁紙係深粉紅色咁撚奇怪仲要沖幾次先沖得走
開水又要開住十分鐘先熱不過算鳩數啦都係瞓一晚


個個沖晒涼就夠鐘落去食晚餐，嘩！係一個大鍋嘅Tajine呀
仲有碗湯同麵包水果，大家都執走食剩啲麵包同香蕉第二日做lunch食


食飽吹下水就返返上房，可惜爭咁枝啤酒

DAY 6 - 2020/02/06

將會有大量沙漠相
早餐我都唔記得食咗乜野 淨係記得有奶有咖啡有橙汁，大家都猶豫會唔會飲完又要比錢嗰啲濕鳩野
因為前一晚佢問我地飲咩，大家都叫咗野飲最後要比錢
好彩最後係早餐飲野唔洗錢

接住落嚟又係一段悠長嘅坐車時間




中途經過咗一個柏柏爾族村落，又有導遊嚟帶我地
今次呢個英文程度高好多，吸收多好多知識，同埋佢都幾幽默氹到大家好開心，又記得晒大家國籍
到最後佢話比唔比tips都得，反而就大家都真心願意比佢

小故事講完，直入沙漠啦，一去到就即刻上駱駝，大概騎四十分鐘再行上一個比較高嘅沙丘就睇到好大片沙漠

唔同size嘅人會分配返騎唔同size嘅駱駝



去到沙丘前都係駱駝會行嘅範圍，所以你會見到啲沙仲係好多腳印同一粒粒嘅駱駝屎仲未係想象中咁絲滑起伏嘅沙漠







掉低駱駝上到沙丘頂駱駝人就舖好毛毯比大家放袋同坐


呢段時間大家就可以喺堆沙度亂跑啦，大概有一個鐘乜都影得夠啦











沙漠+日落，鳩影都靚








日落完就騎返駱駝出去個營地，營地都喺沙漠地帶入面但屬於好邊緣嘅位置


食飯喺個camp度，都係幾大煲Tajine大家share，又係有湯，包，水果咁
食到呢度大家都已經有Tajine恐懼症
食完飯就出去有campfire同打鼓唱歌，其他團嘅人都喺度share一個camp
打打下鼓大家無啦啦用鼓聲玩爭櫈仔


呢個就係瞓覺個camp，大概每左四邊每邊係一個帳蓬，一個團嘅人就堆晒落一個帳蓬入面，每人一張床，都OK好瞓嘅，起碼第二朝大家講起都話瞓得幾好


月光好大，試下影星光到仆街


半夜月落後日光前再自己起身出去影下，個camp好光要行遠少少
月落前，仲係光光地


月落後好好多但有幾片雲，右下個橙色光係月落唔係日出光


呢張影到埋流星，如果冇咗左邊片雲就可以見到銀河


影完呢張就收皮，日出光開始照光個天，走到返營大家都起身
執好野就準備食早餐
再出去瑞典佬指向個天講咗一堆我唔明嘅野
我望過去啦
見到有一隊十幾粒光點嘅飛行物有規律咁飛
到而家我都唔知嗰啲係咩嚟，飛機又唔會痴得咁埋
除咗外星飛碟唯一合理解釋應係係戰機群掛？
點都好啦，喺沙漠見到咁特別嘅野都值得講一世嘅

勁
Save低做.lrtemplate 參考下得唔得

巴塞

外遊撚

點樣整的 係叫咩功能 咩software
利申新手

個種灰蒙蒙既感覺係點拉的

好腥好膻 諗起都想嘔

我而家喺美國返工時間
收工整個簡易執相教學比你地
理解個執相原理重要過就咁拎個preset用
我以前都down過preset但始終覺得出自自己手同埋apply唔到落所有相
而家自己執都執到個樂趣同成功感大好多

巴塞要我長住我都制

呢條數要支爆先夠賠

香港時間聽朝會出教學
灰蒙蒙主要係拉曲線
但有時控制得唔好就會有層霧咁
我用開macbook執得好滿意，執到一半個mon壞左我搵個portable mon代替，執完全部過落iPhone睇覺得怪怪地
所以其實一張相放落唔同mon睇落都會有唔同效果

啲相勁到呢

教堂排咗幾耐

唔好quote咁長得唔得

12個鐘車程

Zurich 啲海關關員好閪

真係灰撚咗，一生人冇咩機會可以咁樣玩幾個月

連登攝台旅遊台都好多高手，我唔算得係咩啦
將好平凡嘅野影到可以吸引人睇先係高手

教堂排咗幾耐

巴塞隆那主教堂？
唔洗排隊喎
西維爾大教堂就排長龍，但好值