武漢肺炎前最後一次旅行 - 西班牙+摩洛哥沙漠+直布羅陀

真心嬲

真！覺得好似一個英國版嘅澳門咁。啲街道企理，市面又旺，仲要好鬼英式。嗰度啲人仲好有錢。環境咁正，好想再去！

本身做晒功課想去，但睇得多又冇晒興趣

另外想簡突尼西亞入沙漠，左真係搵唔到資料

同埋機票貴好多

但食慣咗西班牙嘅平野去到直布羅陀覺得好貴
隔個關差成倍

又唔好咁親身體驗係唔同嘅
突尼西亞正呀
但係下次再去非洲我會揀去坦桑尼亞行山

因為我見大部份遊記 都係 負評多

西班牙南部安唔安全？但物價又平過巴塞隆拿好多？

DAY 8 - 2020/02/08

對 Madrid 呢個首都我就冇咩特別大興趣啦，但係對住 Toledo 呢個中世紀時期嘅首都就好有興趣
只係個人喜好問題，我去旅行都係中意睇古城多啲
特別係成個古城都列為世界文化遺產嘅地方
因為呢個古城比羅馬人，西哥特人，摩爾人都攻陷統治過，所以混合唔同風格同宗教文化嘅建築都係其他地方取代唔到
就好似混合中英文化歷史同建築嘅香港咁，再多嘅上海澳門深圳海南島都唔會取代到 呢啲係由歷史沉浸出嚟嘅野

一朝早喺冇人嘅Madrid街頭遊走下影下相先








走去食Madrid最出名嗰間 Churro
果然同坊間流傳嘅一樣，同油炸鬼一樣，不過口感較為實多少少
點咗朱古力就好唔同啦，個朱古力極濃厚
點完之後仲有少少剩，試下就咁飲啖，唔係話好甜，不過就好漏



食完早餐就搭車去Toledo，搭火車又得，巴士又得
上網查過話火車半個鐘，巴士一個鐘，但我坐巴士都係半個鐘多少少就到咗（回程就一個鐘）巴士落車行去古城近好多

Toledo係一個將中世紀建築保留程度好高嘅地方，我基本上就係行入古城完全唔睇地圖亂咁喺巷仔穿梭，係真正嘅鳩行，呢度每一個角落都好有味道好值得影









行到去一個好似係最個城最高點嘅教堂
3歐入場費見咁平就入去睇下啦
歐洲真係個個教堂都有驚喜，我仲記得曾經係一個希臘冇咩人識嘅小島入過一間好靚嘅教堂








兜咗幾粒鐘又兜返去一開始上古城個廣場仔







廣場仔有得坐小火車由城中心去成個城外圍兜一個圈
一定要坐右邊 因為全程都係右邊睇個城

中間會經過個睇全景嘅位停十分鐘比你影相




唔記得影架小火車，不過真係幾值得坐，包埋個earphone比你插住有多國語言講解導賞
食個午餐之後見仲有時間，走去行路上返個全景位之前十分鐘唔多夠我影
而且搭小火車時見到停車之前一個位仲靚，所以行半粒鐘行上去再影過

首先要行過條石橋，呢度都係一個好靚嘅位



之後就順時針圍住條護城河一條路行上去
一路行一路影
我係強烈推介行上去雖然幾攰但個環境好舒服，沿途都見到唔少人行
（更加多嘅係揸車直上）






行返落去就差唔多夠鐘有車返Madrid，要離開呢個咁靚嘅古城啦


之後準備坐通宵巴士去Sevilla，不過因為半夜十二點先夠鐘坐
所以喺Madrid食埋晚餐先，我決定做一樣好大膽嘅事
「喺馬德里去酒吧睇巴塞場波」仲要係撐巴塞
放心，我仲未勇武到夠膽喺馬德里著巴塞波衫
見到有間Irish Bar有波睇，問個老細有冇播巴塞場波，佢話有
睇到巴塞入波我先發現原來其他食客都係撐巴塞


睇埋場波就去巴士總站搭通宵巴士去Sevilla啦
我係坐咩交通工具都可以瞓得好好嘅人，所以我只可以講一句幾好瞓
我嘅意見絕對唔係客觀評論1
不過通宵巴士/通宵火車一瞓醒就去到新地方又慳一晚住宿
係我去旅行最愛嘅交通方式

你指摩洛哥定西班牙？
西班牙我睇遊記去過嘅都評價幾高

摩洛哥呀 ,西班牙淨係睇波都抵

皮已正！早你少少，上年7月尾去！行程完全一樣都係西班牙、直布羅陀、摩洛哥，但路線差少少！諗返起上年今日我已經係巴塞，宜家就被困香港！武肺正hihi
btw 巴打影得勁靚

南部係幾安全Sevilla同Granada 夜晚都好多人好熱鬧
就算我天未光落車自己喺街喺巷仔行都覺得好安全
貴重物品放入有拉鏈 /有暗格嘅袋就OK
小偷度度都會有，最重要係自己做好多重保護等佢地想落手都落唔到

物價方面我好難實質咁講到比你知，但整體消費喺南部確實比較少
但如果隨便搵間小酒吧食野飲野嚟講
南部質素高好多，價錢都係 2-3歐一杯酒一碟tapas
巴塞隆拿就可能要4-6歐 （都會有平嘅，但冇話咁隨便就搵到）
最緊要前面都有講，係Granada 2杯飲杯啤酒已經會送tapas一碟，個份量同喺巴塞叫 4，5蚊碟嘅tapas一樣咁多，有幾間酒吧仲要專食海鮮煩tapas
去間cafe食個火腿包，巴塞大概3-4歐
Sevilla 2.x歐
住宿大概平 2-3成
好多人過去西班牙學西班牙文都會揀南部，貪佢物價低又好玩
喺Granada住間hostel入面大部分人都係長stay學緊西班牙文

咁我明你諗法，確實網絡上對摩洛哥嘅負評係講得幾中
甚至我喺美國踢波識個摩洛哥人佢都同意呢啲批評
如果喺其他國家去到沙漠嘅話摩洛哥又真係去唔去都得
佢城市有嘅面貌喺其他阿拉伯國家都搵得到

多謝你欣賞
睇到美斯踢波真係好好彩，plan遲少少去都冇咗呢個機會
無啦啦心血來潮去呢個trip真係完全冇行錯

可能開放強國免簽搞到咁
不過摩洛哥機票平 同方便

Barcelona我喺hostel都聽到兩個roommate夜晚出去飲野比人偷咗電話
我成日都諗如果比人打劫，我只係會求佢比返相機張memory卡比我

Haha! 巴塞我去左兩次都夾唔啱去魯營朝聖，不過西班牙真係一個好地方黎，留個憾再返去闖蕩過

呢樣唔關支那事啦，睇啲遊記佢個朵臭咗好多年
同印度一樣，本身啲人太窮，見到遊客就覺得佢地係有錢人，西班牙同法國人都好中意得閒無事就過去渡假
所以佢地會用盡所有方法去賺班遊客錢，政府又完全唔走去管
搞搞下佢地就發現新玩法：
收遊客價同本地人價
同埋做每一樣野都係覺得你應該比錢佢
同支那一樣，政府嘅垃圾無能令人民都變到無恥

下次我要夏天去Mallorca
求其Google搵幅相都見到啲水質靚到仆街

感覺太重filter, 令你影咩都係呢個氣氛

我都知但執慣咗而家執咩相都自動向同一個方向執


打算一個風格玩到熟晒先試下攻去另一種風格

本身入嚟真係睇遊記，睇睇下開始為咗睇樓主啲相先LM
(因為冇去過西班牙，又幾中意呢啲風格嘅相)

BTW 見到樓主上面有提過去希臘小島嘅教堂，唔知之後會唔會有機會可以再分享多啲呢？

成個balearic islands 包括majorca超多英國遊客
sevilla- cordoba madrid 個邊夏天好似係全歐洲最熱
依家好似38-40 度