武漢肺炎前最後一次旅行 - 西班牙+摩洛哥沙漠+直布羅陀

好似主要喺Malaga取景
但屌你老味套野去到最尾一集個劇情先真正開始
又要等成年先有season 2

如果唔出意外就會係2026
唔知武肺會唔會搞到延期

DAY 15 - 2020/02/15

十四個鐘通宵車又唔係好難捱，因為隔離冇人坐所以我係用兩個位嚟瞓
落車係好精華準備好睇波，仲好肚餓...
唔緊要仲有幾個鐘時間，喺車站附近搵間野食先
order完先發現...好似間餐廳全家都係中國人
但係佢格局裝修得好local，佢地又講加泰文，既然佢地都融入咗當地我就唔當佢地中國人啦
野食質素就...唔係好食唔係難食咁囉

今次會喺巴塞隆拿住三日，頭兩日嗰間hostel 幾好住，所以過返去住
間野係Yeah Hostel Barcelona
check in完就趕過去魯營再一次睇波啦，又係一場 2：1嘅比賽，又係睇唔到美斯入波慶祝
值得一提嘅係歐洲睇足球氣氛真係正到爆，一大班人一齊搭地鐵一齊行去場館，場館外又有啲射波攤位4個人鬥射波，最高分有獎品
幾個月前喺美國都睇過兩場NBA，氣氛都係好但歐洲足球仲高一班

最緊要係NBA 坐半山頂位要三千幾蚊港紙，睇場巴塞先 800港紙可以坐最前，仲未計入場買野食喺美國貴到喊






夜晚返hostel 食野，因為呢間hostel 每晚都有 10歐 set dinner，每晚menu唔同，有湯，前菜，主菜，甜品，Sangria 任飲
如果中意落club 玩嘅話佢每晚都仲有night tour帶大家落唔同club 玩
（但我聽講同hostel 有兩條友呢幾日都去玩嗰陣比人偷電話）

食飯地方好細，所以一定係同人share 枱一定傾到計，有個加拿大仔聽到我係香港人佢話好佩服香港年青人企出嚟嘅勇氣
之前仲識過一個愛爾蘭人話自從香港人2019 年出嚟同國際大聲嗌完之後佢就好明白香港＝/＝中國，佢都想愛爾蘭嘅年青人好似香港人咁樣政治覺醒
我地嘅努力其實外國係好多人見到㗎

原本今年就係想趁佢隧道未用去睇

食飯地方好細，所以一定係同人share 枱一定傾到計，有個加拿大仔聽到我係香港人佢話好佩服香港年青人企出嚟嘅勇氣
之前仲識過一個愛爾蘭人話自從香港人2019 年出嚟同國際大聲嗌完之後佢就好明白香港＝/＝中國，佢都想愛爾蘭嘅年青人好似香港人咁樣政治覺醒
我地嘅努力其實外國係好多人見到㗎

好有同感
我咁啱69 612嗰陣都去咗歐洲
嗰陣啲人仲問我點解香港人要上街
點解咁多tg
到我一月頭再去佢哋好多都知香港發生緊咩事

DAY 16 - 2020/02/16 part-1

經歷過入唔成Alhambra 次後，今次我醒咗啦
搭通宵車去巴塞隆拿嗰陣買定Sagrada Familia 聖家堂嘅飛
都係啱啱好買到呢一日咋 唔係要走去買黃牛飛
預約咗中午入場，朝早有時間join 咗hostel 個free walking tour

Walking tour 全程喺Gothic Square 度行一路行一路由一個Catalan tour guide 同我地講Catalonia 加泰隆尼亞嘅歷史
最深刻係Catalan 有一句說話
"We will never surrender! "
（係誇大咗嘅，歷史上佢係係有投降過，唔係而家都唔會有加泰隆尼亞人啦）
由古代到而家佢地個城經歷過好多次嘅入侵，每一次嘅入侵佢地嘅戰士都會戰到最後，甚至同毛澤東同時期嘅時侯西班牙都出咗一個大獨裁者佛朗哥將佢地打壓到語言同文字都禁咗十幾年，自治權冇咗 （同香港咁撚似嘅？
）但係佢地靠住民族性都保留得住自己嘅文化傳承落去，而且復興到近年嘅獨立浪潮越演越烈。
呢個tour 短短三個鐘唔足以令我了解所有歷史，但身為一個處於抗爭時代嘅香港人，我吸引到嘅訊息絕對係啟發到我好多嘅，我出呢個遊記嘅原因好大程度都係因為呢堆歷史
黑暗時期可能會好長，但唔會有永遠嘅黑暗
巴塞隆拿有一堆好與別不同嘅建築，（出名嘅都係出自高第啦）
其實全部都係出於 19世紀晚期到 20世紀初期嘅新藝術運動，呢個運動嘅目的係想構建一個有自由有創新思維嘅加泰隆尼亞，即係光復加泰啦... 點知誤打誤撞透過呢個運動仲更加構建咗加泰嘅民族性

導遊話佢自己政見唔講啦，但我睇得出佢好自豪於身為加泰隆尼亞人
而佢地都好多家庭係政見唔同（親西同支持獨立）
呢個碑上面係一個永不熄滅嘅火炬，紀念巴塞隆拿圍城戰犧牲嘅士兵
香港都好需要有類似嘅野


Self determination is a right, not a crime


掛自己想掛嘅旗，擁有自己政見嘅自由


Gothic Square 除咗出名嘅巴塞隆拿主教堂，其實仲有一個冇咗出名但都好有歷史嘅教堂 Basílica de Santa María del Mar 海洋聖母教堂，導遊話呢個係佢最中意嘅教堂，將來結婚都要揀呢度結
曾經經歷過地震，發生過大火，入面嘅壁畫同雕刻都燒到冇晒咁滯，但座教堂仍然屹立不倒，點解呀？因為唔係Made in China呀
可能係因為呢庭教堂係當初加泰隆尼亞人為咗祈求航海安全，建造教堂嘅每一舊石都係由海邊人手搬過去起咗幾十年先起好，咁有誠意連個天都唔想毁咗佢
（利申：無神論）




完咗walking tour 就散場，去成個旅程最期待嘅 Sagrada Familia
導遊係唔收錢但其實個個都有比 10-20歐tips的，事實上我個人覺得都好值得比 20 歐，個tour 我太專心聽所以冇咩點影相 同埋太長，我都係將最深刻嘅打出嚟，其他歷史野都係等巴絲們有心自己去發掘下

因為太多相同字，又要拆兩個post

係 個機場平交道十足十 四五年代既彩虹道

一有飛機起飛就閘住d車唔比過

原來諗住今年去 點知撞正武肺

唔知到時起左隧道 停用左未

原本今年就係想趁佢隧道未用去睇

我都唔知佢會起隧道
不過我都唔見佢有飛機起飛降落見到就正

612 616個畫面外國睇真係好震撼
之後中大理大真係恐襲級數嘅頭條

DAY 16 - 2020/02/16 part-2

Sagrada Familia 聖家堂，喺我心目中係人類歷史最偉大建築
由1882 我太公都未出世起到2020 都仲未起完（預計 2026 完成），最勁係佢個設計係百幾年前，到今時今日我仲覺得佢內部設計好有「未來教堂」嘅感覺

外觀上分為三個立面，誕生立面，受難立面係已經完工，榮耀立面仍然建造緊
每個立面都係一個截然不同嘅風格
誕生立面 Nativity façade 係表達耶穌嘅出生
受難立面 Passion façade 係表達耶穌嘅死亡
榮耀立面 Glory façade 係表達耶穌嘅成神？
理論上榮耀立面將會係最神聖偉大嘅設計，所以我都好期待最後完工個樣

我係一個無神論者
但我真係好佩服成個建築嘅複雜細緻程度，絕對係令人嘆為觀止

誕生立面 （老實講以前睇相睇聖家堂我心諗就係一棟極大型嘅爛蓉蓉教堂我錯得好緊要，現場睇真係好震撼人心）







受難立面








工程進行中嘅榮耀立面


一入去入面...不撚之得了真係可以用神聖嚟形容，好大，仲要好靚
I can't find the right words 去形容啦sorry，睇相啦
sorry睇相都唔夠呀，我唔夠技術影到現場個震撼感呀，去現場睇啦
內部介紹唔多講啦，入到去每人可以拎一部機聽住做導賞，有多國語言選擇











就連馬賽克玻璃窗都設計得同其他教堂有明顯分別








買飛時係會買埋上其中一邊塔嘅塔頂，我覺得唔太重要，因為塔頂我覺得冇咩睇放心有電梯，不過要行樓梯落返去



經歷完比Catedral de Sevilla更強烈嘅心靈感撼之後，離開咗就去外圍繼續影下，真係好大座




睇到咁上下就去搵野食，去個tour 導遊介紹嘅一間平價連鎖店 100 Montaditos，佢話星期日去乜野食野食都係 1歐
又唔係全部，不過真係有幾十款選擇，就算大杯裝啤酒都係1 歐
（碟燉肉配薯條就好似2 歐）



最大問顯係呢樣冇英文㗎，你要用半個鐘喺Google translate先，之後仲要自己寫單喺紙度再去cashier 比錢同嗌野飲，店員英文都好有限


食完行路返hostel，經過 Casa Batllo，都係出自高第
喺Case Mila 同 Batllo之間我揀咗 Mila 最後一日去睇
Why not both? 係窮呀DLKH
夜晚食豪少少，呢間海鮮店係計重收錢
你可以每樣海鮮逐隻叫，佢再秤返重收你錢
識西班牙文可以自己決定煮法，唔識就佢都廢事問你直接幫你決定埋
幾好食最緊要夠新鮮


之後就係最後一日啦

有冇完成海鮮圖

btw,Casa Batllo正好多,兩個都2X歐,貴到仆街,但BATLLO正太多

btw,冇去聖家堂對面小公園影倒影?好正喔,日夜都係

肺炎前最後一次旅行都係去摩洛哥

個倒影最後一日朝早再去影好靚
海鮮圖：

仆街武漢肺炎

呢幾兜幾$
望見都新鮮

唔係好記得
唔計個湯同啤酒就總共少過10歐

都幾平

巴打我睇咗最尾嗰場
倫敦巴塞倫敦

聽講提子國食海鮮仲平

最尾嗰場應該武漢肺炎已經開始爆緊？

DAY 17 - 2020/02/17

歡樂嘅時光永遠都係過得好快，已經嚟到最後一日啦
天未光就出咗去搭巴士上 Park Guell ( 高第嘅遺作老是常出現）
因為聽講朝早開門之前係可以任出任入 （冇閘㗎）
開門前入到去就可以免費留喺入面慢慢睇
諗住6點幾應該冇咩人可以盡情影啦，點知一去到...好撚多日本韓國後生仔女
多到呢個招牌位影合照要排隊影
最慘係個公園有一半範圍搭晒棚維修，真係大煞風景好彩係免費咋，唔係實叫佢回水呀



冇咩好睇，兜個圈影幾張相就走







之後慢慢行落去Sagrada Familia 個公園，中間經過間coffee shop 又食個早餐


去到Sagrada Familia 影下倒影，啲水唔夠平靜


喺個公園見到有班維園阿伯咁款嘅人玩緊一種球類遊戲
玩法大概係放粒好細嘅紅波喺中間，再輪流用一條有攝石嘅繩攝住粒鐵球飛去撞到粒紅波，眼見miss 嘅機率係 100%
個個 fing 嗰陣隔離嘅人仲會口upup講一堆大道理，最後親身 fing 咪又係miss


最後一日，想去返Gothic Square 再睇下，成個Barcelona 最中意就係呢度












lunch 喺 La Rambla 度一間歐洲連鎖中式快餐 Wok to walk 食
佢做法你你自己寫單揀麵，揀配料，揀醬，佢就執好一兜過炒比你
做野嘅全部都係一堆造型好有個人風格嘅後生仔女，但炒出嚟又幾有鑊氣，而且佢呢個經營模式好有效率，大家喺歐洲旅行如果有思鄉病又見到不妨一試，價錢都好抵 （摩洛哥都有佢分店）

再慢慢行去Casa Mila
中間經過FC Barcelona official store入去睇下先




表達政見嘅自由




Casa Mila 都冇咩好介紹，都係睇下高第嘅設計我諗睇完Sagrada Familia 之後都應該真係冇建築物可以再有咁震撼嘅感覺















嚟到呢度成個trip 就真係完結啦
但係仲有一大堆散紙剩低，又第二朝 9點機先走
於是夜晚就係咁食係咁飲要用晒堆散紙咁，順便把握最後機會試多啲野食

第一間：麻麻地嘅燉肉＋田螺，好奇怪嘅配搭


第二間：Casa Mila 樓下一間睇落幾高級嘅酒吧，但睇價錢又唔係好貴喎
個炸魷魚圈配墨魚汁幾特別




第三間：Hostel 樓下一間日日排長龍嘅拉麵舖
如果唔同日本比較嘅話係唔算差嘅，仲有啲番紅花食下
但如果你自問食過日本好多拉麵，呢間唔會入到你眼


最後好滿足咁返返hostel 瞓覺一個仙都冇剩，剩返啲大紙就唔拆散啦，完

---------------------------------------------------------------------

好多彩大家咁有心睇我篇遊記，嚟緊好快會兌現承諾出希臘遊記
（好似連登冇咩人出希臘遊記咁，呢幾日如果大家見到喺旅遊台有希臘應該都知係我出）
同埋會出個post pin返每一篇個位置方便追返
有興趣嘅可以睇住希臘遊記個上半篇土耳其篇先

[極多圖遊記]N前年土耳其乜都唔book就出發之旅[多貓]
- 分享自 LIHKG 討論區
https://lih.kg/chfcrS

每日幾百

岩岩追完，之前睇土耳其已經覺得樓主啲相影得好靚，番名睇希臘啲相

本身諗住6月去西班牙同摩洛哥，睇來有排都去唔到

睇下今年內啲疫苗有冇伏
下年去返旅行有希望嘅

Btw原本應該已經出緊希臘遊記但係...
大家用啲時間努力打網絡國際線啦