[穿越/愛情]《我同鍾意咗十一年嘅人表白,佢竟然跳海死咗》(6)(大結局+外傳)

1001 回覆
329 Like 5 Dislike
2020-07-22 23:44:21
等1秒都嫌耐
2020-07-22 23:44:51
矢久保美緒絲你嚟啦
2020-07-22 23:45:06
嚟啦!! 大家諗定睇唔睇文
2020-07-22 23:46:24
2020-07-22 23:47:28
(八十二)續二
紅鞋踏出。

走出來的,卻是一個美豔的中年婦人。

她看見了我一臉驚呆的樣子,不禁笑了笑,然後說:「你就係阿軒,啱啱講嘢嘅人係你?」

我仍未搞清眼前這個婦人的身份,但也以「嗯嗯」兩聲來回答了她的提問。

「我成日聽阿囡提起你,原來就係你。」婦人笑著點點頭。

這樣一聽,我才記得這婦人是阿晴的媽媽。

我與阿晴認識雖然多年,但因為她的母親長年工作,所以我並未曾見過阿晴的母親。

而僅有的記憶,也只是在以前阿晴的婚禮上見過幾面。

「啱啱講得幾好啊,我幾鍾意你講我嗰part,幾有孝心。我自己都無諗過個囡原來會覺得有壓力。」阿晴母親滿不在意地隨心一笑,反而是我臉上一紅,心中慶幸在剛才的話中沒有多說阿晴母親的壞話。

「阿晴爸爸好早就死咗,身邊無咗一個最愛嘅人陪伴嘅感覺,我係明白嘅。」阿晴母親仍然淡雅地笑著,但嫣紅的妝容下卻掠過了一絲苦澀:「我想我個女可以幸幸福福,而我亦都唔係一個傳統嘅人,唔係話因為準備好要結婚就一定要嫁。我唔知阿晴最後會點揀,不過,好多謝你咁錫我個囡。」

聽著阿晴母親的說話,我心裡又是感激,又是欣慰,只能以一下點頭來表達我的謝意。

「阿晴喺入面,我相信佢消化緊你所講嘅嘢,如果你想知佢嘅答覆,你可以試下敲門嘅。」阿晴的母親說完了這一句,就轉身走向洗手間了。

這個時候,只剩下我面對著虛掩著的新娘房門。

我感受到,我的雙手正在微微發抖。

這次,是真的因為緊張而抖動。

決定命運的答案,此刻就在門後。

就在這刻,我感到我的左右肩膊上搭上了一隻手。

而有兩個人,也同時來到了我的身旁。

九公、蕭揚。

他們兩個向我展露了一個心照不宣的表情,然後同時向房門拋出了一個眼神。

我心中滿是感動地向他們笑了笑,然後舉起了手,準備敲下這影響命運的門。

突然,一陣尤如閃電般的劇痛在我頭腦中傳出。

這痛一發不可收拾的於我頭內擴展,讓我忍不住雙手按頭,慘叫了一聲。

「無事嘛?」蕭揚一見,緊張地扶住了我。

可是我頭崩欲裂,嘴裡說不出半句說話,只痛得整個人跪倒在地上。

這時,我想起了天使在穿越前所說的話:「即使我哋可以估呢啲小事嘅影響未必會令到你完全失憶,但同樣地無人知,到底呢啲小事會對大腦嘅影響有幾嚴重。」

我想,現在頭腦中的劇痛,正是來自於歷史中對大腦的衝擊。

我不知道這衝擊到底會為我帶來什麼程度的影響,但我知道,現在是我唯一可以聽到阿晴回應的機會。

所以我一手按住頭頂,然後將因為劇痛而顫抖的另一隻手慢慢伸到新娘房門前。

「咯」的一聲,我的手完住使不上力,只能在門上輕碰了一下。

但與此同時,我感到有第二道閃電在我的頭腦中橫空出現。

這次我還來不及慘叫,只能悶哼一聲,然後摔倒在地。

耳邊九公與蕭揚的叫喊聲,或是其他人的尖叫與走動聲都逐漸息微著。

我知道,這代表我的意識正在溜走。

我的眼簾也變得愈來愈重,而頭痛使我更難支撐著它。

就在我的雙眼完全閉上之前,我看見新娘房的門打開了。

從我臉貼地上的角度,我只看到一對繡花鞋跑了出來。

然後,我便墜入了無盡的黑暗之中。
2020-07-22 23:50:43
係咪緊張到暈左ja
2020-07-22 23:51:34
無食野 血糖低哦
2020-07-22 23:51:40
咁大個仔都未表過白,係會緊張少少嘅
2020-07-22 23:52:05
仲有冇多啲
2020-07-22 23:52:08
所以大結局就係:
一齊BBQ 食飽就無事
2020-07-22 23:52:22
今晚無啦 要等聽晚大結局
2020-07-22 23:53:10
咁快大結局
出書一定買
2020-07-22 23:56:15
終於嚟到最後一個post(如果大家唔推得太勁嘅話)
所以我決定呢個Post暫時唔再用正皮加更住
因為反正聽晚都係大結局啦

不過樓主我都有一個小小嘅請求
雖然今次無咗加更
但如果你真心鍾意呢個出咗就快兩個月嘅故事
歡迎你用正皮去話我知
呢個對我都係好大嘅支持去寫下一個故事
2020-07-22 23:57:05
其實唔快啦 都就快兩個月
不過多謝你支持啊
有一定會通知大家
2020-07-22 23:58:43
之後阿晴冇死到 但主角失晒憶淨係唔知阿晴係乜水
2020-07-23 00:01:04
如果人生可以重來
2020-07-23 00:02:00
忍唔到手睇左
加油呀!阿軒唔好頭痛聽晚要happy ending啊
2020-07-23 00:06:26
到阿軒死咗, 阿晴穿越
2020-07-23 00:14:19
最後兩個一齊做天使
2020-07-23 00:20:32
waaaaaa呢個ending寫完可以賣刀片
2020-07-23 00:20:46
我都想
2020-07-23 00:20:56
聽晚再睇啊!!!!!
2020-07-23 00:21:10
世紀無限loop
2020-07-23 00:21:26
Penana係會快半步嘅
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞