屋企叫我買而家住緊既公屋，諗得過？

樓主有無用綠表抽鑽石山居屋？
如果抽中就正
賣返出去貼少少錢可以買兩個大西北舊居屋細單位
到時你兩老同自己都有層樓

其實買返嚟，有價無市。
日後屋企滲水，維修等等唔會有房署幫你搞。
只可以靠業主立案法團，但公屋嘅法團只係一班無知識無學歷同民建聯打龍通嘅廢老。

所以自住嘅，就千祈唔好買！

買左而家果到, 寫你父母名.
結婚咪自己搬出去再買另一間寫返自己名囉.
你月入4萬,供果5千算小事啦.
大吉利是父母第時百年歸老,你又有多間屋, 租出去又好, 俾仔女又好, 無壞架喎.
租置屋基本上唔會蝕.

就算交雙倍租都係三千，交咪交囉

你咁講係第三世界國家可能係富豪添

唔買：你自己繼續儲錢將來搬，佢哋繼續住繼續俾租到走都唔洗搬

買：可能有錢賺，但層樓賣唔賣，幾時賣，賣完錢點分同兩老住邊，呢堆問題而家要傾定有共識
否則不和收場居多

冇諗住一齊住咁買嚟做咩
八十幾萬係銀碼細
但呢舊錢係要壓幾十年
而且距離儲到首期上私樓自己住又遲多幾年
到時你/另一半又可能過曬適婚/生仔年齡

四萬當自己中產

正解，好多人覺得5k好少
但樓主急住會首期買樓同老婆住，呢5k就好多

窮撚思維係咁, 一買左就要住過世, 唔會識諗樓換樓

首先分析下樓主背景先啦

1) 你買左之後, 假設你賣左賺一筆黎換樓
都唔代表你可以用賺既錢, 一開二
代表你要繼續同家人同住

但如果留番間公屋,
第日有首期自己買私樓
呢個先係真正既一開二
(我唔明點解月供1800, 搵4萬都儲唔夠錢買樓, 唔好下下睇D 600萬+啦)

2) 你既人生規劃係點
幾多歲?
我無記錯你買左TPS, 即係租者置其屋計畫既樓
係要綁5年先可以賣
你覺得呢5年你有無機會買到私樓?
或者想搬屋?
如果有既, 你要考慮下買, 但係唔落你名既可行性

3) 你文中提到既有一個錯處
房署而家係想將「租者置其屋」既屋邨, 淨低未賣既賣撚晒去
因為而家一棟樓入面, 有D賣左, 有D未賣
涉及N多問題, 業權, 保養, 維修, 太麻煩
所以而家如果有個公屋未買單位, 個人搬走左
都唔會放出去比人租, 會放出去賣

自己諗諗

你唔識唔好亂講啦.....
真係笑你ON9嫁咋...
20-40萬 , 買左賣出黎最少都兩百幾萬
真係有咩需要諗

巴打 間屋幾呎

ON9 , 公屋係綠表市場嫁啦

買咗公屋住住下就一世啦喎

冇得上流做中產

換個角度問下自己
如果你每個月只搵到萬零蚊
你會唔會買?

一個好既決定唔會因為你收入幾多而變質
怕冇左首置咪用父母個名買

樓主月入40k都仲可以同兩老住公屋
一係兩老搵得少，一係富戶
如果兩老搵得少，樓主應該比好多家用
儲唔到首期上車都正常

結論：窮人生仔

中產定位係月入40000

梗係唔好啦，公屋租就好
唯一好既係張綠表