結咗婚十幾年，好似已經唔太愛。//《相愛十年》

原來女人都會入聖人mode

自慰嗰度好中

樓主加油 成個故都好有共鳴

寫得好好 一次過追晒
嗰種淡然嘅文字睇到有啲寂寞-
Life is made up of small things
支持樓主

唔好係第三者啊！

可能因為這樣，她總是和朋友保持距離，她不願意承受多一次世界觀崩塌的酸楚。她與人和善，只是少了幾分親暱；樂於做朋友的樹洞，只是不和人分享太多心事。她自信、外向，可以和不熟稔的人侃侃而談而不露怯；同時自卑、孤僻，侃侃而談時，常希望盡快結束對話。


好似好似我

推

好好睇好有代入感 樓主加油

推

絲打你好，其實就算p牌推唔到，但見到你留言都係好好好開心

嗯嗯。我明白！我會覺得有好多嘢都唔係由自己決定，出身、成長，你媽媽好好因為佢唔希望你同佢行同一條路？或者唔想你有遺憾，人生短短數十年咋，唔好後悔如果媽媽嘅人生係不由自主，咁相信佢都希望你哋開心快樂自由

思思家人都對佢好好，都係同佢講「人生自決」，慢慢，我都認同以及理解呢種諗法，所以思思自問就係頹廢都唔會頹到100分，可能頹到80就收咗皮我諗，如果真係有正面影響，咁係呢樣。

加油祝福你同你嘅家人

咁多人推心置腹，
證明樓主你真係寫得好好。

樓主加油

遲咗但留名 永遠期待樓主

我諗都係 所以自己就算頹 都唔會頹足100分 會自我約束 唔想令呀媽覺得佢俾咁大自由度俾我係壞事 唔想佢失望。
多謝你呀樓主 支持你寫文

一口氣追哂
好寫實 雖然宜家未有另一半 但會諗到好長遠 好怕面對以後既生活 大家只係變成習慣左大家 冇左愛

十三、紀念碑

回家，阿朗打開手機。

「阿朗，我係Fiona，好耐冇見。」

「係。」

「下星期六，肥仔傑約咗同學聚會，會唔會嚟？」

原來有同學會，阿朗不知道。

「唔啦，佢哋冇叫我去。」

「緊係啦，佢叫我負責通知你嘛，宜家我咪邀請緊你囉;p。校服主題喎，摷番當年嗰件出嚟啦><」

Fiona、校服、同學聚會、中六甲班。

中學時期的回憶在手機屏幕映出，佔據了阿朗的瞳仁，他想起了無數個校園時刻。

原來，距離坐在中學班房聽課、食零食、睡覺流口水，已經差不多六、七年。以前，他是班中受歡迎的一群——成績唔錯、肯俾功課人哋抄、識玩吓運動、講嘢口臭搞笑但又肯幫吓人，人緣好，不論是之於老師，抑或同學。

他有些懷緬那段時光。

「老婆，我下星期六會去同學會。」

「哦，好，着咩衫去？我幫你燙啦，靚靚仔仔咁去吖嘛。」

思思本來想問——你個Ex會唔會都去？你哋係高中同班同學，佢應該會到……但中學青蔥已成前塵往事，她不想顯得自己太小氣。

「佢哋話校服主題喎，好癲，不過我都冇得着啦，抌咗咁耐。企企理理一件Tee就得啦。」

阿朗想像，如果其他人以過熟長相，穿上稚嫩校服，其違和感令他忍俊不禁。

思思想的則是，女同學們會否以純情學生妹之姿吸引阿朗。

「如果真係要飲酒，唔好太醉呀。我等埋你先瞓啦。」

不論如何，阿朗答覆Fiona：「好。」

- - -

當日，阿朗到達約定地點，卡啦OK房。

剛剛下車後，落到地面，竟然有些緊張，暗忖自己的外型應該沒有太大變化，只是比以前黝黑和精瘦；連忙對着路邊私家車的倒後鏡，整理一下頭髮，難得用了少許髮泥。

他打開K房：「Hi，好耐冇見。」

其他同學見到他，一併歡迎：「C朗！好耐冇見。你做咩唔着校服嚟呀？」

阿朗是足球校隊的成員，改花名，當然要沾球星的光，他已經很久沒有聽過這個暱稱。

「痴線，都咁大個人啦，扮咩純情學生哥，你哋都冇着啦！」

阿朗心想——好彩我冇心血來潮走去買校服着過嚟，如果唔係實俾佢哋笑我柒。

他們熱絡地講些粗口，互相問候，所謂死黨，就是「屌來屌去」的一種情義，不能和女生解釋，她們會問，他們是否想做對方的父親。

房門再被打開，進來的是身穿校服的Fiona。

同學見到，立刻歡呼，尤其男同學，因為Fiona的校裙長度只及大腿，如果走在校園，會被禿頭的訓導主任記名。

「哇Fiona，冇見咁耐仲係咁靚女。」

「Fiona！有冇拍拖？」

「你個手袋好靚喎，借嚟望吓得唔得？」

男同學已沒有當初害羞，更願意向中學女神打趣。

阿朗和Fiona和她對上眼，微笑，沒有說話，自顧自和別人聊聊天。

人齊，只得幾個女生穿了校服。

幾個女生說：「又話校服主題，連搞手都唔着！」

肥仔傑不可置否：「我邊着得落呀，似你哋咩，身材冇點變過。」

不知在稱讚和奚落誰。

之後，就回憶起中學舊事，而內容，可能和三年前出來聚會時相差無幾。

「當年中文個Miss，堂堂都淨係識叫我哋讀課文。教呢，就喺度係咁直譯，我唔識自己查字典咩。」

「咪臭係，我哋自己出埋佢份糧都仲得啦。」

「你啊？唔多得囉。喂喂，有冇人記得大舊軒有次上堂食嘢俾人捉到正一正？」

「我！笑死，李sir叫佢放低隻手，佢仲死都要遮住個嘴十幾秒，打開個口，勁大浸魷魚絲味。」

「超，你哋好彩先冇俾阿sir捉到咋嘛，明明lunch time喺課室打邊爐大鑊好多囉！」

「係，仲要個個都同Miss Chan講啲味係出面傳入嚟班房。明明我哋學校咁僻，邊有人打邊爐打出咁重味，連學校都聞到喎。」

「其實Miss Chan一定知囉，佢廢事罰我哋啫，之前上上吓堂，有人部電話喺度響，我哋就喺度咳咳咳；佢會聽唔到電話聲咩，我哋突然咁kai……」

「我記得呀，大大聲喺度唱『假使我漂亮～性格縱使不吃香～如明星賣相～』部電話係阿May㗎嘛。」

「唔好笑我啦——咁我當時俾仔飛吖嘛，佢走寶啦！」

May用眼珠指一指右方的峰仔，饒有意味地揶揄他。