結咗婚十幾年，好似已經唔太愛。//《相愛十年》

好好睇 但feel到會轉sad

追晒，寫得好好，好有畫面

小弟新婚冇耐，諗緊小朋友嘅問題，睇到呢度真係想食口煙先

祝福唯有希望記得「何解初初都是漂亮」

祝福絲打如果可以揾人講吓，唔好屈埋
多謝你

加油

思思同阿朗都係我bb，可以嘅話想寫個結局

祝福巴打辛苦哂啦

睇晒 樓主文筆幾好 睇到有啲感慨
幾時有下一篇

多謝今晚有

夫妻？

情侶

祝福咁都捕獲到

我share俾佢睇，佢都一齊追 支持樓主

「我記得呀，大大聲喺度唱『假使我漂亮～性格縱使不吃香～如明星賣相～』部電話係阿May㗎嘛。」

「唔好笑我啦——咁我當時俾仔飛吖嘛，佢走寶啦！」

May用眼珠指一指右方的峰仔，饒有意味地揶揄他。

「Sorry囉……之後咪同你認哂死狗咁，係你唔理我咋嘛。」

峰仔頹然反駁。

在場的其他人不禁回想起，甜蜜的粉紅泡泡曾瀰漫他倆的前後座位。

「邊個叫你咁衰喎，追第個！先唔咁易原諒你咋嘛，點知你咁快就冇揾我喎，少少誠意都冇……」

May委屈，她想起以前，期盼等待峰仔的道歉；她暗忖，最少不理他一個星期，怎知道，當她正打算原諒他時，他卻沒有再找她，只留下一句「對唔住，但我真係冇追其他人呀，你誤會咗啦……」。

「阿May姐，我點知咁多啫，見你唔理我，我就真係覺得你唔想再到我、唔想再同我一齊呀……而且我都冇追第個！嗰時會考日日落自修室，係佢係咁揾我咋！我都冇理佢！你離遠見到嗰次，係佢話暈，我先冇掟佢走咋！」

阿朗默默點頭，他所認識的峰仔正直誠實，應該不會背叛May；如果真的背叛，也不會厚着面皮地自辯無辜。

「咁你又唔講？」

May語帶哭腔，不知道在為什麼悲傷。

「講咗啦！你話你唔聽咋嘛……」

峰仔嘆氣。

眾人面面相覷，這一個「憶當年」的戲碼突然改劇本，殺他們一個措手不及，他們淪為臨時演員，此刻都克守本分地不做搶戲之舉，乖乖地做一塊背景板。

隔了一分鐘，仍無人說話，肥仔傑試圖打圓場：

「咪講咁多啦，你哋咁襯，一齊番囉……有冇拍拖呀？」

「我冇。」峰仔答得利落。

大家聽罷，馬上向May投射期待目光。

「我、我有男朋友啦……」

這個圓場，打得充滿棱角，扎人，皮癢血流。

峰仔牽扯嘴角，隱隱覺得自己徹底失去了一些，已經很久沒有擁有的東西，一種「一眼萬年」的感覺：

「May，恭喜你。」

如果，當初沒有造成誤會；

如果，當初肯再堅持找她道歉；

如果，她願意聽他解釋；

如果，沒有失足走錯這一個小小的分岔路；

是不是一切都會不一樣呢？

峰仔以眼神詢問，平靜、柔和地盯着May。

May點頭。

「多謝你嘅祝福。」

人永不知道，往昔不過小小的一步，已經影響以後的萬里前程。可是，回頭，再也不是無底深淵。

經年已過，自有海闊天空。

- - -

有人起哄：「唔爭在啦，不如C朗講吓，你同Fiona發生咩事？」

如何掩蓋尷尬？

提出一個更尷尬的問題，場上的注意力就會轉移，連峰仔和May也看向Fiona。

「冇呀，就係分咗手囉。」

「冇呀，就係分咗手。」

「點解分手嘅？」

「都過咗去，唔講啦，想知，問吓Fiona囉。」

阿朗已不想再提，不說，是因為他厚道，以免破壞Fiona在別人心中的形象——畢竟那是他的特殊待遇；即使他曾經極想向她報復。

如果說May和峰仔的感情是無意消逝，那麼阿朗與Fiona的初戀，是被蓄意謀殺，最後一口氣，灌入了血管，氣體栓塞，輕飄飄、靜悄悄，死去。

Fiona幽幽，向阿朗苦笑：「唉，唔好提啦，阿朗宜家都結咗婚。」

阿朗也笑，她演技真好。

話題，又轉回了阿朗的婚姻，不過，大家都不知道應該問什麼，無人熟知嬰兒車、糊仔、塑膠地板，都是少艾，而且，沒有人認識思思；所以，話題再被轉移。

說說近來現況，有人投資，有人等升職，有人打工、有人失業。

有人炫耀，有人陪笑。

阿朗不語，他不想被別人知道他在做地盤。

明明，他曾經那麼的符合社會規範。

Fiona坐到他旁，淡黃校裙掃過他的長褲，小聲問：「最近忙啲咩？」

未正皮嘅記得留個正皮