結咗婚十幾年，好似已經唔太愛。//《相愛十年》

推

社會嘅大環境可能會造就為五斗米折腰嘅人
呢件的確係悲傷嘅事
不過都希望我哋可以揾到一條適合嘅路
好多事情未必有話啱同錯
但自己要過到呢一個心理關口
可能遲啲巴打你可以實現到自然想做嘅事
唔好咁灰加油
長氣樓豬

阿朗後尾會好少少

思思覺得，阿朗和以前相比，不太一樣。

嗯。

其實，誰沒有變？

思思發現，自己的身體再不如以前緊緻，肚上的贅肉將以往的腹肌包裹，放鬆坐下，竟然有兩截肉，而她從來沒有過。手臂變粗，那是久抱棉花糖的象徵，負重增肌。而且，毛孔開始粗大，T字區微微泛油；照鏡，但覺比以前憔悴。

她覺得，她的面容在質問她——你咁樣過落去，得唔得？

她已經很久沒有化妝，畢業之後，幾乎全副心思放在家裏。

每天，她關心的是「今晚買咩餸」、「要記得幫棉花糖剪碎啲菜」、「啲衫幾時乾」，再沒有想過「咩食物補膠原蛋白」、「邊隻粉底最控油」、「啲衫點襯最修身」。

思思希望阿朗不要嫌棄她的樸素。

雖然他初見她時，她確實不施脂粉；但又怎麼一樣呢？那時，她只是一個學生，而現在，她是一個妻子，也是一個媽媽，他已經叫她：「老婆」。

怎麼一樣呢。

明明，曾經祈求和他一秒白頭，髮鬢霜雪，冰鮮他們的愛情。

可是，她竟然希望自己永遠年輕：是否男人幾多歲，都迷戀十八歲的女人？她此刻祈願，阿朗眼中的她，永遠朝氣漂亮，骨肉永遠均稱。

想到此處，思思打開電腦，跟住螢幕中的俏麗佳人做運動，踢踢腳、扭扭腰、奔跳奔奔，揮汗如雨。

有時偷懶，說服自己身材已經適中，何況胸口位置首先湛汗，她總覺得胸部脂肪有意出走，她若停止運動，則可以變相挽留她的一對軟枕，畢竟，減肥先瘦胸嘛；但下一刻，坐下，看見大腿驚成金華火腿，又站起來，繼續擺動四肢。

有時，思思又心想——

佢如果愛我，就會愛我嘅所有嘢㗎啦，唔通到時再老啲又唔要我啦喎？如果，阿朗肥到二百磅，咁我都、嗯、希望佢唔會變成咁啦……

唉，都係試吓keep fit先，唔懶得㗎！

唔該巴絲幫手推吓

睇到眼濕濕
好驚

點解啊絲打

樓主行文細膩，情節現實令人有代入感，心理描寫捉得好好支持支持

做咩咁sad

多謝你啊絲打

「明明，曾經祈求和他一秒白頭，髮鬢霜雪，冰鮮他們的愛情。」
好唏噓 雖然我仲係期待兩個人共同生活至兩鬢斑白既畫面 但結婚真係另一個充滿未知既階段
樓主修辭用字好細膩 同時又有廣東話口語 欣賞

正

文字裹頭有種淡淡的哀愁氣息，感受倒主角果種迷失，同時間呢種平淡既文字又好似慰藉緊主角，慰藉同樣迷失係社會既讀者，真係好好睇

行文流暢，用字細膩
入社會後得失既感覺出晒黎
仲要貼地用粵文
G持本土文化

竟然多左一篇