[本地籃球] 2020年香港男子甲一討論區9

26/10。等2個星期

https://www.youtube.com/watch?v=ZTd6xuHn0Ac
上一場高級組銀牌 南華 VS 東方龍獅

（香港籃球）有冇ching分享下當年威立攞亞冠盃冠軍嘅威水史？
https://lih.kg/2741394
- 分享自 LIHKG 討論區

有無ching有入場今日 聽講啲飛要炒

賣晒啦？

4點好似就賣晒

Tyler 34歲仲可以一個人就收東方呢支職業軍皮
本地籃球都係摺撚埋佢算撚數啦

再望埋 周迎堅+潘志豪 大過80歲

泰拿成日開外掛

有無ching分享下尋晚滿貫大敗原因？

難得有飛入場睇波, 都講番兩場波既賽後感先, 利申: 永倫球迷

1. 永倫 東方

簡單總結: 成場波都非常緊湊，精彩！
永倫少有地早早入局取得領先，永倫班老將始終夾左太多年默奏較佳，一旦打老鬼波用永倫既節奏帶住打，東方後追得好辛苦。
李琪狀態算幾差但梁嘉顯及時頂上。拉利羅斯終於有番外援應有既風彩，３分中距離罰球都好穩陣。 第四節東方雖然有一兩次領先到，但文俊浩關鍵３分令永倫順利帶出贏波。

永倫：
“泰那依賴症” 算有好大改善。

雖然今場泰那又拎4X分，但其實有大約十分左右係同hosford/堅/豪…走D好簡單既backdoor (hosford同佢夾backdoor效果最好), cut-in走籃…係好輕鬆
可能D人睇到泰那拎4X分就覺得佢又開外掛，其實個重點係 “泰那點樣拎呢幾十分” … 泰那就算對住咩球隊咩防守, 拎30+都係基本, 但如果佢得分係好辛苦, 成隊波同佢link 唔到, 永倫就會輸。成隊波要運轉得好, 泰那拎分容易, 其他人都幫到手組織同得分, 贏波既機會先大。

Lin俊真係一個好好既球員, 球賽閱讀理解好強, 防守企位, 進攻幾時cut in 走個籃… 好醒目

兩位老將今場發揮都好好, 周近堅係中段用身高/技術優勢連續幾球坐落低位單打陳兆榮, 陳翊麟效果好好。潘志豪終於打番個信心, 同泰那吸引到既空位射波, 一早要咁打啦… 之前落場患得患失咁… 而家咁咪幾好

東方:
成場波個重點得一個, 就係守好泰那, 你守唔好, 抵輸啦大哥…

睇左兩場東方真係唔覺得個教練有咩咁好… 泰那一用pick 過左第一個之後基本上睇唔到教練點部署點樣trap泰那去死位或者封佢傳波路線…

最搞笑係泰那射到著哂火, 教練係絕望既情況下先肯出本身俾佢放棄左既吳松俊, 一出大佬已經見到泰那打得辛苦左啦 (雖然守佢果幾球都照入, 因為已經hot hand左) 如果你肯一早出佢, 多D消耗佢體力, 或者場波又唔同講法?
最尾30秒永倫拎住個波竟然唔指示球員犯規, 任由永倫用哂24秒, 仲要俾老波骨呀堅foul到卜仔, 炒一球罰球就輸左了 (雖然隊犯未滿, 但犯規拎個暫停講講點打點守會唔會仲好呢?)

羅斯今日表現算係幾好, 3分中距離都把握得好好, 但john siu同elliott 走左之後隊波真係弱左, 得分點得番羅斯同李琪, 對強隊都有隱憂

再一次要讚卜仔, 生得高, 機動性強, 識射波… 斌仔好心你學下人地… 唔好擺低個波, 高舉高打…



2. 南華 滿貫

一句講哂: 每隊理論上淨係可以有一隻外援, 滿貫未有外援都算, 你南華3隻鬼, 點打呀

滿貫因為外援未落得場, 內線都係藍領球員, 冇殺傷力, 吸引唔到防守。南華可以肆無忌大咁守到好出, 默契,年輕同板凳深度令南華打出好強既外線防守強度, 24秒進攻, 係三分線外猜極都入唔到去, 猜到得6秒, 求其搵個人射波就收工…成隊波既進攻完全被凍結, 就大敗了

滿貫新球員都多, 默契明顯未夠… 傳4球波, 有一球少少唔到位, 甩左手再調整番… 人地已經補番位… 磨合下啦… 下季應該可以挑戰下南華

作為永倫球迷就唔太鐘意南華咖喇, 但都要讚佢地就算係鬼定local, 年輕定老將, 每個人都知自己做緊D咩, 能力強, 板凳深, 以老帶新, 每個人都無私, 進攻唔貪功, 防守唔偷懶

今晚都係比較睇好滿貫贏永倫入番決賽, 你叫永倫班老將back 2 back…真係玩死人

今晚有冇直播

留個名
（應該開緊波）

永倫係度打乜9？

點解滿貫冇鬼? 決賽出唔出得?

明明根本好多人睇， 尋日四點一開賣就賣晒， 但係點解連登冇人討論？ 定係喺另一個post?

有三個月波監期，同滿貫已經用哂14個位

衰啲咩?

甲一規則係咁，新嚟香港等三個月先可以註冊

睇今日永倫真係火滾到

又係好似上場咁乜都差，今次體能透支，輸得仲多，對上一次輸咁多真係唔知幾時

今場綠軍防守同上場一樣，但對手配置紅黃兩隊真係差天共地，一邊內線有Duncan Tommy，守咁出的確送死，但永倫得Hosford一個頂內線，仲要都唔知佢番唔番到19年果陣嘅身手 (p.s.但單係生活習慣同年紀我唔覺得佢得)

今日不論內線外線都被打爆，作為主力內線，竟然係0分，仲要籃板狂輸，對住可以屈身高嘅內線都打唔入，咁佢嘅作用係乜

永倫係要外援㗎啦，但本身揾咩位真係唔太知，但今日都幾肯定要揾個外援頂賀斯福，如果唔係個內線入到聯賽都唔知點打

lm 學野
想睇多啲本地籃球

劉凱濤 係唔係傷咗？本土華人內線應該係第一架喎....
德哥 都有啲footwork，雖然佢鍾意射外面，但越來越重，都係打翻ab位啦...

睇精華hosford長時間行行企企

又唔洗太嬲既, 輸都預左, 係冇預佢輸得咁肉酸者

睇完第一節都知到輸硬, 成隊波跑唔郁, 體力影響真係太大

我14/15左右開始睇甲一, 應該係第一次睇到有隊友得分多過泰那

睇得出周迎堅落到場係仲有決心想贏波, 有心想打波, 能力上亦絕對可以勝任, 相反呀豪就真係好妹下妹下...身心狀態都係等退役...

賀斯福今場係打得差, 但我又唔覺得佢今季好唔掂...

成隊波都係得賀斯福, 周迎堅, lin, 泰 係可靠...
其實後生果幾個真係幾好, 但許 (太矮), 林 (太瘦), 文俊浩就要再打多D先睇到... bear 同許身材真係太輸蝕, 防守易被針對, 進攻都難持續發揮

最搞笑係輸到第三場中段, 許生竟然叫: 賀 (33), 泰 (34), 連(31), 堅 (42), 豪 (40) 走去打press 去緊逼對家: 180歲緊逼大法?

人地射波起哂Q, 仲走去守2-3 聯防, 仲要拎唔到籃板, 係咪叫做 "暗黑兵法"?

滿貫冇外援都完勝永倫2次, 希望永倫贏到東方守得住個第3啦, 咁就收貨了

濤 幾時有做過第一內線 ... 以前瘦到死又冇對抗性 ... 而家肥左, 但又唔係fit...仲要唔覺佢跳得起... 係勝在生得高

ga: 吓? 劉凱濤係華人第一內線?