[本地籃球] 2020年香港男子甲一討論區9

佢係做狗定點？

仲想睇下佢多人噓定羅意庭多人噓

南華幾時打

https://zh.wikipedia.org/wiki/%E5%A8%81%E5%BB%89%C2%B7%E9%98%BF%E6%8F%90%E8%AB%BE

劉凱濤冇落名又玩乜

睇完賽程

10月6會入場

(正路戲碼)
東方對南華
永倫對滿貫

一定好多人排 飛都唔知買唔買到

尋晚兩場波算唔錯

頭場永倫遊協
永倫啲新仔幾似樣，24號跳跳人比我印象幾深刻，其餘幾個夾住班老鬼都唔唔怯場，唯一係中段有啲大意比人full court press嘅時候亂咗
潘志豪 居然瘦咗.... 身形仲靚過去東方果年
glen都仲好有火... 但真係睇到佢老喇
賀斯福泰那都係咁冇變過，不過今場冇乜考驗
好奇面對南華／東方／滿貫 嘅時候 德哥 劉凱濤 會點安排

遊協其實打得唔錯，都有鬥心，打落似乎都幾有form，但都係似大專波多啲....
嘉軒企出嚟都feel到唔同級數，希望佢聯賽多啲機會
港版kevin love得啖笑，睇唔出佢有乜實力，真係一個比較高大嘅白人only... 連德哥都冇嘗試爆

唔知洗唔洗4,5點排

仲要入場應該最多7成入座率

反而想知福建打成點?
堯 徐遠征 子禮 個面唔錯

覺得今年福建有機會衝下前4

尾場福建南青
愛國青年徐遠征起Q，直情有後生潘志豪果種殺氣，不過潘志豪係SG/PG，佢係SG/SF 唔key波，但finishing好好，第二節有一球底線切入上籃超靚，中距離把握得好
另一傳奇 鄭錦興 同我1x年前睇佢打nike league果陣都係無分別，45度攞波切入呃foul...
黃律堯表現落力，數字上幾好但睇緊果陣其實麻麻，有少少唔知做乜，我諗要多啲時間俾佢同隊波夾（其實成隊都係打自己冇乜組織）
Rice剃咗鬚唔再似harden，佢定位依然係一個謎，但執籃板真係好勁，第二節入唔到波嗰段時間居然keep住領先真係靠佢啲唔知邊度嚟嘅進攻籃板
白人肥佬Wells唔知要嚟做乜，似乎係徐遠征啲friend，無身高無速度無射程又鈍鈍地咁；不過如果佢以肌肉打手角色落場保護徐遠征都抵嘅
劉子禮 染咗個保琦頭，出到嚟都係保琦咁搞笑....
就咁睇冇內線會係福建致命傷，惠龍兒賀斯福固然會sm佢哋，就算卜聿揚都可能好似尋日咁搞到佢哋 foul trouble；其實如果keep到劉海濤的話加埋當fit徐遠征，成隊波會勁好多

南青
我覺得係輸球証....
McLaughlin好屈，快攻回防釘板鄭錦興嗰球值回票價，如果調節到體能的話下半場就無咁多無謂foul；同埋有啲時候唔知係想回氣定係俾機會隊友，出去三分線攞波但又做唔到攻勢結果浪費時間，又或者企weakside唔要波
蘇柏軒亦都打得非常好，三分起手好有信心，亦都carry到隊波節奏，最後贏唔到波好可惜

應該都要
有網上直播睇直播

會唔會同翁狗政見不合

睇多幾場先俾到評語，但暫時唔睇好
假設前四係 南華 滿貫 永倫 東方
頭三個有外援內線，東方都有胡卓斌 卜顯揚
福建得何俊杰，莫家俊，牌面輸唔少

福建嘅最強係徐遠征+ 黃律堯，但我諗佢兩個要加埋平均40分以上先係基本盤
鄭錦唔傷的話進攻都仲有啲用，但佢防守就...
Rice 識得打老鬼波，但佢冇噸位冇footwork，亦都唔肯孭位對其他鬼佬，衰啲講淨係識得恰local
子禮.... 操返起先啦

林俊達真心有潛力，許烜行打波都幾有sense，程子朗都唔見有太大怯場，之前見永倫啲後生10個有9個怯場，但呢幾個都唔見有呢個問題，係廖鍵鋒要再成熟啲

係睇下黃子謙同魏詠輝唔知會唔會番嚟，番到嘅話其實永倫絕對可以一戰

點解東網播d唔播d
唔係香港點睇
之前見到話會轉播好開心

話說泰那應該坐夠7年入籍? 昔逢今年外援坐夠3個月就可以落場, 如果許生仲有錢有力想搞好隊波, 點解唔搵多個外援打呢?

永倫個球員名單都full哂了, 由14年左右睇永倫到而家, 我覺得永倫最大既優勢又同時係一個缺點, 就係tyler/堅/hosforda/豪 (以前仲有ga) 呢四個人既經驗同默契太強, 新球員太難融合... 許生又唔鐘意用新人... 搞到隊波青黃不接...
但今季許烜行同林俊達真係好有驚喜, 果斷又唔怯場
如果高輝同黃子謙都打得番, 真係可以爭下入決賽... 如果多個外援就fat fat

我知道嘅係Tyler係武漢肺炎果陣番咗加拿大，係呢個月先番嚟，加上之前休季果陣都有番加拿大渡假，如果居港期唔計佢走咗嘅日子嘅話，係未夠嘅，要補番呢啲日子先夠

黃子謙去咗邊,點解無落名既？
另外 高輝真係有用咩

紅藍綠個籃底都好強，有高輝點都有幫助呀

黃子謙之前第一季打永倫都唔錯 又係唔知點解消失左，連其他隊都冇打

請問有冇網可以睇livescore

東網又無直播