[本地籃球] 2020年香港男子甲一討論區9

佢ig 出左post話係

慘。。。

永倫新果班接唔到上黎 你睇下福建同南青班後生仔打得幾好

其實隊友肯鏟肯射其實已經幫到好多，今日做到嘅係林俊達同許烜行呢兩個後生，隔離果個係Tyler，拎到4至5分幫助都已經好大

但防守問題係好致命，賀斯福亦都打得唔夠侵略性，第四節滿貫守聯防，成隊更加不知所措，左傳右傳，又唔係俾Tyler，更加唔知想點，俾到Tyler都仲有價講，但俾唔到就真係打完啦

講真嘅，我都覺得係應該俾許烜行同林俊達打多啲，但如果賀斯福都係唔夠侵略性 (雖然我唔再寄望)，永倫都係唔會贏前列球隊，Tyler拎幾多分都冇用，後生果班打得幾好都冇用

有冇人覺得南華個外援位係哂左？
朱亮都唔夠料

好多因素嘅
1）（利申由鍾馬飛睇到而家）首先我好敬佩許生有心有力搞波咁多年，但佢嘅mindset就係咁
講真韓國佬之後有邊個講得出永倫教練係邊個(no disrespect)？永遠timeout都係許生喺場邊最大聲。唔通真係等肥仔翁成材擔大旗咩....

如果亞ga唔係走咗，佢加埋 潘志豪 泰那 賀斯福 周迎堅 應該可以申請世界紀錄 最老嘅正選陣容....

2）成也泰那敗也泰那, 佢落場就會交足功課，但同樣地一日佢喺度好多嘢都唔會變，衰啲講好似kobe咁，就算佢退化，你都要就住佢.... 所以我好想永倫打下亞洲賽，逼隊波面對現實搵個後生外援接替泰那

3）咁多年都有啲當打／有料到嘅後生仔嘗試接班，遠嘅有 蘇伊俊（佢都退咗休唉）張偉康，近嘅有 徐遠成 吳嘉軒，但都係留唔耐

我唔知道 李琪／兆榮 去龍獅係唔係打亂計劃，但龍獅出現之後好似就冇計劃... 不過今年啲後生其實幾有潛質，睇下會唔會有新發展啦

當年浪花兄弟係度 永倫正選都係Tyler&豪哥。

我係浪花兄弟我都會走 先唔講職業隊唔講錢先
有能力打多d都要做豪哥後備
後生仔 點都揀有得打。好過坐bench. 青春有限



其實林俊達幾好波。
Red bull 3x3都有睇到佢唔錯
希望許生會比多d機會佢。

唔好彩，但點係一個人可以傷得咁快...

又係雞肋.... 場上面5個位，你有4個位 已經固定; C SF SG PG
得番個大前鋒位有走盞，加上打本地進攻個陣已經夠做，變咗PF 主要應該係負責dirtywork分薄惠龍兒負擔
朱亮算係stretch 4，都不失為好配搭

其實而家咁咪幾好, 唔駛害到d真係有潛力嘅後生
許生而家都無乜諗住點train新人架啦, 嚟嚟去去都係搵d老將即戰力嚟吊命
咪由佢玩多幾年囉

難得入到場睇波，都講下後感 (先利申，永倫球迷)

1. 東方
新中鋒卜仔表現好有驚喜，身高意職footwork 機動性都幾好，最欣賞佢有膽色去打...對住惠龍兒完全唔覺佢怯場 ... 胡卓斌睇怕要坐好耐了

ross 應該我見過東方請過最廢既外援: 唔敢起手，速度唔快，拍波唔勁，落到場完全冇外援應有既掌控球賽能力，東方急起直追果段，ross 參與度極低！第4節關鍵時刻帶死哂個波又唔敢起手...真係搞笑

值得一提係睇唔到外籍教練帶到特色俾隊波，其實個個都有射程又後生，但就睇唔到有咩明顯重點戰術/重心/打去... 以前 E.Torres 果種3分，防守紀律，追分時刻守大 1-2-2 都冇哂

2. 南華
冇左蔡再懃之後的確係冇左個主攻點，實力看似冇之前咁強，但楊和既成長好明顯，相信佢去到聯賽後段可以擔起得分重任。

南華最強之處就係加拿大果幾隻混血兒計本土 (簡直係出cheat), nathan yu 又轉埋本土 ... 保證正選實力，又有青訓上到南華更生換代，成個打法好成熟，平均，深度 都最強 ... 今季都係大熱拎冠軍

3. 滿貫
內線實力深度又強左，肥宏表現好有驚喜 (可惜又收league), 肥煒都第二春真係估你唔到，呀ga 就未上力，但始終射術，意識，身型都唔會突然退化

外線有呀懃做重心 (呢場表現就below average )，何倚富過檔...加上本身有呀爆，康... 深度超強... 考慮到東方外援太廢，滿貫仲有隻artino 可以出，聯賽睇好滿貫打贏東方同南華爭下冠軍！

4. 永倫
真係一言難盡。
自從東方成軍拆散左永倫個骨架，就進入一個青黃不接浮浮沉沉既日子，究竟許生仲有冇心搞隊波呢？

上場對遊協終於見到許烜行，林俊達呢D新血可以落到場交到貨，但今場莫講話D後生，連老將都唔識打波咁，冇哂D 本來應有既默契同走位配合，個個扔個波比Tyler 就算數。

誠然Tyler 即使面對咩類型/強度既對手，拎30+ 都唔係難事，但其他人點樣令到自己都打得舒服？其他人都要敢打，敢起手，Tyler 先打得舒服，場波先會贏 ... 隊隊波都係多點開花，鬼唔知Tyler勁，但你得一個Tyler 係唔夠永倫用 ... 其他人都要挺身而出先得

永倫個問題係tyler/堅/豪 同以前既ga, 夾左太多年，默契配合已經太成熟，其他新人根本好難融合佢地自成一角既體系 (莫講同Tyler 同場壓力又高，發揮機會又少)。有冇諗過請番個勁教練? (紅藍都用緊外國教練，滿貫有朱sir) tyler 夠7年未？請多個外援得唔得？

潘志豪真的要退了，身體跟不上年輕人的步伐，鄧志性，何倚富，懃 都係睇住佢打 ... 令人心酸

今季睇好滿貫入決賽

紅 > 綠 > 藍 > 黃

你就好啦入到場....

1. 卜仔真係幾好，起碼睇落唔會變咗死神咁懶又多壞習慣
2. 東方請過最廢既外援: 問過班尼斯 未？ xdxd 不過同意，ross打到好似rice咁

ross 真係垃圾，浪費左個外援位，連艾利諾既三分一都無
卜仔幾勁，咁既高度加footwork ...入硬港隊

依家東方打緊 都無直播呀？

冇呀屌… 香港地睇個本地波都咁難

東方果個de villa先廢。。咩人嚟
卜仔琴日同duncan對位都唔輸蝕

柒到喊。4號位只能出徐遠成打30+分鐘。 都唔願出佢 就知佢咩料。

又話場場播。

我唔介意你播 我比返$20睇一場都無所謂

籃總聽唔撚聽到丫？

成日話1000萬年費 已經好緊湊
比條財路你丫！

冇計紅同綠攞走晒啲4號位，辛苦晒Adam

係攞走定人地想走就唔知啦。 職業隊

下星期二又有紅黃藍綠

有冇人有入場睇琴日 兩隊強隊都差D 出事

YouTube 24籃球。 有highlight睇返

睇到下遊球隊都有競爭力係好事

南青同福建都係真心有驚喜。

有無好心手足聽日會排隊買飛
搭單幫我買多一張 單棍入場睇
thank you
https://t.me/pek8964

同求
https://t.me/itotdog