《覆沒‧香港》 - (少甜+喪屍)

未既。 不過打梗兩隻故，依邊出得好慢

《覆沒·香港》 (九龍篇14) – 座頭保安VIEW (六)

投票結果係搵個安全地方留大半日先返去，全票通過。

因為大家都唔想搏希望過幾日會得到政府人員黎接走我地。

最後我地係黃昏時間回程，返到去我地比隊長吊到上天花，因為另外兩隊人都搵到野食。 佢地兩隊人分到一部分野食，其他就入晒倉內。

當然，佢地兩隊人唔係冇負出代價，有幾個人都不幸被咬或失蹤。

事後我地5人自己討論過，都係決定唔會出去，命仔比食物緊要，反正有人拎到野食返黎，我地就唔好去搏。

無音第二日再決定派人出去搵食物，不過今次冇我地5個人份。 可能係佢知道我地冇用吧? 反而有唔少男住戶主動要求外出搵野食，原因係我地既食物都係配給，份量好少好少。 好多人都唔夠飽。

慢慢地發展成一個制度，就係有功既人就可以有多D食物多D資源。本身係冇問題，但因為資源有限既關係，我地開始有左高低等級之分。

----------------------------

「吊。 你講咁耐講到我老婆未?」羅大舟吊7保安。

「….羅生…. 你聽我講先…..」

-----------------------

慢慢資源去晒某D人之上，同時資源開始冇晒。 無音同一班高層管有大量物資，而一班有外出拎到資源既人亦會獲我更多資源! 資源食物慢慢成為錢錢一樣。

而一D冇能力搵食既人，分我好少資源既人…. 老人家,小朋友同女人等等都係我地小社區既低層。 而我地一班唔會外出搏命既人就只好選擇巡邏守城防止喪屍或其他倖存區既人入黎偷野食。

(保安回憶完)
----------------------

終於見返大J？

《覆沒·香港》 (九龍篇15)

「屌你老母! 我問梗你我老婆同阿仔點啊。」我內心有少少不安…

「大舟冷靜一D!!」文仔隔開我同座頭保安後回頭問保安:「羅太佢地係邊?快D同我地去搵佢地。」

「好..好好…我同你地去啦… 你地唔好打我….OK?」保安講。

之後佢就同我地去左第5座:「羅太應該就係上面，不如你地自己入去啦…. 出面有幾個人看住出入口架，我入唔到去。」

第5座門口比其他幾座特別，係有人看守住。 我見到立即有不好既感受…我問佢:「我老婆係邊一層咩單位?」

「羅太係邊我真係唔知啊，我只係知佢會係第5座入面，係分地方住果日我見到佢被安排入左去。 拿…. 講明先，所有野都係班大佬話事人搞出黎，唔關我事架…..」保安一臉事不關己的。

唔知道咩原因，我一刀插死左佢。 一刀割頸，血液噴射而出。 佢一聲不響地死去。

「大舟…… 你…」文仔被我舉動嚇到。

「你打算殺上去?」唐SIR好冷靜咁問我。

冷冷地回答「係。」

「大舟佢地好多人係大門口，點入去啊? 一陣佢地報比人知我地就比人圍架啦。」文仔說。

「屌你。 你想我點啊? 我老婆同仔係上面啊，你唔係叫我唔理佢下話?」

「唔….唔係….」文仔被我怒火所嚇:「我明白…. 不過你冷靜一D先啦…..」

「冷咩靜啊? 你知唔知班人渣….」我欲言又止… 唔洗再講都知道佢地獨立將女性安排到依座樓既原因! 「我要殺晒佢地。」

「大舟，我地可以幫你，不過你要冷靜一D先，你睇。」唐SIR指向外面。

外面一行多人步向第5座，可以睇得出佢地係倖存區內高層人物，因為過左咁多日佢地衣物仲係好乾淨身上亦唔見有傷痕。

「無音….」我認得當中既一個人，正正就係無音。

佢地幾個人面上展現出既奸淫之相何奇討厭! 我失去理性的衝出去:「無音你個死仆街!!!」

「喂! 你地咩人啊?」無音等人大驚後退。

大堂內幾個手持武器既保安員回神想走出黎幫手，不過太遲。 我手持長刀將企係無音前礙事既一個男人斬殺:【咇~】鮮血噴出射到無音等人身上。

刀擱在無音頸椎之上:再渴令在場人仕:「全部人唔好郁!」

當然唔會個個人都聽我講，無音身後既人想走，但都被唐SIR制服。 而衝過黎幾個手持木棍既保安係手持雙刀既文仔對峙。

「喂喂….. 3位大佬冷靜一D冷靜一D….. 大家都唔好郁………」無音命令佢手下唔好反抗:「放心….我地唔會亂黎……」

「我老婆係邊?」

「邊個係你老婆…….. 先生可唔可以把刀移開少少……」無音一臉無奈地說。

佢唔認得我，係因為用時空轉移裝置返黎既人只有我一個，所以我認得無音。 而佢就唔識我我。

「阿怡! 有個BB果個女人。」我冷冷地說。

「下… 你等一等我…………..」

「咪玩野啊你老母!!!!」我將刀而得更近無音。

「無音先生，你唔好玩野聽我地話啦。」唐SIR話口未完一手將其中一個人條頭一扯:【咔】一聲，該人攤軟倒地。

「蹕哇….」眾人被震懾於唐SIR之下。

係後方既唐SIR:「我本身係差人，你地依班保安唔好諗住可以反抗。」同時唐SIR露出佢把手槍。

每月一篇

依排比較忙.... SOR

《覆沒·香港》 (九龍篇16)

「OOKOK…. Take it easy~~ OK!!! 大家斯文人唔好下下動刀動槍啦….」無音高舉雙手:「你搵你太太係唔係? 放心，佢係上面啊大家比佢地上去。」

無音示意比我地上去，大廈大堂既保安都散開。

「你地行先，我守最尾。」唐SIR叫我行頭。而文仔就陪我先行由樓梯上去。

「你太太應該係8樓啊。」無音邊講邊帶路。

「邊個單位?」我用扼刀行住佢:「快D講。」

「冷靜一D…. 佢係B啊。」無音好快咁答我。

可以見到阿怡同阿囡我立即跑上去8樓。

「喂大舟唔好咁快啊…」文仔追上黎: 「等我。」

我跑到上8樓B單位見到阿怡佢正係大廳之中一臉驚慌的。

「老婆….」我見到佢衣衫不整個心立即沉左…..

「….大舟…. 你…係你? 你哈哈…你係唔係返黎啦…哈……」阿怡神情有少少呆滯:「係唔係…大舟? 我係唔係發梗甍…..」

我見佢手上拎住一塊破碎既玻璃係手上，阿怡掏手拎住塊玻璃，雙手都流住血。 唔上雙手，佢身上唔同位置都有傷口。 最令我髮止既係佢下身…. 雖然被布條所掩蓋…但還是被我見到佢下身有乾涸既血絲….

「老婆…..」我除去恤衫披到阿怡身上:「冇事….. 我係度有我係度….. 冇事…」

「…..」文仔剛到達，佢企係大門前無言…

「嗚…嗚……老公…老公……嗚….」阿怡抱實我: 「對唔住….嗚………….阿B佢………….」

「BB….佢點啊…..」我生命中最重要既兩個女性。 阿怡已經被侵犯…阿囡唔好有事……

「BB…. BB佢係房…..哈…哈…佢佢冇事….哈…….」提到阿囡，佢走去房方向:「媽咪要餵奶啦….哈….BB餓啦….哈……………..」

我慢慢一步一步跟著阿怡走入房，阿怡背著嗚前身係一張單人床上，動作似係抱起BB….

我既心跳得好快… 我有好不安既感覺……

係咩已經斷咗

《覆沒·香港》 (九龍篇17)

BB係床上仍然發出BB喊聲… 我慢慢一步一步行近，從聲音上我聽出了一點奇怪，一股不祥感覺襲來。

「BB…BB….. 哈…媽媽係度啦…. 媽媽係度啦….哈哈…係唔係要食MUM MUM? 噯噯噯…媽媽抱抱….。」阿怡背著我抱起BB，從動作上可以見到佢撥開身上破布將BB放到胸起餵奶。

「BB乖BB乖….」阿怡口中念念有詞對我地既BB講野安撫BB。

我見到BB雙腳微微的發出死氣沉沉的灰黑色… 我越發不安的，身體不由自主地戰慄地震動…

腦海中不斷地對自己說唔會，自己個女唔會出左事，明明阿怡好地地係度，BB應該唔會出事…..前行多一步，終於見到BB既樣….

面色灰黑冇血色的… 我唔願意相信眼前既野:「啊啊啊呀…」

---------------------------------------

時間回到喪屍爆發時，阿怡既經歷。(阿怡篇1)

阿怡正同工人係家中照顧BB，門鐘響起來，阿怡知道係陪月阿姨到來叫工人去應門。

「啊… 岩岩係樓下麵包店有個道友咁既痴線佬，追住人襲擊啊。 我比佢咬左我隻手一下。

陪月員霞姨左手手臂正流出鮮血，明顯地有尖銳的牙齒印在傷口上。

「太太，我幫你買左餸架，不過依家我隻手傷左今日可能要做得慢一D野。」性格貪婪既霞姨冇因為手受傷而要求放假，反而期望太太阿怡會比佢留係家中休息。陪月工作錢照收但野做唔做。

心地善良既阿怡眼見陪月阿姨流血，好心地安排工人幫手止血。而自己則專心回到房中餵奶。 「霞姨，你放低D餸先，等工人同你止好左血休息下先再幫手啦。」

「唔好意思啊太太…..」霞姨的戲真的不是一般茄呢啡可比，一瞼誠懇地對阿怡說:「我一止好血就會做野啦，不如你扣返我上午既人工啦。」

「傻啦，你跌到都唔想既，洗咩扣錢!? 你最重要快D止血啊，一陣感染到細菌就死。」阿怡口中客套的說著。 一切都係為左BB健康成長，佢同老公羅大舟都好怕如果對陪月阿姨唔好，陪月會整蠱BB對BB唔好。

BB囡係羅大舟同阿恰婚後誕下既女嬰，四大長老都對BB女愛護有加。 阿怡產後更將BB女放到第一位。

「啊……….MUM…. HELP!!! 霞姨霞姨唔知咩事……..」突然工人係廳中大叫。

多謝Ching留言!!
一日大家唔放棄，我都唔會放棄架。 加油。

兩個故一齊出係辛苦啲，加油

響巴加油

你要加油啊，疫情底下記得take care身體

《覆沒·香港》 (九龍篇18 阿怡篇2)

阿怡感到廳外異樣聲音，同時阿怡注意到電話中剛加入的”媽媽群組”中傳來多個媽媽發來的訊息。

【嘩，出面好亂好嘈啊。】媽媽A說。

媽媽B回應:【好驚啊，我睇電視上新聞話D人亂咬人攻擊人。】

【岩岩我見到街上面好亂，D人比人咬完又會發癲咁咬人，係唔係喪屍黎架?】又有另一個媽媽係群組內講。

媽媽C又講【唔係下話，點會有喪屍啊? 拍戲咩…】

阿怡越睇越心寒，廳外工人同霞姨越來越嘈，發出陣陣打鬥同物件倒地聲音。

群組內又一個媽媽說:【大家唔好外出安全之上，亦唔好開門比人入屋內。】

【嘭嘭…】一下巨響，嚇得BB大哭起來。

阿怡立即抱起安撫。 同時外面再傳來叫聲:「太太….哇呀…………..HELP ME HELPP…..」

阿怡好怕出面唔知發生咩事，但為左BB，都係決定行出房外查看。

工人及霞姨倒在地上，霞姨發狂地想咬工人姐姐，工人姐姐用雙手握住霞姨頸項防止被咬到。

阿怡看到霞姨樣子灰黑露出了慘白尖牙完全失去理志的要咬工人，阿怡立即將BB放到餐桌上再拎起餐椅大力拍向霞姨。

「嗄….」被拍打既霞姨立即轉移目標想攻擊阿怡。

阿怡為保自身及BB既安全，如同三國無雙孫尚香般揮舞餐椅打擊瘋癲的霞姨。工人姐姐深明唇亡齒寒的道理，為自保而幫助太太制止霞姨，一個飛躍用膊頭撞向霞姨。

霞姨一個身形不穩向後倒地。 但霞姐看似不痛不癢的爬起再向工人衝來。

阿怡及工人姐姐眼見霞姨外觀同電影既喪屍無異，阿怡大聲:「
Push her down the street!!」正好窗台的大窗打開了。

阿怡用餐椅直扣到霞姨頸膊之間，拿住餐椅椅背既阿怡隔開霞姨的尖牙雙手防止了被咬及爪到。 工人姐姐見霞姨受制兩人合力捉實椅背將霞姨推到窗台，霞姨兩腳撞到窗台位失去平衡，阿怡及工人一鼓作氣將霞姨微微斜向上推到窗口。

霞姨半個身已被推到窗外，單手找住窗框想將自己拉回屋內:「吼…吼….」失去理志既霞姨發癲狂吼叫。

阿怡同工人兩人各自捉住霞姨的腳往上提高:「吼......」 阿怡暗暗感恩大舟係多番催促之下仍未有安上窗花…

霞姨從單位的窗掉下去「噗….」一聲巨響，代表霞姨已被殺了… 但冇人會在意依一下巨響… 因為街上亂成一片。 汽車停係路上，四圍人有亂跑追逐著，慘叫聲處處…

《覆沒·香港》 (九龍篇19 阿怡篇3)

正當阿怡諗住可以鬆一口氣時抱係BB安撫之制，突然傳來怪異的嗚叫: 「嗚哇…嗄啊….」回頭一看見到工人姐姐正痛苦地嗚叫發出不屬於人類的獸叫，活像狗隻的嗚叫令阿怡十分害怕。

工人姐姐身上開始浮現出灰黑斑紋，狀況如同陪月阿姐霞姨…

工人姐姐身上有著被牙齒咬的傷口，相信係被霞姨所傷。

阿怡心知唔可以再拖，當機立斷的單手將工人姐姐推向窗台打算將工人姐姐一併推下。

工人姐姐仍有一點意識，知道主人要將自己推落樓:「嗄….MUMMMM… NO…..嗄….」雙手亂找的想捉實窗框保持平衡。

兩人都出盡力的互搏，但工人姐姐狀況似乎越來越變得喪屍化，力量慢慢的增強。 阿怡心知不妙，立即跳上窗台右腳不停踩向工人姐姐的頭及身體，幾番努力之下工人姐姐終於被阿姨掉下樓了….

「嗄…嗄….」阿怡心感安定，終於將喪屍都一一趕走…. 第一時間阿怡檢查自身有猜被咬傷。 慶幸冇傷。

「BB…冇事啦….BB…..」阿怡抱實女兒。

「哇哇哇…..」BB似乎冇有安寧下來，阿認為BB可能需要食奶就將衣服拉起將豪乳伸到BB咀巴餵奶。

BB看來吃得榛榛有味，當阿怡細心的餵食時察覺到自己手臂一涼。 細看之下發現自己手臂沾上了一點血跡…

血係來自那裡的? 剛才明明冇見到自己受傷。

….「啊…………啊…」最後阿怡驚覺血液係來自女兒的背脊…. 女兒的背部有兩度爪印…. 係岩岩工人姐姐係窗口亂找時做成的….

《覆沒·香港》 (九龍篇20 阿怡篇4)

之後阿怡好擔心BB既情況。 BB好似變左喪屍…. 但BB又喊…

到底BB發生咩事? 係唔係唔舒服? 定係肚儔?

阿怡唔知道自己可以攸D咩去安撫BB! 突然發生喪屍咬人，電視只有雪花睇。 依一刻阿怡只係諗起大舟。

可惜既係電話都打唔通…

家中只有自己及自己既BB…. 望住不停喊既BB，阿恰唔知道仲可以做咩…. 只知道為左BB一定要活下去。

阿怡除去上衣賞試餵奶，阿怡乳房已經充滿奶水，聽到自己既BB喊，身體自然地分秘更多乳汁。 但…. 變成喪屍既BB係咪仲有食慾呢? 假如被BB咬到自己又會唔會被感染呢?

阿怡輕輕將BB嘴巴打開一點查看BB的口有冇喪屍既牙。

無!!!

看住親生女兒在喊，任佢變成點都好，佢此終都係自己骨肉。 所謂虎毒不吃兒，阿怡又點會捨得唔去理會自己既BB女呢?

阿怡鼓起勇氣張自己乳房放入BB口中:「啊…呀…」

BB女正用力的吸食母親既乳汁，大口大口的用力去吸吮。

「好痛……」阿怡被吮得好痛，被喪屍所感染既BB嘴巴似乎比平常有用。

似乎BB變成喪屍後體力增強了。

吸吮了一段時間，阿怡發現BB面色由灰暗變得有一點紅潤，好似回恢左少少人既氣息。 BB係不久之後安靜地訓左。

經歷左太多，阿怡見BB沉靜下來，自己都進入深沉之中。

「啵~啵~~~」突然大門被人用力打爛了，嚇得阿怡同BB都驚醒來。 一群保安進入阿怡既屋企。

「快D落地面集合。」之後阿怡就被安排行到地面集合。

加油...

之前睇到咩藝術館飲酒，即係#幾多?#

你指係中環半山同Bella Jolie一齊果段?

搵到了，第二頁就係

Live
下年再睇

https://lihkg.com/thread/2057070/page/26

睇我另一個故先啦。 依面冇出得咁快SOR

睇吓先

《覆沒·香港》 (九龍篇21 阿怡篇5)

阿怡抱起BB同少量BB用品同一大張包被張BB好好摭蓋就落樓，沿路有唔少大廈既人都一齊落去，大家都係議論紛紛傾梗岩岩大家發生咩事。

當中有人收到消息港島區已經完工被喪屍佔領，只有少數人係島上逃避。

「你話港島已被喪屍佔領…… 點會?」阿怡唔敢相信，因為大舟正正就係灣仔睇梗辦公室。

「我都係聽朋友講，佢係中環返工。」其中一個男人講:「好彩我今日冇返工，如果唔係都唔知會點。」

一旁似係男人老婆既女性拉一拉男人衣服。 佢看到阿怡眉頭心鎖的估計到阿怡家人係港島:「唉亂講，你D消息都係聽返黎。 依位太太你咪信我老公，佢講D野次次都唔中架。」

「係…一家冇事。 大舟佢一定冇事……」阿怡深信大舟會返黎搵自己同BB:「大舟一定會返到黎…」雖然自己都唔太有信心。

「係呢太太，岩岩我聽到高層有人大聲又有打交既聲，你聽唔聽到啊? 好可怕…」太太同起阿怡。

阿怡立即心虛了一下，相信係講梗自己單位….自己岩岩殺左個陪月阿姐同自己個工人，兩人雙雙被推下樓………「我聽唔到啊，岩岩掛住餵奶比BB… 」

「哎呀，係WOR BB幾大啊? 唉啊，你包實佢，實會唔會透唔到氣啊?」同行太太想幫阿怡拎開包布。

「唔好搞佢!!!」阿怡大驚! 唔可以比人見到自己BB變左….. 咁奇怪……「好多細菌!! 我唔想佢接獲到細菌……….」

太太被阿怡既大反應嚇到:「…..啊…哈…. 係既係既…. 小朋友係怕細菌…岩既…唔好意思啊…」之後盲急急腳落樓。

阿怡都落到平台位於，自己大廈對出地上正有兩個大紙皮廂蓋上一點東西…. 地下流出了不少血液。 阿怡當然知道係兩具自己推下既人…. 如今都變成了死屍。

「大家好….我叫無音，請過黎一下。」一個穿上整齊西裝既男人係保安員包圍下走到花槽之上用大聲公叫屋民集合。

《覆沒·香港》 (九龍篇22 阿怡篇6)

無音好似係管理公司既高層，今日係黎睇下我地屋苑既員工工作情況。

無音聲音洪亮的:「大家都知道，外面既情況係點，而作為管理公司既人，我地會好好地保護大家。 我有以下既安排。」

我地一眾居民都議論紛紛的「咩事啊? 」「出面係唔係好多怪物啊?」

「大家安靜!!!」無音大聲說:「我地會負責看守依度，出面有好多喪屍咬人，但我地只要留係屋苑內就會好安全!!! 大家可以放心。」無音續說:「大家都可能發現對外通訊都已經停左，但大家放心! 我地之前已經通知左總公司同警察，而我地亦發現無線電係仲可以用到，所以~~~ 大家只要好好地留係度就OK!!!」

「係啊，真係打唔到電話出去…」「死啦…. 我老公點算，佢仲係出面返梗工….」又係一輪嘈雜既討論。

「我地會收集晒所有物資後每日配給比大家。」無音話口未完已見到旗下保安員在各大廈中搬來大大小小既物資，有食物,飲品, 菜刀, 掃把等可當作武器既物件。

物資都被運到管理處辦公室中。

居民依一刻才驚覺該批物資正正係來自於自己的家中既財物。

「喂喂喂。 做咩拎走我地D食物啊?」一個身穿黑色皮衣和皮短褲既中年男人先開口。 一眾居民受影響之下都起哄來:「係啊，做咩搶晒我地D野啊。 快D放低啊。」

氣氛突然緊張起來，居民都連成一線的打算要拎回自己既食物。

無音知道依一刻必須要將居民壓下，唔好以比混亂發大，正好係被搜集既物資中有一對黑色鞭。 無音雙手拿起雙鞭:「看招~ 【閃電七連鞭 - 第一鞭 ‧ 一閃即逝】」

黑色長鞭快如閃電的從無音手上打中最先起哄的那名中年男人的面額:「啪」的一聲，中年男人面上出現一度血痕，一片面額的肉片被長鞭削去。

「啊…..」黑色皮衣男大叫一聲，左手輕摸面額驚覺自己正在流出鮮血「可惡!!! 你竟然用我對雙鞭黎打我? 從來只有我用條鞭打人!! 你去死啦!!」

黑色皮衣男不顧傷勢衝上前想奪回無音手上既雙鞭。

沒想到既係眼前依位保安公司高層無音運鞭如流，雙手撓了兩圈:「第二鞭 ‧ 二雷索命」雙鞭從如靈蛇般襲向黑色皮衣男，緊緊的張黑色皮衣男的頸項索緊。

黑色皮衣男透不過氣來:「呀…呀……….」面上露出既痛苦又興奮既奇異表情。「啊…… 大力D…..啊……」

看到黑色皮衣男既表情，大家都知道佢咩料… 同時無音雙手輕輕撥拉，將索緊黑色皮衣男既雙鞭收回。

黑色皮衣男面上露出一絲意由未盡的表情問:「你…到底係咩人?」

無音當然察覺到咩一回事，但都禮貌地雙手合拾:「渾元形意門 – 無音。」

無音知道自己出手已收到恐嚇之效「大家要知道，好快將會有人黎接我地，但係依一段時間請大家信任我無音，我會係依段時間好好地守護大家，大家既安危我會放係首位，所以武器都會集合起來用作守衛之用。食物方向我會平均分發比大家，大家只要團結一心就可以等到援救!! 大家放心。」

一眾居民知道自己手上冇任何武器，係武力唔對等之下都唔可能反抗。係依個時間唯有唔出聲默默的忍受。

依一刻大家都期望著政府會派出警察救自己。