《覆沒‧香港》 - (少甜+喪屍)

278 回覆
17 Like 4 Dislike
2020-07-16 11:42:46
2020-07-16 14:57:11
《覆沒‧香港》 【八十】

大舟表示:「你班死HIHI推我出去死!!」

-----------------------------

「雯女我同你出去。」我好想查證一下依件事到底同啤牌會有冇關係。

「大舟,我同你一齊去啦。」阿BEN都想跟我黎。

「BEN你留係度啦,依幾日你係出面都辛苦啦,有時間就休息一下。」我停了一下向BEN打左一下眼色:「你就係到幫我好好保護軍官大人啦。」

我希望以我地既默契,BEN會明白我既意思。

「…. 但係我怕你出去有危險!!!」Ben死心不息。

「放心啦,我仲要返去屋企見阿怡同個女。」我再比多次暗示佢:「你就同軍官留係度啦。」

之後我同雯女就潛行向批發市場大門準備到中X辨。

00000000

「原來你有老婆同女架?」雯女貼近批發市場大門向外注視干諾道情況,大街上都冇咩喪屍。

「係啊。」我知道佢一定係覺得我有老婆又同Bella一齊好賤,老實講我都知自己好下流,但係我真係忍唔到…. 我諗冇咩人會明白因為老婆大肚而要忍受一年多既禁慾期係有幾苦。

「賤男。」雖然佢講我好細聲,但我聽到,不過我亦唔想去同佢討論。

「你係唔係鐘意唐SIR啊?」 我突然一問。

雯女嚇了一跳:「你點知架…..」雯女係果種會將一切都放上面上既人。

「呵… 我冇把握架,只係撞下。 點知又比我講中。佢好似有女朋友架WOR! 佢都要去搵佢女朋友。」

「你你….想講咩啊?」雯女紅著面好惡咁望住我,怪我踢爆佢。

「我明既! 係依個亂世,大家都唔知之後會發生咩事,如果我係你,我會同唐SIR講清楚啊。 講唔定佢會接受你。」

「屌你啦。 唐SIR先唔係你依D賤男啊。 」雯女推開鐵門輕聲走到馬路對面油站旁既牆下。

我緊緊的將身壓低跟係雯女後面:「哼哼… 我睇人好準,你試下同佢示愛啦,我幫你製造機會。」 我一機覺得唐SIR同雯女對我返九龍既路上可以係一個阻礙亦可以係一個助力,我打算從雯女方面落手,增加佢地對我既好感,幫我安全返去屋企搵阿怡。

「…..你….你痴架,都話同佢冇野。 人地有女朋友!!!」雯女有點激動。

「唔好咁大聲,油站入面有一隻喪屍。」跑來時我見到係入油機前有一隻失去右手穿上油站員工服既男喪屍。「隻野可能會阻到我地回程時既安全,我用刀搞掂佢。」

「好。」雯女表示同意。

我將文仔交比我既日本短刀拉出,預計好刀身長度及預想同喪屍對上既情況後,我疑定出戰略! 「雯女,你留係度等我。」

我從牆壁一邊走到喪屍背後。
2020-07-17 12:21:27
《覆沒‧香港》 【八十一】

對於空投,我真的冇信心。 但近戰我可以話係我強項,學習多年泰拳及MMA既我時常會同阿BEN同幾個師兄弟對戰。

要解決喪屍我唔會用摔跤同寢技,同喪屍有太多接觸唔係一個理性既決定!

係拳擊技巧中,除左要出拳快外,收拳都要快。 我將要訣用於那長約50CM左右既日本短刀上。

冷冷的刀鋒橫斬入油站職員頸椎。 斬唔斷!? 「嗚…」喪屍被我斬中後已經立即回身想攻擊我。

我快速將刀拉出,同時喪屍用佢唯一既左手向我爪來。

早有準備既我早已係將刀拉出既同時向後退了兩步同喪屍拉開距離,就係喪屍爪空一下,反射神經快速既我用短刀由上而下將喪屍既半隻手掌斬去,5隻手指一一趺在地上。

解決了被喪屍爪到而中毒既危機後,就要防範喪屍既牙咬! 幸運既係隻油站喪屍只有一隻手,現在佢只能伸前佢既頭咬來。

一個簡單而易於預測既動作,我再向後退兩步避開喪屍,將刀從下而上直插喪屍口中插向腦部!

「咔」一聲,刀被喪屍咬實了,唔能夠如預期的插入空過佢大腦。

我以極快既速度右手從刀柄位用力向上一拍,我感到刀刃微微的向上穿透口腔上顎,相信刀刃被上顎骨頭檔住而未能直插大腦。我立即用右膝撞向刀柄。

「chop」一聲,刀刃從喪屍口腔進頭頂破出,喪屍即時倒下,血液從口腔及頭頂破洞流出。

「估唔到你都幾打得。」雯女見我將喪屍殺死後走出來。

「有學過MMA打拳咁啦,對付喪屍用刀依類武器會比槍好,槍聲會引黎喪屍包圍。」我補多一刀係喪屍心臟位置,以防佢未死得晒。

從油站位置到中X辦之間要橫過干諾道,中間有條天橋,橋底有小花圃種有一D植物小樹。 我地爬上花圃利用植物作遮擋觀察四周環境。

干諾道平日係好少人行既街,相對上唔太多喪屍。 但遠遠見到西環內街就有好多喪屍。

「中X辦就係眼前….. 你估我地可唔可以快D入到去。」雯女問我。

「依度去到中X辦就只有路邊有一隻喪屍,加上依家係日落時間,依面仲有陽光曬入黎,內街D喪屍應該唔太想行黎依面。」我同雯女計劃了一下風險就行動。

雯女先從花圃內跳前引喪屍去攻擊,我從幾米外既花圃走出再由喪屍背後外用刀插入心臟內。簡單地將喪屍解決了。

中X辦就係我地眼前,大門外被封上了,另一旁既停車場都被幾架車檔住出入口。
2020-07-17 21:07:10
響巴加油
2020-07-22 03:35:04
響巴加油
2020-07-23 12:38:55
喺中聯辦會有乜?
2020-07-24 22:27:43
響巴
2020-07-27 20:16:15
《覆沒·香港》 【八十二】

被封上代表入面有人吧?我同雯女都認為應該入去睇下。

從停車場口跳過打橫堵塞既車就入到停車場內,四圍都冇人亦冇喪屍。

「燈都冇?」依度冇後備電。

「上去睇下。」我指住上落停車場既樓梯說。

樓梯冇咩特別,亦聽唔到有咩古怪聲音。

我地順便上到1/f -3/f 都係一個普通辦公室,有reception會議室同一般辦公室座位。

4/f係一個員工飯堂,我地檢查後發現飯堂內已經冇晒食物。

「已經比人食晒!」

「咁可能代表仲有人係度。」雯女說著,準備上5/f。

我哋兩人慢慢行到5/f 聽到入面傳來一陣「咔、咔、咔」既聲音。

雯女同我立即屏息靜氣,怕入面既東西會聽到我地係樓梯。

我慢慢將耳貼近後樓梯門。

「咔...咔...」又係同樣既咔咔聲音。

「入去?」雯女反問我。

我地應唔應該入去呢? 入去之後又應該點做?

————————

又比大家選擇一下。

1)入去5/f了解一下情況

2)唔入去直上6/f睇下有冇其他人
2020-07-27 22:08:55
1
2020-07-27 22:55:36
1
Between幾時有甜
2020-07-28 08:56:28
1
2020-07-28 17:40:57
《覆沒·香港》 【八十三】

「入去好唔好?」我問雯女。

雯女點一點頭,我就入去了。

輕輕的拉開防火門。 但其實我輕力拉同大力拉都唔會有分別,因為入面既野都係會見到門被打開。

「…….」

一捱開門,入面立即冇晒聲音! 我亦停止透氣。

我相信入面既係人,但我唔知道佢對我有冇惡意。

對方亦冇任何動靜。

「…..」

最後對方沈唔住氣先出聲,一把男聲:「有人吗?」

係內地人口音!! 我相信佢係依度做野既人:「我是從外面進來的,你是這裡的人嗎?」

「是啊…. 我是这里工作的,你从外面来? 外面还有怪物吗?」

「外面還有好多怪物!! 這裹有嗎?」我問。

「还有? 到底是什么事情? 突然间有怪物???」男人行出來,佢拎住一條辦公室裹常見既鐵間尺打算撬開冇電既汽水機拎入面既野飲。佢身後仲有兩個女人。

「你先关门吧! 上层有怪物在。」後面有個肥女人講。

「好。」我叫雯女入黎後將梯門關上:「上層還有怪物? 它是你們的領導人嗎?」

「不知道啊,几天前突然上层传来叫声,说有怪物,之后传来叫声。 但上层的都是高干们啊。」男人回答我。

「那你們的高幹們發生事情的那天都在嗎?」我問。

「唔….那天… 我知道他们和香港政府的人有饭局,但最后好像都被放鸰子啦。 他们回来时还在骂政府的狗奴才不见人了。」另一個比較高既女人講。
2020-07-30 17:41:12
《覆沒·香港》 【八十四】

「反正入左,我地不如上去睇一下。 我想知道佢D高層人員係唔係真係仲係度。」我雖然依3件蛋散話上面層數有喪屍,不過事關重大!

「下… 咁搏做咩… 上面有喪屍啊….」雯女好唔想上去。

「我地要知道成件事情起未,到底背後關唔關佢地事!! 所以有必要去睇下。」我同雯女解釋。

「…. 唉…. 咁佢地點?」

我望住3件蛋散問「上層有沒有食物? 我們兩人要上去看看,你們要來嗎?」

我知道食物係依個環境之下係好吸引既野,佢地3人傾左一陣之後就決定唯一既男人跟我地上去。

「在上层还有一个饭堂是领导们用的…..」男人講出黎時我見到佢吞左一下口水,看來佢真係好餓。

我地3人行上去時聽到其中幾層樓內有喪屍叫聲,我地都將聲音壓低走過,到14樓時,男人:「这里是领导的餐厅啦。」

「再上去是你們領導的辨公室嗎?」我問。

「对! 我地到这里拿食物就可以了。」男人打算入去高層專用餐廳去拎野食。

「你一個人去拿吧,我要上去看。」我一個人走左上去最高一層:「雯女你留係度睇水。」

我單手緊緊拎實刀走上15/F,梯門冇鎮上可以直接拉開。個男人同我講依層係佢地高層坐既地方。

「嗚…」我一拉開門已經立即有喪屍衝向我。

係3隻著住西裝既喪屍,從衣服CUTTING睇上去似係訂造既,可以估到佢地係高級人員。

3隻喪屍中其中一隻最接近我,同我距離只有4米左右。

佢雙手伸前向我跑來要咬我。

我大力一腳將辦公室椅踢向喪屍,喪屍不閃不避的撞向椅子後仆到地上。 我立即跳到佢背上連插幾刀入佢心臟位置!

喪屍立即失去反抗能力
2020-07-30 19:58:31
大J加油
2020-08-03 16:38:02
《覆沒·香港》 【八十五】

另外兩隻喪屍準備飛撲過黎,我一個翻身從辦公桌上滾到另一邊通道,落到地上再順勢拎起辦公椅掉向比較近我既喪屍阻礙佢來勢,依靠著辦公桌既阻礙,我一刀斬斷佢雙手手指。

解除咗被佢用手爪傷既危機,佢剩低一個口可以攻擊,我拎起mouse塞入佢個口內,同時用刀橫戒刺盲雙眼奪去佢既視覺。 盲眼喪屍立即係地亂走亂撞的,完全對我冇威脅可言。

搞掂左第二隻之後第三隻喪屍亦已經走到桌邊對我張牙舞爪。

由於佢傻傻沒腦的隔住張辦公桌對我「嗚鳴」聲叫,我一刀從眼插入大腦,喪忍嚎叫一下後跌係地上死去。

係依個高層人員辦公室內,我睇下文件有冇D線索同今次事件有關。

『员工宿舍一览表』『国企一览表』『人口政策』等等,冇一份資料同今次事件有關。 成個office除左果3隻喪屍之外,仲有多個人骨屍骸係度,似乎係比岩岩幾隻喪屍食左。

「冇料都…」

「我地再上去?」雯女係樓梯等候我。

上面仲有3層就到天台:「上去睇下。」

我地上去到發現冇樓梯已經被辦公室傢私塞滿樓梯,我地兩人要通過必須要搬走樓梯上既物件先可以進入樓層內。

但我地搬野既聲音驚動左上層既人…「你们干嘛? 不要动!」

「我們來看看上層有沒有怪物的…」未知道上層既係咩人同有冇攻擊性,我同雯女都退後了一點。

「你们快走开,不要过来。 不过把怪物引过来。快走。」上層傳來聲音。

同時又有另一把聲音傳來:「楼下是什么人啊…. 快叫他们走。」

「好…好…. 我們走啦…」我同雯女講要離開了。

「下? 咁就走???」雯女似乎唔明白做咩咁突然我話要走。

「係啊,走啦。 差唔多天黑晒,我地要快D走返上船。」

就係咁我同雯女跑返落去停車場。

走出停車場,日落已經去到最盡既海平面上,少量陽光照射到我地依一邊。

「快D走。」我同雯女以最快速跑去對面花圃。

身後已經聽到唔少既喪屍鳴叫,數十隻喪屍發展左我地兩人追上來。

我同雯女順利跑入批發市場中,將門關上。

「安全…」

「嗄… 你岩岩點解走得咁突然?」雯女將上鎖上後,喪屍撞到鐵門上對我地怒吼。
2020-08-05 22:20:56
2020-08-13 17:22:23
依排好忙,不過我會盡力出文
2020-08-13 20:00:19
響巴加油
2020-08-17 16:43:46
《覆沒·香港》 【八十六】

「你認唔出岩岩係高層講野果個人把聲?」我問雯女。

「唔…岩岩個人係….?」雯女唔選擇估。

「係小明啊。」

「噢…… 好似係… 咁即係佢都唔知道會有喪屍爆發!?」雯女講出重點來。

「冇錯,以我估計係政府既人知道會有喪屍既出現,反而小明佢地冇被通知!!! 又或者係小明既地係從頭到尾都唔知喪屍既事。」我停了一下:「點都好,快D上船。度門好似唔係好頂得順。」

同雯女跑向岩岩同阿BEN分別既攤檔。

「大舟!」阿Ben見到我地返黎立即叫住我。

「軍宮呢?」雯女見到只有阿BEN一個人立即問。

「佢岩岩突然好辛苦咁叫,之後我見佢好似想變喪屍咁就殺左佢。」阿BEN不慌不忙地說:「你地去左中X辦果邊點啊?有咩發現?」

「我相信今次喪屍事件唔關佢地事,因為高層小明仲係上面。但依家快D走人先,班喪屍撞梗入鐵閘。」

我地3個人頭都唔回就立即跑返上船。

「有咩發現? 軍官呢?」唐SIR見我地返黎就回。

我將一切所見同佢地分析。 唐SIR都同意應該只係政府高層先知道會有喪屍出現。

「唔通政府人員出賣國家? 仆街!!狗宮!!」唐SIR似乎好愛國。

對於背後件事有咩陰謀,其實我同阿BEN地都冇咩太大興趣要知道,我地本身只係生意人,只係想安安定定搵錢過日子。

但發生咁既事,我地變得只好去求生!!! 我首要目標要去搵返自己老婆阿怡。

「好,出發啦~」我、阿BEN、文仔、 Bella、唐SIR、雯女同Kiko一行7人再出發。

---------------------------------------

荔枝角四小龍對出新世界第一渡輪公司 - 登岸。

從尖沙咀至佐敦可以見到岸上都充滿喪屍,到九龍站南昌附近相對上街上喪屍比較少。我地選擇係荔枝角登岸因為依面平時都比較少人行,所以依度相對上會少喪屍。

同時因為我同阿BEN都住係碧海雲天而且有車係車場內,對於我地將來行動都比較方便。

另外,唐SIR女朋友都係附近返工,所以佢都同我地一齊行動。
2020-08-18 13:49:00
終於都離開港島啦
2020-08-19 17:23:44
終於走到~~
2020-08-25 22:33:36
2020-08-27 16:59:07
《覆沒·香港》 (九龍篇)

我地7個人一齊上岸,路線係先從新世界船公司走到興華街西天橋。 碼頭上空冇一人,連喪屍都冇一隻。

香港話大唔大話細唔細,總會有一D地方係人煙罕至。 以經驗同海上觀察所估計,我地可以沿興華街西天橋行到去碧海藍天商場對出。

「大舟阿BEN你地熟路少少,行最前帶路!」唐SIR轉身向行隊尾既Kiko同文仔講。「我地要靜先先行。」

我心入面有無數咁多粗口想講,叫我同阿BEN行頭,文仔KIKO行尾,自己同雯女就行中間。

「你得唔得啊?」我問跟係我後面既Bella

「我OK啊….」Bella拖住我:「唔…. 就快返到你屋企啦…」

「係….」我內心有多忐忑,一面又好擔心阿怡同自己個BB,但同一時間自己又好似愛上左Bella

唔係既…. 我應該唔係真心鐘意Bella,只係我性壓抑得太耐,加上突然發生喪屍爆發所以一時失左方寸自己先會同Bella發生左閞係….

「你…就快可以見返你….家人啦。」Bella拖得我好實。

「唔….」我唔知道可以點同佢講清楚!

可能係我自私,如果真係唔好彩…. 我搵唔返阿怡咁我就應該會同Bella一齊。 因為我唔知道如果真係發生左我最唔想見既事情發生,我會有幾失控… 我希望可以有一個異性陪我,比我一個安慰。

「….大舟….我明白既….」Bella甩開我隻手:「係港島都講左我唔介意…」

我同Bella之間既關係就係咁。 我知道bella希望我會保護佢,而同我發生關係。

當然,我地兩個人對對方都帶著一點愛吧,我地依幾日一齊走過好多。

但到底依一份愛有幾深呢? 特別係我知道Bella係做援交既女仔,令我多少對佢有少少戒心,唔知道佢會對我係唔係真心。

「停一停…. 前面有少少喪屍。」阿BEN行最前:「係Aeon對出行人路樹蔭下。」

「頂…依度開始係住宅,開始有喪屍….我地未必可以安全入到商場或返屋企。」由於被樹木阻礙左視線,我地睇唔到左轉入碧海藍天既路前情況。

「我地不如爬入學校睇下情況。」唐SIR指向左手面既聖公會小學:「係鐵絲網爬入去。」

我地先用武士刀將鐵絲網頂層既尖剌斬去再爬入學校內。

操場上一片冷清沒有人既影蹤。

我說「相信依度應該安全,我地上去課室睇下。」我地圍繞操場行左一圈,因為校內有閘門及鐵網包圍,將喪屍完全隔絕於校外。

「禮堂好似有少少聲…」唐SIR。

我地去到1/F梯口聽到禮堂內好似有聲音發出,

「….係唔係喪屍黎架….」Kiko一聲到有聲就驚到想走。

文仔一手拖實佢:「唔好走散,一個人係度亂走仲危險啊。

「係…」Kiko就企係文仔身邊一瞼驚慌的。

「bella你都留係樓梯度,我地去腸下禮堂。」我要求唐SIR同我仲有阿BEN一齊去睇。

「…唔似喪屍聲…」唐SIR嗚低身避開禮堂門既玻璃窗,防止被禮堂內既人知道我地係出面。

禮堂大門主出入口各有兩度大門,可以一左一右同冒拉開的那一雒門。 門上有一個圓形窗口。唐SIR慢慢企起身查看入面情況。

我同阿BEN亦走到另一對門的窗前抬頭往內看。

我地BEN先係呆了一下再互相對望對方。
2020-08-28 12:29:03
有咩事呢?
2020-08-31 17:14:15
今日冇文~~~
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞